مشورة في محل قطع غيار

التجارة فيها خير

والقطع مكاسبها أكثر من الدبل والاكسسوارات مثل الانوار وقطع البدي ممكن يكون المكسب فيها 5-10 اضعاف

لكن حتى تستفيد فائدة فعلية لازم تبدأ صح ويكون محلك
 شامل وكل شي متوفر عندك 

والافضل تداوم في محلك بنفسك علشان تعرف السوق زين وتعرف ايش المطلوب وايش الناقص ووووو ومن يدخل التجارة يطلع على شي ماكان يعرفه وفرص الربح كثيرة جدا ولله الحمد

والموقع مهم وقوة رأس المال مهمة جدا

والربح والخسارة واردة في التجارة

وأولا واخيرا التوفيق والرزق بيد الله سبحانه وتعالى

وأسأل الله لك التوفيق والسداد

محل قطع الغيار على حسب الموقع ادا جنبك ورش افضل

و القطع اللي توفرها اهم شيء مو تعتمد على الزينة فقط و هدي على شغلك و مجهودك

السجل التجاري تروح مكتب خدمات اسهل الك لان يبغي الك تشوف لك محل و تسوي عقد و تحط فيه معدات السلامة
من طفايات و جرس انذار و لوحة المحل و ترخيص


انا كان عندي محل و سكرته قبل 10 سنوات لان نقلت الصناعية من نفس مكان محلي الى مكان اخر

بالاخير الله يوفقك

محل قطع الغيار ارباحها عالية وبالاضعاف واحتمال الخسارة فيها قليلة جدا والرزاق الله سبحانه ...... يبغا لك توفير قطع غيار لاكثر السيارات المنتشرة والمعروفة مثل تويوتا ونيسان وهونداي وكيا والامريكي والاهم اختيار الموقع المناسب 
والله يرزقك 

وبالنسبة للاجراءات ادخل الرابط 


http://www.chamber.sa/mainpage/training/FAQ/Pages/Page1.aspx

مربح بشكل فوق ماتتصور لو تخصصت في قطع تويوتا أو هونداي والسبب لكثرة مستخدمين هالوكلاتين وبالنسبة للخسارة والربح ماراح تخسر لأن القطع تبقى مطلوبه لو تقعد 20 سنة وأنت عارف القطع مالها تاريخ صلاحية يعني لاتآكل ولاتشرب وسعرها ثابت

مربح لكن يبي له راس مال كبير

يبدولي ان راس المال عندك بسيط يعني لو مره وفتحت محل قطع غيار بيكون للقطع البسيطه وغير متخصص لنوع معين من السيارات يعني بيكون مثل سيور من جميع الانوع لاغلب السيارات - غطيان رديترات لجميع السيارات -مراوح صينيه تركب على اغلب السيارات - يعني مثل كذا وهذا ماشي حاله وربحه ماشي بس مو قوي

وعندك النوع الثاني من المحالات قطع السيارات ويكون راس ماله متوسط ويكون تخصصه كذا نوع من السيارات بس يجيب قطع صينيه او تايلنديه ومايجيب اصلي ابدا لانه مايقدر عليها او ان شروط ان يكون موزع معتمد للقطع الاصليه لاتنطبق عليه وماتقدر تطبقها .

انا صراحة ما جربت محل غيار علشان اقولك فيه ربح ولا لا بس بعطيك اشياء تساهم في نجاح المحل
1- الموقع 
2- الجودة والسعر المعقول 
3- عامل امين ,, بس بحكم انك توك تفتحه افضل انك تشتغل بنفسك 
4- شراء بالجملة علشان توفر
5- حاول تخلي  بظاعتك اصلية او من شركات اما التجاري ابعد عنه والي هو اسوء الانواع 
6- مثلا بتفتح في منطقة شوف وش الي ماشي عندهم يعني مثلا الهيلكس ماشية جيب قطعها والافضل تسأل الورش والقطع الي حوالي المحل 
7- هاذي فكرة ما ادري تنجح ولا لا حاول تكلم الصناعية ياخذون من عندك ولهم نسبة مثلا واحد سيارته خربانة يقل للزبون اشتر من المحل الفلاني اذا اشترا ب200 ريال للعامل 20  او حسب ارباحك هذا انت ال تحدده
ولعلمك هاذي تعتبر من التسويق علشان تاخذ شعبية اكبر 

طبعا قبل كل شي راس المل يعني مثلا بيكلفك المحل 100 الف لازم تكون معك 160 وفوق 

والله يوفقك.

