أضف سؤال أو موضوع جديد          

مكيف اسبلت يطلع صوت

up 5 down 8
ali400ali 210
قبل 2 سنه و 11 شهر



السلام عليكم ورحمة الله
عندي مكيف اسبليت gree
30 الف وحده
من كم يوم يطلع صوت كانه صوت شي يتكسر يطق ثم تسمع خرشفه مثل الثلج المتكسر او بلاستيك يتكسر
والتبريد على مزاجه مره يبرد ومره يوقف
احد مرت عليه تجربة ولا واجه نفس المشكله وحلها بدون نصب المحلات اللي على طول كمبروسر
وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


التبريد امكن فريون او معدوم بالغبار يحتاج غسيل اجوانا ماترحم


up 1 down 0
المتوكل 777 461
قبل 2 سنه و 11 شهر



احتمال من المروحه الداخليه الصوت. 


up 2 down 0
amer ahmed 551
قبل 2 سنه و 11 شهر



ابدا باللي تقدر عليه
1- غسل المكيف من برا بمويه قبل لا تغسل تأكد انك مقفل المكيف تمام عشان لا تلتمس الاسلاك بسبت الماء واتركه يوم كامل الشمس تصفق فيه
2- نظف الفلاتر الخارجيه الموجوده بالمكيف
3- صوت الطقطقه سببها المراوح تكسرت مع مرور الزمن ومع الغبار والحر و... وسبق وقد جتني نفس المشكله والحمد لله تم حلها
4- عبي فيريون
وامورك باذن الله في السليم
والله عندي مكيف اسبيلت جنني
يا زيين المكيف الصندوق الصوت لحاله يطربك في النوم


up 7 down 0
bssam13 252
قبل 2 سنه و 11 شهر



وعليكم السلام ورحمه الله وبركاته
صوت التكسير 100% مثلج جرب غسيل المكيف واذا ماعندك خلفية عن غسيله
شوف في مقاطع في اليوتيوب كثيرة عن غسيل مكيف الشباك والاسبيليت
وبرضواكتب في البحث قناة الصيانة المنزلية صاحب القناة رجل خبرة كفو قناته فيها شرح
مفصل عن مكيفات الشباك والاسبليت


up 5 down 0
عامر 1412 280
قبل 2 سنه و 11 شهر



المشكلة تثليج في الرديتر الداخلي، ويتساقط الثلج على المروحة الداخلية وتسمع كأنه تكسر، مبدأيا إذا المكيف لم يتنظف فاحتمال كبير أن الوحدة الداخلية متسخة لذلك بعد تنظيفه سيعود التبريد كما كان، أما لو كانت الوحدة الداخلية نظيفة فالإحتمال الأكبر وجود تهريب للفريون مما تسبب بنقص في الفريون ونقص الفريون يتسبب بالثلج، إذا تأكدت من أن الفريون مستواه جيد ولا يوجد تهريب فالمشكلة تكمن في ضعف مروحة الدفع وهذا احتمال ضعيف، ركز على تنظيف الوحدة الداخلية والفريون لو ناقص كلم فني


up 1 down 0
anosi 1359
قبل 2 سنه و 11 شهر



من يوم عرفنا السبليت وهي مشاكل من والى
كل سنه لازم خراب وصيانه وحتى وهي جديده
والعمال ما يدرون وين الله احاطهم
تلاقي له كم سنه شغال فالمكيفات ولا يدري وش الطبخه

الله يذكر الشباك بالخير عز الله كد ومد
لا خراب ولا صيانه وبارد جدا
اكلف ما عليك تنظف فلتره بس

تصدق توي شاري مكيفات جديده سبيلت من المنيع وكل شوي طالعه لي مشكله مدري وشي



up 1 down 0
ابوناصر 454 657
قبل 2 سنه و 11 شهر



المكيف الشباك من مزاياه الحسنه والزينة انها يدخلك جو النوم غصب من صوته اللي يجيب الصمم 
ايه الله يرحمنا بس .. فيه في موقع حراج كم واحد فني يجي للبيت واتوقع لحاله مو لازم جيش من هالعمال 
اللي ما يدري وش السالفة بس يدربي رأسه وآخرتها يقول لك كلمته المشهورة .. صديق (( لازم تغيير كمبروسر )) 
وهو يدري انه كذاب نصاب حرام من الدرجة الاولى ومن الطراز القديم ( اولد سكول ) .
جرب .. ان شاء الله تلقى واحد فاهم وسعره معقول جداً .. والله يوفقنا واياك 


up 0 down 0
nasser1430 871
قبل 2 سنه و 11 شهر



مكيف الاسبليت ينفع في الصالات ولاماكن المقفلة الي ماتقدر تركب شباك فيها
طبعا افضل شي في الاسبلت 30 الف وحدة اقل من كذا الواحد يركب شباك ويريح نفسه من حوسة الاسبليت
يعني غرفة صغيرة غرفة النوم مثلا تكون مطلة على الحوش او الشارع ايش الداعي اركب اسبليت مكيف شباك 18 الف وحدة
يكفي ويوفي تبقى مشكلة ازعاح مكيف الشباك هذا بالنسبة للكمبروسر الكبير الصغير هادئ جداا ومناسب لغرف النوم بس مادري يصلح في الرياض والمناطق الجافة


up 0 down 0
عامر 1412 280
قبل 2 سنه و 11 شهر



قد مرت علي هالمشكله نفس المكيف قري ٣٠ ألف وحده.

حصلت الفلتر وسخ جدا و يسبب تثليج المكيف و الثلج يلامس المروحة و يطلع صوت.

