أضف سؤال أو موضوع جديد          

نصيحة لمكيف السيارة

up 21 down 1
bindakheel 955
قبل سنه و 8 شهر



السلام عليكم و رحمة الله وبركاته

يااخوان موضوعي صحيح متأخر و قلت حق يستفيد الشباب افضل

فيه مشاكل مكيف السيارة اكثر الكهربائية يفتي عليك و يقول لك غير الكمبريسر او عبي فريون و روح

طبعا هدي خطأ سواء السيارة جديدة او قديمة

و دايما لما ادخل لمواضيع اشوف الكل يشتكي من الكمبريسر اللي يبغي يبدل او يرهم كمبرسر غير عن الوكالة

تعرفوا الاجواء عندنا يوم غبار و عج و امطار طين و غيره غصب لازم تدخل الاتربة للموتر

المشكلة دي عانيت انا منها لان معي جمس بس لقيت الحل بعدما الكل نصحني ابدل كمبرسر

رحت لورشة شيك على نظام التبريد كامل بالكمبيوتر وبين عندي :

1 - أولها تبديل الليات او الاهواز
2- تبديل الفلتر و يجي 2 للجمس 99 صغير و كبير
3-تنظيف الثلاجة مع المروحة ( و لو شفتوا الرمل و الاوساخ وانتوا بكرامة )
4- تنظيف رديتر المكيف
5 - فريون اصلي
6- تركيب مروحة كهرب خارجيه قدام رديتر المكيف

و ماشاء الله لا بدلت كمبرسر و لا شيء والحين لي 3 سنوات ماعبيت فريون و لا اشتكيت من المكيف

النصيحة للكل تعرفون اجوائنا في الخليج يعني الموتر بتجيه اوساخ و لازم تنظيف وشوي اهتمام

قبل لا تسوي شيء احذر من النصب و كمبرسر السيارة مو رخيص

و سلامتكم من كل شر










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
جزاك الله خير على الموضوع.. لاكن بسألك اخوي لما نظفت الثلاجة فك الطبلون والا نظفها من مكان الفلتر وكم كلف تنظيفها


up 3 down 0
bmw 740il 172
قبل سنه و 8 شهر



في منتجات الان خاصة بتنظيف ثلاجة المكيف تضخها من عند الفلتر 


up 1 down 1
ابو حسين.......... 945
قبل سنه و 8 شهر



bmw 740il


الجمس 99 مايحتاج يفك الطبلون بس الدرج يكفي و المروحه تحت

بالنسبة للمبلغ

الاهواز اصلي امريكي و الفريون و الزيت و الفلاتر و تنظيف الثلاجة مع المروحه و الرديتر و تركيب مروحة خارجيه

فقط ب 750 ريال شغل يد


up 4 down 0
bindakheel 955
قبل سنه و 8 شهر



ماشاء الله كل هاذا وب750بس 

انا كنت بركب مروحة خارجيه قالي مع الفصال ب٧٠٠ يارااجل يعطنونا اسعار من مخهم


up 2 down 1
عبد العزيززز 188
قبل سنه و 8 شهر



كيف شيك على نظام التبريد بالكمبيوتر ؟ 
وين شبك الكمبيوتر 



up 1 down 0
hussain4 830
قبل سنه و 8 شهر



فعلاً صحيح ، للي يجهل فيه واحد على طريق الملك عبدالعزيز
قبل صندوق المؤيه ، بالمحطه اللي بالزاويه كهربائي
ينظف الثلاجه بدون فك ، بمواد كميكل ويعطيك ضمان ويفحص ليزر التهريب
الله يجزاك خير على الموضوع


up 2 down 0
wooow.r 157
قبل سنه و 8 شهر



ابوحسين المشكلة المنتجات ماتنظف مثل ماتكرم الاخ مافيه على الفك و التنظيف لان المنتجات مابتزيل العوالق و الاتربه
بس تعطير و يمكن 10 بالمية تنظيف بس

لاهنت على الموضوع و كم واحد غافل عن هالشيء



up 2 down 0
mustafa77 6103 335
قبل سنه و 8 شهر



طيب انا عندي المكيف لاظهر مايبرد ابد,,ايش حله


up 1 down 0
ayman-a 328
قبل سنه و 8 شهر



وش نوع موترك يا ايمن

يمكن يكون الفلتر وسخ او ناقص فريون او انسداد بالمواصير او الرديتر

اسباب كثبرة


up 2 down 0
mustafa77 6103 335
قبل سنه و 8 شهر



بخصوص الفلاتر حق المكيف وين تجي ؟

عندي جمس 99 يقول الكهربائي مايجي فيه فلتر داخلي للمكيف


up 1 down 0
أبو تمام 1 239
قبل سنه و 8 شهر



ابو تمام فيه فلترين للجمس هدا الكهربائي الظاهر مايفهم

الفلتر الصغير جنب الكمبرسر و سعرها بين 15 و 20 و الثاني جنب قربة المويه حق الرديتر اللي مثل الاسطوانة
و سعرها الاصلية ب 170


up 3 down 0
bindakheel 955
قبل سنه و 8 شهر



وعليكم السلام ورحمة الله وبركاته
والله انا مركب مروحة إضافية مع ان السيارة صغيرة يارس لكن المروحة الإضافية من رأيي الشخصي مهم
ومركبها بزرار فاصل مستقل وفي فترة الظهرية الجو مرررة حر
ارش موية على رديتر المكيف والمروحة شغاله والحمدلله الامور طيبة
ملاحظة حتى لو ما ارش موية عالرديتر ما عندي مشاكل الوضع اوكي
لكن رشة الموية هذي عشان الشمس مرة حارة ترطب الرديتر شويتين
حتى البشر وقت الشمس الحارة تشوفهم يرشو موية على راسهم عشان يبردو


up 2 down 0
ryyan555 692
قبل سنه و 8 شهر



صحيح يا ريان المروحة الاضافية مهمة جدا و المشكلة ماتجي عندنا بالخليج جاهزه

ترش موية على الرديتر ببرد لك المكينة مع المكيف على الظهرية و الله يعين على الحر


up 2 down 0
bindakheel 955
قبل سنه و 8 شهر



بعض السيارات ما يجي فيها فلتر هواء للمكيف مع ان مكان الفلتر والغطاء والكلبسات موجودة يعني
بس تشتري الفلتر وتركب على طول .

صارت معي .. اشتريت سوناتا جديدة ولما جيت اشيك على السيارة وهذا من باب الفضول وحب الاستطلاع والمعرفة 
والقى فلتر هواء المكيف مو موجود ( هل شد بلد ناسينه ؟! ... هل هو مسروق والسيارة في وكالتها ؟! ) الله أعلم .
رجعت للوكالة وقلت لهم ان ما فيه فلتر هواء مكيف .. طلع واحد منهم وعلى طول جاب لي واحد جديد وركبته .

الشاهد من كلامي المفروض الواحد يشيك ويفحص للسيارة في كل شيء .. علشان ما يكون ضحية استغلال او خطأ


up 3 down 0
nasser1430 862
قبل سنه و 8 شهر



اخ ناصر صحيح كلامك اخوي مطلع كرولا فل وكالة و لا فيها فلتر و رجعنا و ركبوا لنا واحد

مدري ليه هالحركة دي ؟ الله يعين


up 2 down 0
bindakheel 955
قبل سنه و 8 شهر



يعطيك العافيه على النصيحه


up 2 down 0
زاهد الاحمدي 408
قبل سنه و 7 شهر