أضف سؤال أو موضوع جديد          

بعض مشاكل اللكزس والافالون والاوريون وحلولها

up 17 down 1
abuu m7md 90
قبل 11 شهر



السلام عليكم ورحمة الله وبركاته
أسعد الله اوقاتكم بكل خير
حبيت افيدكم في بعض المشاكل اللي واجهتني في اللكزس وحلولها بأذن الله :

- المشكلة الأولى : هي طقة بسيطة في بداية التشغيل والطقة مشابهه للمقطع ( https://youtu.be/52hwL4LLfG0 )
هذا الطقة سببها البخاخات . مالها اسباب ثانية

^ ( فيه طقطقة تصير في المكينة هذا مادري وش حلها ولا اعلم عنها شي . )

- المشكلة الثانية : تأخير في التشغيل مثل المقطع ( https://youtu.be/0sxEv8DJ2A8 )
أسباب التأخير كثيرة منها :
1- البطارية ( شيك عليها إذا سليمة أنتقل مباشرة لصفاية البنزين ).

2- صفاية البنزين ( طبعاً موعد تغيير الصفاية يعتمد على ممشى السيارة الصفاية تتغير كل 60 ألف ) .
{ طبعاً فيه جلدة لو ما وزنتها زين راح تطول حتى لو غيرت الصفاية وراح ادرج صوره لموقع الجلدة لازم تكون الجلدة مستويه تماماً
تأكد من أنها مستوية قبل تركب الصفاية } .

- طبعاً لو بتفك الصفاية جيب معك بس مفك صليب وتفك تقريباً 8 او 10 مسامير وفيه كلبس تفك وافصل الفيش .
تنبيه ( أفصل البطارية أحتياطاً ) .

* آتمنى تعتمدون على أنفسكم لان الورش بياخذ عليك مبلغ على شغله بسيطه حرام صراحه هم ماجو من بلدهم متعلمين ولاهم احسن مننا .


3- البخاخات ( البخاخات غالباً تخرب ) وعلامة خرابها ريحة قويه من الشكمان .

لو طلعت عندك الطقه او ريحة تبين خراب البخاخات طريقة فكها سهل اللي تحتاجه من العده هو :

- مفتاح ألن كي مقاس 5 ( ويفضل الالماني الاصلي عشان مايخرب المسمار ) وإذا ضاع المسمار لا قدر الله تقدر تركب مسمار مقاس 10 .
- مفتاح مقاس 12 لفك مسمارين القاعدة الخلفية .
- مفتاح مقاس 10 لفك مسمارين يمين ويسار .
- حبه مقاس 8 او 10 لفك الثروتل أو منظم الهواء .

* فيه مسمار مقاس 12 خلف البوابة حقت الهواء مباشرة وهذا اسهل مسمار راح تقابله .
* وفيه مسمار مقاس 12 مقابل الكمبيوتر مباشرة وهذا بالفك بسيط إن شاء الله لكن في التركيب لازم تكون حريص شوي .
* باقي المسامير وضحتها في الصوره مجموع المسامير 8 .
2 مقاس ( 12 ) و4 ( ألن كي مقاس 5) و 2 مقاس ( 10 ) .
* والبخاخات والله ناسي كم مقاس مسمارها لها 5 مسامير نفس المقاس بس هدي في فكها عشان ماتتحمس وتطيحها وسط الثلاجة .

بعد فك الثلاجة غطي الفتحه بمناديل او خرقة عشان مايدخل الغبار للبساتم وبعد الفك لازم تغير الوجيه حق الثلاجة

واذا فكيت البوابة فك معها حساس الهواء واشتري لك منظف الكترونيات وبخاخ acdelco نظف البوابة والحساس مرة وحده

* أفصل البطارية أحتياطاً والبرمجة بترجع بمجرد ماتشبك البطارية لاتخاف .

