أضف سؤال أو موضوع جديد          

هل جيوب النيسان الجديدة تصرف .. تعال واحكم بنفسك

up 22 down 19
ابو هيثم 7 2253
قبل 3 سنه و 8 شهر



السلام عليكم ورحمه الله


كثرت الاستفسارات بالفترة الاخيرة بالمنتدى عن جيوب النيسان سواء الربع او الصالون او باترول بطل الدروب ..

يجيك واحد ويقولك انحشششش ذا يصرف بنزين ومدري وش .. تسأله تقوله طيب جربته انت ؟ يقولك ولد عم خال رفيق ابو جدي مجرب واحد ويسبه ؟؟؟ او انه بنى معلوماته على موديلات قديمه زي اللي يقول الامريكي يصرف صرف مب طبيعي واذا قلته وش الدليل قال شوف صرفيه مكاين 454 و 511 قبل 30 سنه !!!

المكاين تطورت واختلفت وانا مجرب الجيل الجديد موديل 2016 الربع بمكينه الفتك وهذاه مع اخوي من سنه ونص وسبق واني اخذته وجربته اسبوعين خطوط وداخل المدينه ومشيت فيه اكثر من 1200 كيلو وللامانه كنت احسبه 8 سلندر على قوة العزم اللي فيه ماكنه 6 سلندر مثل باقي الجيوب لكن المهم اني مااشتكيت من صرفيته ولاعمري سمعت اخوي يشتكي ! بالله عليكم يعني اصدق بعض التعليقات واكذب عيوني ؟

المقارنه بين جيوب التويوتا والنيسان والبدايه بعدد السلندرات ثم السعه اللترية واخيرا فارق الاحصنه .. اول حاجه مع مكينه 4.0 ثم 5.7 للتويوتا ويقابلها 5.6 للنيسان (( اقدر اجيب شركات اخرى مثل جيب الدوج دورانجو وجيوب الشيروكي مكائن 5.7 وفيها تفوق كاسح على غيرها لكن انا مابي المقارنه تطلع من بين الشركتين بحكم انهما اشهر شركتين للجيوب بالسوق حاليا )) على فكرة مكينه الفتك 4.8 لايوجد لها منافس بالتويوتا ولكن حطيتها بالقائمه

وللعلم جيب التويوتا 4.0 يطلع 235 الى 268 حصان بينما النيسان نفس السعه ويطلع 275 حصان .. برضه التويوتا 5.7 تطلع من 361 الى 381 حصان بينما النيسان 5.6 توصل 400 لمكاين البلاتينيوم و 428 لمكاين النيسمو

بقي ان تعرف ان المقارنه باللتر (( وليس الكيلو )) بمعنى لو اللتر الواحد يمشيك 10 كيلو فهو افضل من 6 كيلو بكل تأكيد وفيه صورة توضح هالشي

ملاحظه اخيره || هدفي تصحيح معلومة لا اكثر ولا اقل مالي شغل بالتعصب لشركة ضد الثانية بالنهايه شريت تويوتا او نيسان ماراح يدخل بحسابي ريال واحد .. وسلامتكم













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


1 جالون = 3.7854 لتر
1كوارت =946 مل
1ميل =1.6 كلم
مكتوب في الموقع للنيسان 6.2 جالون تمشيك 100 ميل يعني 23.46 لتر تمشيك 160 كلم
لو تلاحظ في نفس الموقع مكتوب
16
combined city/highway تعني المتوسط في المدينة والخط يمشيك الجالون 16 ميل
جنبها مكتوب
19 highway تعني الجالون يمشك في الخط 19 ميل
14 city تعني الجالون يمشيك في المدينة 14 ميل


up 1 down 0
المالكي 1254 93
قبل 3 سنه و 7 شهر



^^^

اجل على كذا دام التانكي الرئيسي 95 لتر اجل بحوله للجالون يطلع 25 جالون اوك

ثم اجيب الرقم 19 ميل لكل جالون واحد واضربه في 1.6 يطلع الناتج 30.4 كيلو

الحين نحول الكيلو ونقسمه على جالون واحد علشان نطلع الحسبه النهائيه وهي (( 30.4 ÷ 3.78 = 8.04 )) نعم الناتج هو 8.04 كيلو لكل لتر واحد

طيب ليه الهياط من اول وانت تشوفه مكتوب بالجدول ان الصرفيه 8 كيلو باللتر الواحد هههههههههههههههههه

ياخي بنزينهم غير بنزيننا !! هم 85 وحنا 91 وبرضه شوارعهم احسن من شوارعنا ومع ذلك وصلو لنفس النتيجه اللي عندنا ؟؟؟ هذي مشكله اللي يطبل للغرب ويكسر مجاديف بلاده زي السنوات اللي راحت كانو يمجدون الشرطه الامريكيه علشانها تطبق مخالفات الحزام ومخالفه وضع الطفل بالكرسي الامامي لازم يكون له كرسي مخصص بالخلف !! يوم طبقت دولتنا هالنظامين قالو قرار تعسفي ؟؟ سوبهان الله


up 0 down 1
ابو هيثم 7 2253
قبل 3 سنه و 7 شهر