حقيقة مخالفة التنبيه من كاميرات ساهر

نبهوا والا ما نبهوا اهم شيء الرصيد المالي لحساب سارق عفواً قصدي ساهر 
ترا مصلحة المواطن اهم شيء 

كنت اعصب وازعل من ساهررر 
لكن بعدما شفت الحديد يهشم راس خويي بحادث 
وبعدما شفت متهور ماخذ اللفة بسرعة ١٤٠ وزلقت عليه السيارة وصدم جمس عوايل ومات ابوهم 
وبعدما شفت اللي يطوف داخل نفق مظلم والنفق فيه لفه 

خلاص قلت 
انا باخفف السرعة 
قسما بالله العظيم اني كنت اقول في نفسي انا مستحيل تتعدل سواقتي 
مدري ليش لازم اسرع 
وغصب عني عدلت السواقة ماني اتعدى ٨٠ وبالسفر ١٢٠ 
وصررت اقلق اذا اسرعت 

وبيض الله وجهك با ساهر بعدما لعب فيني لعب 
كانت كل مكافاتي الجامعية اسدد بها ساهر واقعد مطفر

لكني استاهل والله 
والحين قدني ررااكد في سواقتي 

صدقت يا حرف الالف

والله اننا ضبطنا بعد ساهر.....اتحدى تشوف واحد عاقل بسواقته عليه مخالفات

ولايجين واحد يقول فيه العيب الفلاني مثلا شارع واسع حاطين سرعته 80..وهو اقل شي 100

ياطويل العمر..الزين مايكمل..والكمال لله...ولابد من وجود اخطاء
لكن ساهر نفعه وفايدته...اضعاف اضعاااااف عيوبه البسيطة
الي حتى ماتقول انها خطأ

وان تصل سالم معافى..خير من ان لاتصل.

المشكلة ساهر مايردع المخالفين الانتحاريين الي يجيك شايل اللوح ويشطف في الناس كلها !!
ايش الحل معه ساهر ولا في منه فايده

ساهر مايقدر غير ع الضعوف امشي بشارع بسرعة 80 وسرعتي 88 ولقطني بالغلط لاني سهيت شوي بالسرعه
كذا اغلب مخالفاتهم اخطاء فقط

والله ساهر نعمه ولو دفعنا له بين وقت ووقت ،، لكن خط زي اللي رايح الشرقية والبحرين من الرياض والله لو مافي ساهر ومعي V8 وكابرس غير تلقاني دايم
اسرع غصب لكن بسبب السواهر الحمدلله الشعب يمشي شوي ثم يرجع يركد وكذا فالحمدلله هي اللي تخلي الكل يركد من سواقته لو يركد بس شوي
مو شرط راكد بالمره وهذا المطلوب .

نعمة وإلا ماهو نعمة له فوائد وإلا ماله فوائد ,,,

مسدد مخالفته مسددها and your leg above your neck . . . . .

والله ساهر بدا يضبط المتهورين الان مافيه الا قله من المتهورين وربي بيهديهم ان شاء الله

حل مشكلة ساهر بالفيديو تحت
https://youtu.be/-w827-_ubNg