أضف سؤال أو موضوع جديد          

مشكلة تأخير في التشغيل كابرس 2013

up 0 down 0



السلام عليكم
كيف الحال انا موتري كابرس 13 ماشي 113 والموتر ماشاء الله لكن صارت لي مشكلة قبل يومين
وهي ان السيارة اذا جيت اشغلها سواء باردة حارة ماتشتغل على طول يعني تتأخر في التشغيل وفحص الكمبيوتر ماطلع نتيجة
ورحت بها الصناعية وواحد خسرني تفلسف علي وقال حساس الكرنك وغيرته والمشكلة نفس ماهي مع العلم البطارية والدينمو والسلف كل شيء تمام .
والمقطع تحت يوضح المشكلة .
واما البواجي واسلاك البواجي مغيرها على اخر رمضان ولا فيها شيء .
وواحد قالي هذا من البلف حق طرمبة البانزين لكن ماينباع الا الطرمبة كاملة فلازم تغيرها كلها .
وما ادري عنه اخاف اخسر وادفع فلوس اخر شيء مو منها ... لان الموتر اذا اشتغل خلاص مايطقع او يطفي او يتفتف
المشكلة بس تأخير في التشغيل وهل البخاخات لها دخل ولا حاجة ياليت اللي يعرف الحل يقول الله لا يهينكم
https://www.youtube.com/watch?v=GKbMdNjxTy0







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

نعم اخي الكريم البخاخات تسبب تأخر في التشغيل حاول تنظفها اولا وعلمنا 




ترا احياناً تكون البطاريه قرب عمرها تنتهي وتسوي كذا صارت معي

ابدا بالاسهل قبل تتخسر 


up 0 down 0



حبيبي اذا قرب عمر البطاريه نفس الاعراض مثل ما ذكر ابو سعود


نفس المشكلة عانيت منها بعد م حصلي التماس وكانت العلة من بلف الطرمبة او اسم القطعة قاعدة طرمبة علوي لان بطارية السيارة كانت جديدة
غيرت طرمبة كامل شريتها ب200﷼ لان واحد من المهندسين شراها لزبون والزبون سحب عليه واشتريتها منه والحمدلله الامور تمام
*سيارتي يارس


up 0 down 0
ryyan555 670
قبل سنه



انا كان معي فورد كراون فكتوريا وكان عندي نفس المشكله وطلع من كتاوت الطرمبه بنزين مع انه بالفحص سليمه وغيرتها وضبط


up 0 down 0
saif2257 108
قبل سنه



اخوان بخصوص البطارية فانا فكيتها وركبت جدية وما راحت المشكلة فرجعت حقتي لان مافيها شيء يعني وواحد معه زي موتري قالي صارت له وماسا لها شيء وراحت من نفسها يعني اسوي زي ماقال ولا اروح الوكالة بكرة واشوف الوضع ؟ المشكلة طرمبة الكابرس غاليه لو الخراب منها


up 0 down 0



فيه سببين لمشكلتك يا أما ضعف في دفع طرمبة البانزين وتقدر تتأكد منها بساعة ضغط طرمبة البنزين والسبب الثاني من ترس السلف (دقمة السلف)


up 2 down 0
aliexendr_8 100
قبل سنه



قبل الشغل قل للعامل اذا ماصلحت السيارة مااعطيك حسابك اذا كان واثق بيوافق


up 0 down 0
299
قبل سنه



عندي نفس مشكلتك فالكابرس وغيرت  البطاريه و السلف وغيرت الطرمبه وبرضو نفس الشي
لاتغير الطرمبه وتخسر عالفاضي  


كلي لعيونك اسير يعني كان عندك نفس المشكلة بالضبط وغيرت كل شيء وماضبط ؟ وكم موديل موترك وكم ماشي والمشكلة كم لها معك الحين


up 0 down 0



انا سمعت ممكن تكون من حساس دعسة البانزين تتوقع منه ؟


up 0 down 0



فيصل طلال: 
للاسف والله ماضبط لحد الان 2008 ماشي 200 الف 
المشكله لهااكثر من سنه 
حساس الدعسه ماشيكت عليه بصراحه لكن احتمال يكون منها 
شوف الوكاله وش يقولون لك وعلمني

موفق....


ابشر بقولك ... انا قلت منظم الدعسه اللي هو حساس الدعسه لان شفت واحد منزل موضوع بس ما ادري انت شفت الفيديو ومشكلتك مثلي بالضبط او لا وهل هو كانت مشكلته مثلي او لا لكن شفت مقطع باليوتيوب لومينا نفس مشكلتي وواحد رد عليه انه غير منظم دعسة البانزين وضبط


up 0 down 0



اسباب تاخير تشغيل المكينة محصورة في عدة اسباب 
لكن مثل ما ذكرت ما ودك تخسر على الفاضي ولا الومك 

لكن احتمال تكون البخاخات فيها مسكره شيء بسيط من الاوساخ 
والرواسب وخصوصاً اذا انت تعبي بنزين  بشكل مستمر من محطة تانكيهم تعبان 

فانا باشور عليك بشور بيكلفك ٣٥ ريالفقط ..  وهو انك تشتري منظف دورة البنزين والبخاخات حق ميتسوبيشي 
الاصلي وتصبه في التانكي وهو على النص .. واذا مشت امورك فالحمد لله خير وبركة واذا التحسن 
ملحوظ ومعقول فان المشكلة في الطرمبة أو نظام دورة البنزين يبيلها صيانة بسيطة .
وان شاء الله سهالات 


up 0 down 0
nasser1430 858
قبل سنه



تعديل :- 
٣٥ ريال **


up 0 down 0
nasser1430 858
قبل سنه



والله مارحت الوكالة بس واحد من العيال معه نفس موتري كابرس 13 وقد صارت له ويقول راحت من نفسها بدون مايسوي شيء فشكلي بسحب مثله


up 0 down 0



المشكلة من طرمبة البانزين غيرتها والحمدلله


up 0 down 1