أضف سؤال أو موضوع جديد          

مشكلة حرارة فورد 97

up 2 down 2
almilby 4
قبل شهر



السلام عليكم ورحمة الله وبركاته

اخواني عندي مشكلة الحرارة بفورد 97 الحرارة والمكيف طافي وبدون بلف تكون الحرارة حول النص واذا شغلت المكيف تتعدا النص بشوي

مالقيت لها حل غيرت كل شي ولا زالت المشكلة

هاذي القطع الي غيرتها

1 اديتر جديد اصلي
2 طرمبة ماء اصلية
3 كلتش مروحة اصلي
4 غطاء اديتر اصلي
5 خراطيش الماء فوق وتحت
والشمكان فكيته من القزوز ابي اجرب قلت ان المشكلة ممكن من الدبات مسدوده ولازالات المشكلة
ومروحة المكيف فحصتها وشغالة تمام

مع العلم اني مغير مكينة توي المكينة الاولة خبطت وكانت فيها نفس الحرارة هاذي

* الصورة الاولى الحرارة بالليل بدون مكيف والبلف مفكون على النص

* والصورة الثانية بالليل والمكيف شغال تصل فوق النص والسيارة ماعليها بلف حرارة


**(( تحديث للموضوع ))

* ركبت بلف حرارة جديد مع ماء اخضر اصلي والحرارة صارت ثابته فوق النص ( شوف الصورة الثالثة )

شكيت في حساس الحرارة ورحت صبيت ماء فوق الاديتر عشان يبرد لاكن الحرارة ماتغيرت على نفس الوضع فوق النص مع ان الهواء الي يخرج من الاديتر قدام بارد

هنا شكيت يابحساس الحرارة ولا العداد حق الحرارة












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم اخوي اللي اعرفه ان الفورد لازم يكون البلف راكب عشان تنتظم عندك دوره الماء داخل المحرك فانصحك ترجع البلف والفورد حرارته النص ثابته سواء شتاء وصيف


up 4 down 1



عندي فورد له سنين معي وحرارته تحت حرارتك بشوي


up 2 down 1
جنوط حديد 138
قبل شهر



المويه اصليه ولا الاخضر اللي ف الورش ولا مويه عاديه

ترا فرق اقل شي مويه اصليه من موزع من ١٢٥ درجه يبدا الغليان وفيه اكثر حسب الخصائص المويه العاديه ماتنفع

والمويه الخضرا ولا الحمرا اللي بالورش ماي مقطر ملون فقط


up 2 down 1
7amood1930 227
قبل شهر



انا عندي مثل الثانيه ثابته اذا عندك ماتزيد عن كذا فالله العالم طبيعيه


انا اشوف انها طبيعيه
السيارات الامريكيه كلها كذا على النص
اذا ما ترتفع اكثر من كذا خلها لا تجيها ولا تغير ولا تبدل


up 1 down 5



اذا تقصد الصوره الثانيه طبيعيه 
نفس حرارة سيارتي ثابته على كذا 
واذا المكينه القديمه حرارتها اقل من كذا
يمكن من المكينه الحراره ولا الرديتر يبي له تنسيم
واذا ملغي الدفايه شف اللي اللي مركب عليه البوجي 
يمكن فيه تنسيم ويسبب حراره 


up 1 down 1
w.asa 2169
قبل شهر



رجع البلف تثبت الحراره 


up 0 down 1



الصورة الاولى تحت النص 
الثانيه ع النص ف الحرارة طبيعيه 


up 0 down 1



الله يعطيكم العافية على جميعا الردود

والحرارة عندي بدون مكيف على النص واذا شغلت المكيف تتعدا النص تصل الى راس الشجرة الي بعداد الحرارة وهذا مستحيل يكون طبيعي باقي الربع عن الفل
والصورة الي انا حاطها بالليل واحيان يصل اكثر من كذا

وان شاء الله ابي اركب البلف مع ماء اصلي قريب وااجرب


up 1 down 0
almilby 4
قبل شهر



اكثر من واحد قال لك طبيعيه واناوان معي فوردين 99 واحد امريكي والثاني سعودي كلهم نفس الصورة الثانية وطبيعي جدا


up 0 down 0
0562318080 147
قبل شهر



الا كانك تبغى تخسر عالفاضي مانقول شي


up 1 down 0
0562318080 147
قبل شهر



الله يعطيك العافية اخوي 0562318080

الصورة الي انا حاطها ماهي اعلى حرارة يصل لها انت شوف ثاني صورة انا حاطها اذا شغلت المكيف وطولت السيارة وافقة تصل الحرارة الى اعلى الشجرة الي خلف امبير الحرارة

لاكن انا ابي ركب بلف مع ماء اصلي وان شاء الله تتعدل الحرارة


up 1 down 0
almilby 4
قبل شهر



شف الشجرة اللي خلف الامبير هي المقياس بالنسبه لي اذا صار باين منها حرف L طبيعي اللي هوالنص اذا زاد وغطا الشرطه الافقية بالشجره معناته عندك مشكلة وعشان تتاكد انها سليمه وقف واسمع صوت المراوح تلقاها تطفي وتشتغل


up 1 down 0
0562318080 147
قبل شهر



انت سيخ الرديتر وغسله من برى من الاوساخ هو ومبرد القير وركب موية موتر كرافت الاصلي لا تدور غيرها ورجع البلف اصلي وكالة الظاهر الحرارة منه


up 0 down 0
النمر606 87
قبل 4 أسبوع و يوم



ركب بلف ياضي يفتح قبل على حرارة ٧٨ اما حق الوكالة يفتح حول ٩٦ على ما اذكر ماينفع تفكه نهائي 
و ركب موية رديتر موتور كرافت اصلي و ٣ علب موية رديتر تقريباً و بترتاح واذا مره ركب رديتر قير إضافي لانها إحتمال من القير 
او ركب البلف رياضي 


up 0 down 0



و حط زيت كاسترول ١٠-٣٠ او اللزوجة المناسبة لك لانه يتحمل الحرارة العالية ولا يرفعها 


up 0 down 0



الله يعطيكم العافية على الردود

(( تحديث للموضوع ))

* ركبت بلف حرارة جديد مع ماء اخضر اصلي والحرارة صارت ثابته فوق النص ( شوف الصورة الثالثة فوق )

شكيت في حساس الحرارة ورحت صبيت ماء فوق الاديتر عشان يبرد لاكن الحرارة ماتغيرت على نفس الوضع فوق النص مع ان الهواء الي يخرج من الاديتر قدام بارد

هنا شكيت يابحساس الحرارة ولا العداد حق الحرارة


up 0 down 0
almilby 4
قبل 3 أسبوع و 6 يوم



الاخ الكريم امتلك فورد 97

والحراره نفس الصوره بس مرتفعه في فتره الظهيره ، ماعليك خوف.


up 0 down 0
waka81 48
قبل 3 أسبوع و 4 يوم