غسلت الفلاتر و راح الصوت.


up 0 down 0
فايز 2012 469
قبل 2 سنه و 11 شهر



كمبريسر صغير في الصيف ما ينفع بريال


up 0 down 0
mfh2009 337
قبل 2 سنه و 11 شهر



المتوكل 777 - amer ahmad- بسام 13 -عامر1413-anosi-ابو ناصر 454-nasser1430-فايز2012- mfh2009

خالص شكري لكم
بالنسبة لتنظيف الفلاتر فانا حريص عليها كل اسبوعين احوم عالبيت كامل اغسل الفلاتر
والمكيف تبريده ممتاز ومالي البيت حتى الغرف اللاخرى نترك البيبان مفتوحه ويوصل البراد
لكن اذا طلعت القربعه هذي فعلا التبريد بعدها يصير هواء فقط ثم يرجع يبرد
المراوح كما ذكرتو واضح عليها انها بحاجة تنظيف
وباذنالله اشوف القناه ولا جبنا من حقين التنظيف اللي معاهم عدتهم جاهزه

شكرا لكل من خصص من وقته وافاد بتجربته او معلومه وتقبلو تحياتي
والنفسيه اللي حط لي ديسلاك برضه شكرا على كمية الحقد اللي في نفسك سبحان الله ما ادري استفساري ما اعجبك ولا عندك محل تبريد وماتبي احد يعلمني طريقة مناسبه بدون نصب المحلات
لكن الله حسيبك



up 2 down 1
ali400ali 210
قبل 2 سنه و 11 شهر



أخي الكريم
إضافة لردي السابق
من أسباب التثليج إذا كان المكيف مخصص لتبريد مساحة كبيرة أكبر من طاقة الجهاز، فالجهاز لن يفصل الكمبروسر وراح يتسبب في تثليج، يفضل غلق الأبواب، كذلك ضبط درجة التبريد على 24 تقريبا، أوفر في الكهرباء والمكيف يفصل براحته، لكن الاحتمالات الأكبر :1.وسخ الوحدة الداخلية. 2.نقص فريون.

أثناء صوت الثلج والتكسير اطلع للوحدة الخارجية في الخارج
إذا وجدت تكون ثلج على الماسورة الكبيرة فقط فالمكيف بحاجة لغسيل
إذا وجدت ثلج على الماسورة الصغيرة فالمكيف يحتاج فريون
وإذا كانت على الماسورتين فبالتأكيد الفريون ناقص والمكيف وسخ


up 2 down 0
anosi 1359
قبل 2 سنه و 11 شهر



إذا تحب تشتغل بيدك قم بشراء اسطوانة فريون وأشحن المكيف بنفسك فالطريقة سهلة، فقط تقرأ نوع الفريون مكتوب على المكيف سواء كان R22 أو R410 وقم بشراء الاسطوانة واعمل صيانة بنفسك


up 0 down 0
anosi 1359
قبل 2 سنه و 11 شهر



بارك الله فيك اخي anosi
المكيف على 26 غالبا واذا انكسر الحر شوي نحطه 28
والحمدلله تبريده كويس بس لما يطلع الصوت مايبرد
والمشكله اتوقع في الوحده الداخليه كما افدت فيما يبدو انها تثلج والشقه مساحتها صغيره
الوحده الخارجيه المواصير تنزل من المكيف في ماصورة مجهزه مسبقا من وقت البناء ومغطاه بعازل وشطرطون لكن لا يمنع اشيك عليها
معلوماتك قيمه بارك الله فيك ومفيده




up 0 down 0
ali400ali 210
قبل 2 سنه و 11 شهر



فيه واحد باليوتيوب جزاه الله خير

اسمه كهربائي الرس السعودي وجدا استفدت من مقاطعه بصيانة المكيفات وحلول السباكه بالمنزل انصحك تتابعه ويوجد له رقم حاول تتواصل معاه لان مبين عليه واحد فاهم ماشاء الله عليه


up 0 down 0
ابو يزيد1414 68
قبل 2 سنه و 11 شهر



وش طلع سبب الصوت المزعج يا اخ علي؟؟


up 0 down 0
نديم الطيف 235
قبل 2 سنه و 4 شهر



الاخوة الكرام والاخ نديم الطيف
بعد البحث والتحري والكلام الكثير والطلعه والنزله
طلع فعلا انه يثلج والسبب ان اللي ركب المكيف استغل قرب السطح و سرق له مترين ونص من النحاس وركب لي مترين ونص
رفعت شكوى ضد المورد اللي ركبه
جوني فنيين من الوكاله حقت المكيف
غيرو الوحدة الداخليه كامله والخارجيه
والمورد رجع دق علي وعملت ايه وعملت ايه قلت عملت حقي
الفني حقكم سارق مترين ونص من النحاس
فالاخوة الكرام اي مكيف من 24 الف وحده وتحت لازم المواصير النحاس لاتقل عن 4 متر حتى لو المسافه قريبه
اي مكيف اعلى من 24 الف وحده لازم المواصير النحاس تكون 5 متر واكثر حتى لو المسافة قريبة .

تحياتي لكم جميعا وكل عام وانتم بالف خير


up 2 down 0
ali400ali 210
قبل 2 سنه و 2 شهر



والمشكله ان الكيف جديد


up 1 down 0
ماكس سالم 1
قبل 4 شهر



اخوي ماكس سالم
ذكرت المشكله والسبب وانحلت بتبديل المكيف من الشركة وتغريم المورد بتكلفة الجهاز
لان الفنيين استغلو قرب السطح وسرقو من النحاس


up 0 down 0
ali400ali 210
قبل 4 شهر