ارجوا الافادة بخصوص قطعة الموفرة للبنزين ECO OBD2

ما جربته لكن احسه كلام فاضي

شكرا اخي على افادتك وتستاهل لايك.

اخوي بسألك سؤال
تتوقع القطعة هاذي ابو عشرة ريال توفرلك بنزين
زي البرمجة ابو 500 ريال؟
كل اللي جربوها يعتمدو على المسافة اللي مكتوبة في طبلون السيارة
طيب القطعة هاذي ممكن توهم السيارة انه فيها بنزين يمشي 1000 كم
وفي الاساس مايمشيك ولا 500 كيلو!
لو انها توفر بنزبن صحيح كان شركة ميتسوبيشي وفولكس واجن
استخدموها بدال الفضايح اللي طلعت لهم

كذابين وفيه قطعه بعد نفسها تزيد عزم السياره وهي ماتزيها ولا شي كذب في خراط

اذا ركبتها راح يضعف عليك العزم

سمعت فيها و لا احد يمدحها بعطيك مقاطع اثبات انها ماتسوى مع وجهة نظري المتواضعة

https://www.youtube.com/watch?time_continue=646&v=VGtImIP6j3A

https://www.youtube.com/watch?v=ytwlDVaFbec


في المقطعين فوق مايوصل شيء اصلا للكمبيوتر مع انها مشبوكه

لو فيها خير كان نفس المصنع سواها قبل لا تطلع السيارة منهم

حسب ما شفت انها لمبة تأشر فقط لا توفير ولا عزم 

تبي الافادة الصحيحة ( اي شيء يباع ولا فيه اعتماد او شهادة من جهة مسؤولة ) 
على طول تعرف انه كلام فاضي ومجرد استنزاف اموال بالكذب حتى لو ما فيه ضرر 

هذه مجرد وهم وطريقة لسرقة المال 
ولو انها حقيقة لما خسرت الشركات المصنعة للسيارات الاموال 
والتجارب والابحاث لتقليل صرفية الوقود وتقليل الانبعاثات 
وزيادة العزم  مقابل قطعة قيمتها  ١٠٠ ريال
تابعوا قناة الخبير احمد الحربي 

مجرد تسويق اكثر من فيديو موجود للاسف يمدح للتسويق فقط

القطعه دي كذبة

شكرا اخواني على افادتكم تم وضع لايكات للجميع وتستاهلوا الطيب.

وغير انها نصب وكذب فيه مرة سألت بايع يقولي انتبه ترى في منها اصلي ومقلد والافضل الاصلي
رديت عليه قلت طيب كيف اميز بين الاصلي والمقلد وش الفروقات
سحب علي سيفون ههههههههههه

والله ياخوي انا استخدمتها ولعبت في كهربا السيارة لعب
صار القير يلخبط وحتى كنت بوظب قير
بعدين انتبهت اني مركب القطعة
فكيتها وسويت اعادة برمجة للسيارة وضبطت
لا احد يجربها او يركبها عسيارته نهائيا