أتمنى تقدرون تعبي وينتشر الموضوع وراح اسوي موضع ثاني شامل بعض الأعطال مثل عطل البواجي او الكويلات او حساس الهواء وطريقة معرفة الخلل وين بالضبط إن شاء الله قريب بس أرتب للموضوع

وبس سلامتكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وراح احاول أن شاء الله اشرحها بالفيديو للي مافهم بأذن الله


up 2 down 0
abuu m7md 90
قبل 11 شهر



يعطيك الف عافية
وموضوعك ايضا يشمل الكامري الامريكي 6 سلندر
من 2007 وفوق لانها نفس المكينه بالتمام


up 2 down 0
الرفاعي33 13776
قبل 11 شهر



نسيت الفيديو اللي تعلمت منه فك الثلاجة هو هذا ( https://youtu.be/0kQIkzvs9NY ) وآسف على الإطالة


up 0 down 0
abuu m7md 90
قبل 11 شهر



الله يعافيك وبرضه نسيت والله أذكر الكامري أعتذر وفعلاً يشملها الموضوع يعطيك العافية


up 2 down 0
abuu m7md 90
قبل 11 شهر



حاولت اعطيك لايك لكن للاسف يقول لايمكنك التصويت لان نقاطك قليلة
وافضل من ذلك جزاك الله خير ومن يقرأ


up 1 down 1
ابوخالد 4924 39
قبل 11 شهر



جلدة صفاية البنزين وين موقعها بالضبط ؟
انا فكيت الطرمبة وغير قلب الطرمبه من اسفل وركبت صفايه جديدة ومازالت المشكلة مستمرة
يعني تجي في الاعلى ؟
وفي ناس تقول البخاخات ؟


up 0 down 0
bansq 169
قبل 11 شهر



 اعراض تلف البخاخات : -
- زيادة استهلاك للوقود مع خروج دخان اسود من العادم 
- وجود تأخير في تشغيل المحرك , وبالأخص حينما يكون المحرك بارد 
- ضعف في أداء وتسارع المحرك 
- وجود خلل في اشارة البخاخ القادمة الى كمبيوتر السيارة
- ملاحظة اهتزاز المحرك مع وجود تفتفة بسبب ظاهرة فقد الاشعال 
- وجود تقطيع للمحرك عن المشي بالسيارة 
- السيارة لاتمشي عند الضغط على دواسة الوقود بالمستوى المطلوب بحيث دائما تحس بضعف في الاداء 
- توقف محرك السيارة بشكل مفاجئ عند المشي , وعند اعادة تشغيلها يشتغل المحرك عادي
تدبدب في عداد RPM(((غيرثابت))+بربره في العادم
- شم رائحة الوقود الغير محترقه في العادم  


اسباب تلف البخاخات : -
- تعبئة الوقود من أماكن الغير موثوق بها 
- عدم تغيير فلتر الوقود((اهم سبب))
- السير بالربع الاخير من خزان الوقود 

طرق للمحافظه على البخاخات :-
- المحافظه على تغيير فلتر الوقود 
- عدم المشي والوقود منخفض جدا 
- تعبئة الوقود من أماكن معروووف...

افضل طريقة تنظيف في حال عطل البخاخات :-
 تفك وتنظف عند أماكن مخصصه لتنظيف البخاخات بجهاز او مكاين التنظيف دمتم بود.




up 0 down 3
نواف الحربي4 333
قبل 11 شهر



اخوي bansq حطيت صوره تبين لك وين موقع الجلدة إن شاء الله تضبط معك لو عدلتها راح اسوي لها شرح فيديو قريب إن شاء الله


up 0 down 0
abuu m7md 90
قبل 11 شهر



الله يعطيك العافية يا نواف الحربي4


up 1 down 0
abuu m7md 90
قبل 11 شهر



الله يعافيك ياقلبي 


up 0 down 0
نواف الحربي4 333
قبل 11 شهر



بارك الله فيك
فعلا موضوع تشكر عليه


up 0 down 0
جبل ثور 100 79
قبل 10 شهر و 4 أسبوع



انا عندي لكزس es 2008 بنوراما عندي طقطقه في الاعلى من الخلف مع المطبات او تمايل السيارة.  مدري هل مرت على احد منكم.  


up 0 down 0
مكس 2006 3
قبل 7 شهر و أسبوع