الي اقدر افيدك فيه اذا ماعندك خبره ابدا
اذا عندك وقت وفاضي
اول شي شفلك محل تشتغل معه لو شهر او شهرين
لانه سعوده وبيقبلونك لاكن مراح يخلوك تبيع مجرد مساعد
بيحطوك بالواجه انك سعوده
الافضل تفهم الشغله واهم الشي الجرد والبضاعه
اذا ناسبك الشغل توكل على الله وفتح لك تكون فاهم

بدخل براس مال ٣٠٠ الفف تشوفونه كويس ؟ 

اشوف راس المال جدا ممتاز بس انت اول شي سو دراسة جدوى محل قطع غيار

(((صل ركعتين واستخر ربك  )))

تبي نصيحتي

ادرس السوق وتركد شوي 4 شهور فقط

بتشوف المحلات بدات تتقبل وتبيع بسبب الركود وبداوا الأجانب يطلعون من السوق

فاوض على السعرالمحل وشيك على البضاعة والجرد والقيمة واهم شي الموقع الممتاز ويكون وسط الورش وايجار المحل رخيص

مربح القطع ما بين 20-30% بالغالب للتجاري والأصلي ما يتعدي 10% لا تتوقع اكثر من كذا بسبب المنافسة وانا شغال بالشغلة هذي وبتلاقي ردود لي بموضوع القطع الغيار


حاول قدر المستطاع انك تركز على الأستهلاكيات وتامنها

وباقي القطع الميكانيكة والبدي على الطلب وتوفرها خلال نص او يوم كامل طبعا يكون عندك كشف للأسعار من محلات الجملة من الرياض او جدة وتحط نسبتك وتعرضها للزبون

وتاخذ منه عربون لأنه دايما يغير رايه ويسبب لك منكح وتقعد فترة لين تتصرف

ركز على شركة سيارات وحدة ولا ثنتين ولا تتوسع تراها بتدوخ وانا مجرب هذا الشي

خل عندك احتياطي كاش جاهز لأي زنقة 50 الف على جنب على طول ولا تستخدمها الي بالطواري

تحتاج طولة بال وسعة صدر وترا مو كل الزباين وحدة ( في قليل الحيا وفي من هو ودك تحطه تاج على راسك )

لا تشتري بالآجل نصيحة ثم نصيحة ثم نصيحة تراك ملزم صرفت البضاعة ولا ما صرفتها بتسدد ومافي شي يترجع

لا تبيع بالآجل بتتعب اكثر من مطاردة الزبون حتي لو عطاك سعر 100% ربح


اطلع على الأنظمة والأشتراطات الجديدة ( طالبين شموس وكاميرات مراقبة )

محلات قطع الغيار لا توجد عليها اصدار فيز اجنبية من سنة تقريبا تمهيدا لسعودتها بالقريب العاجل باذن الله


اي استفسار يالغالي عن قطع الغيار انا مستعد من الألف الى اليائ لألني شغال فيها


لا احد يجي مطفي النور يقول انا اجنبي تراني سعودي من الحين اعلمكم

بالتوفيق

لاهنتم جميعاً 

م قصرت ي yamani_2002
بس بسألك انت دخلت الشغله بكم راس مال ؟ 
وكم كلفك المحل مع قطع الغيار الى ما جهز 
وتقريباً كم يصفا لك اخر السنة من المحل ؟ 
والمعذرة على كثر الاسئلة 

بس بسألك انت دخلت الشغله بكم راس مال ؟ دخلت ب 100 الف
وكم كلفك المحل مع قطع الغيار الى ما جهز المحل عمره ما يخلص مهما تحط فيه يحتاج لكن ابدا بلأستهلاكيات ( قماشات مساعدات فلاتر زيوت اسطبات صدامات سيور بكرات طرمبات مساحات الخ )
وتقريباً كم يصفا لك اخر السنة من المحل ؟ ما صفي لي السنة هذي شي انا في مرحلة النمو واحتاج اقل شي 3 سنوات لين اشوف المردود ولا تنسي الطلبات الجديدة من الحكومة وزيادة الرسوم بتاثر واحسب حسابها



بالتوفيق

بس بسألك انت دخلت الشغله بكم راس مال ؟ دخلت ب 150 الف كاش مبدايا ورفعت الي 300 الف ( اخصم 50% من مرتبي واشتري قطع بالكاش شوي شوي )