انتبهوا من سيارات تاهو وسوبربان اماراتية من المزادات مضروبة
10
2
إضغط هنا للإخفاء
نصيحة اخوية من مجرب
فية إعلانات هنا في حراج على تاهوات وسوبربان مديلات 13 و 14 مشتراه من قبل سعوديين شريطية من مزادات مدينة العين في الإمارات في معارض الشفاء
والنسيم بالرياض وكذلك الشرقية
انا بنفسي رحت ابشتري واحد وحصلتها بكثرة في الرياض
المهم اول ماتجي تشوف السيارات شي خرافي نظافة
بودّي غير طبيعية ونظافة من الداخل غير طبيعية
وممشى قليل وكلها تدور في المعارض
وسواقينها ناس كبار والشماغ والعقال والرزة
ما أطول عليكم
اعجبني واحد تاهو لون موكا مديل 2013
ماشي 36 الف
واتفقنا على 72 الف
وفية شخص هنا في المنتدى قد مدح لي محل حق
فحص اسمة اتجاهات أمان في معارض الشفاء
قلت يالله مشينا نفحص
ذهبنا للفحص الفلبيني قال 400 فحص شامل
قسم بالله ياشباب ماعمري شفت اجهزة مثل اللي عندهم بالمحل
في حياتي
وواحد من الفلبينيين معة سماعة مثل سماعة الدكتور
هاذي يكشف فيها على المكينة يشوف الأصوات
المهم بعد الفحص الدقيق
شاص مضروب بوية كلها الاثنين
كراسي مكينة
جربكس مضروب
عكوس دبل
ودبل مضروب
مرتبة السائق نازلة بقوة وهذا يدل ان العداد منزل
الدركسون مغير
غطاء الايرباق مغير جديد
وهذا يدل على طلوع الايرباق
والحمد لله كنسلت البيعة في نفس المحل
صح خسرت 400 ريال
لكن ماتوهقت بهذه السيارة
اللي مايخاف الله
مشتريها من مزادات مدينة العين
ومنزل عدادها الله لايوفقك
الموتر بعد مانزلت تحتة وشفتة
اعطية ممشاء فوق 300 الف
مافية الإشي واحد البودي سليم
وهذا اللي لعب علية الشريطي
انتبهو ياشباب وَيَا اخوان من السيارات الخليجية
كلها من مزادات حقت شركات
لايغرك البودي
تراها مكروفة كرف غير طبيعي
حطها حلقة في إذنك
اذا الاعلان فية خليجي
ومغطي اللوحات في الصور فمعناتة بطاقة جمركية اهرب منة هروبك من الأسد
إبلاغ
الردود
ترى المواتر اللي تجي من برا مثل الكامري و المرسدس امريكية وارد الامارات كلها لو يصير فيها شيء و تحتاج برمجة
حتى الوكالة ترفض لان نظامها امريكي و حتى قطع غيار مكلف مثل راس المكينة يختلف عن السعودي
مرة تورطت خويي عشان لمبة الايرباق الفرق بس 7 ثواني في التشغيل و مافي احد عدلها الا بواسطة في المواصفات
لينقلها سعودية
جزاك الله خير
2
0
لكن دايم اذا بغيت تشتري سياره
وقالك وش فيها وش ما فيها
اشرط عليه الفحص اذا كان خلاف ما قال يتحمل القيمه
اذا قام يروغ ويقول لا ومدري ايش اعرف انه لعاب
لان الشخص الواثق من سيارته وعارف وش فيها ما عنده مشكله يقول اتحمل قيمة الفحص لانه خابر سيارته وما فيها شي
لان صعب لو شفت لك 5 سيارات مثلا وفحصتها وصار فيها عيوب تتحمل قيمة الفحص يعني اقل شي بتدفع 2000 ريال على خالي بلاش
2
0
لو العالم تمشي بكلام الدين ويبين الواحد وش في موتره افضل ويترك الغش
أمس وقفت على هايلكس دبل ٢٠١٤ ويسأله واحد جنبي يقول الموتر سليم يقول قدامك طيب وضح له وش اللي في الموتر هذا اتفاق
1
0
بدينا بالبدي واكتشفنا خلاف الواقع قلت مع السلامه عط الفحص قيمته
0
0
ل هالسبب ما ودي اتعامل مع شريطية لا في البيع ولا في الشرا. الله يبعدني عنهم عيال الحرام.
2
0
الدعايه الغير مباشرة.......مدري وش قصده!
المهم صلوا ع النبي...واستغلوا العشر بالاعمال الصالحه
3
1
يمكن اتجاهات أمان
وشكرا لصاحب الموضوع
2
0
والهدف من الموضوع هو إيصال تحذير من سيارات مزادات الإمارات فقط
واما صاحب المحل الله هو المتكفل برزقة
3
1
والخليجي دايم اسمع الناس يذمون فيه ولا شفت شي التاهوات الي تقول شفتها بكثره وين بالضبط حصلتها بأي معرض
0
0
مشكور على النصيحة وجزاك الله خير
بس من اول لوانت شارط عليه سعر الفحص
كان من اول هو سحب نفسه بنفسه
وباالتوفيق
قبل 7 سنه و 4 شهر