الاجانب ومضايقة السعودي

54 57

لايمكنك التصويت حتى الحصول على 20 نقطة على الأقل
إضغط هنا للإخفاء

دكتوراه في الحب 165
قبل 6 سنه و 8 شهر

السلام عليكم 
مساء الخير




ابي اتكلم بإختصار وإيجاز


إضافة... نسيت شي مهم جدا جدا الا وهو الجانب الاخلاقي وكلنا نشوف البعض من الاجانب كاشخ ع الاخر بالمولات خاصة أو تحصله مدير توظيف او مدير متجر ولا يخفى علينا الاستغلال لبنات البلد والابتزاز بالوظيفك او الترقية او الراتب وقبل ماتصدقون كلامي قوقل موجود وشوفوا بأنفسكم والمشكلة عندنا اغلب الشعب جدا مصفي النية اكثر من اللازم

وقصة أحد الشباب يقول حاولت استأجر كشك بمول والمدير من جنسية عربية وطفشه وكثر عليه الشروط وبالاخير أجر الكشك على بنقلاديشي وللعلم دخل الكشك اليومي 2000 ريال وترى مو شرط تكون مشكلتهم شخصية مع السعودي الهدف من محاربة السعودي علشان م اشتغل انا وانت وتعمرالثقافة ونضايقهم واوقول للمرة الالف اللي يجي ويشتغل نظامي على العين والرأس والمحترم يحترم

ونقطة مهمة الان كثير منهم يبسطون عند المساجد بشواحن واكسسوارات جولات بصراحة انا ضد اللي يشتري منهم ، ليش ؟ لأن اللي ماعنده شغل نظامي لايجلس عالة ع البلد والله يسهل عليه يروح دولته والله يرزقه ويرزق الجميع

 أولا أكثر من يضايق السعوديين بالوظائف والتجارة هم الاجانب وبل يحارب السعودي ويحاول يطلعه من اي شغلة يشتغلها مثلا هاذي قصة شاب بالجنوب جمع هو وزوجته 48 الف من حافز وفتح بنشري متواضع جدا وحاربوه الاجانب لدرجة انه يقول بالاخير اتفقوا الاجانب على اي موزع ينزل عند السعودي انهم مايخذون منه بضاعة !!!




ثانيا بمحلات الجوالات قبل سعودتها بالكامل الاجنبي يستأجر المجمع كامل من كفيله وأنسى يأجر السعودي لو مهما يكون




ثالثا الاجانب اذا جيتهم بالورش تحصلهم متفقين على سعر معين ولاينزلون عنه حتى لو الشغلة ماتستاهل نصف السعر واوضح مثال على ذلك البناشر بس تجيب الزيت من برا يحد عليك تغيير فقط ب 30 و 40 ريال يعني نظام يا اضحك على بتدبيل سعر الزيت ي اتحكم فيك بكيفي




رابعا الاجنبي يحاول يطلع اي ريال ممكن من جيب السعودي ومثال قبل فترة كان عندي ترميم بالبيت واتفقت معهم على كل صغيرة وكبيرة لأنني اعرفهم زين ماعدا فتحة مكيف شباك نسيتها ويوم خلص الشغل وجيت احاسبه طلب مني 50 ريال عليها وطلب منه الغدا حق ثلاث ايام وتنازل عن ال 50




خامسا الاجنبي اذا جابه السعودي وشغله بالمحل يطفش السعودي بكل الوسائل الممكنة علشان يأجره المحل وثم يبدأ يرفع السعر على السعودي قد مايستطيع ولايرضى بالمكسب السمح ومثال عليه الاجانب اللي كانوا بمحلات الجوالات كانو يركبون الاي سي حق الشاحن مثلا ب 70 ريال والصدمة ان سعره جمله مايتجاوز 3 ريال فقط!!!!




وهاذي امثلة بسيطة والغرض من الموضوع أتمنى تتغير ثقافة السعوديين اذا قلت شي قال هذا حسد ومن هالكلام حبيبي الاجنبي اللي يجي هنا ويشتغل بالنظام ويرضى برزقه هذا على العين والرأس وهم قلة قليلة لكن اللي يجي هنا ويضايق ابن البلد في وطنه من ناحية ومن ناحية يرفع السعر على ابن البلد قد مايستطيع هذا مرفوض.




ولايخفى على عاقل كثرة مشاكلهم والغش وتغيير تواريخ الصلاحية لبعض المعلبات وذبح الكلاب والقطط في المطاعم أعزكم الله والهدف يدحش جيبه قد مايستطيع وبالاخير المتضرر انا وانت وغيرنا



طبعا لا أقصد التعميم على كل الاجانب بل بعضهم محترم ولايجي من العيب لكن للأسف الكلام ينطبق على اكثرهم واغلبهم

هذا مايحضرني والسلام عليكم

إبلاغ

الردود