استفساار اخوان

تبي النصيحه لاتطلع ولاشي اول هو مو مقتدر خله يدورله سيارة من 20الي 30الف افضله من التمليك 

نصيحة لا تطلع له اجار تمليك .. دامه عزيز عليك اشترله سيارة ب ٢٠ الف وقسطها عليه اقساط ميسرة
لان اجار التمليك ما يقدر يسدد ٦٠ شهر وكل شهر ب ١٠٠٠ ريال
اذا ما تقدر تشتريله وتقسط له اعتذر منه هذا شيء صعب ومو بسيط

بنهاية كلامك قلت الكفيل سدد .. يعني واضحه يابن الحلال : )

والله انك عجيب

خويك سحب ع الي كفله ببنك التسليف...وجاي تقولنا اكفله بسيارة؟


نصيحه يالربع...نصيييحه...لاتعطي احد ولا تكفل احد
الفزعه زينه...لكن لاصارت ع غشامه تاكل هوا

ابد اي واحد قولها فوجهه ...ماعندي

والله الدين ادمان...بعض الربع يتسلف ع اي شي خلاص تعود


لاتسلف احد

واذا ملزم....خذ استمارة...تلقاها بالنت..او فالبنك
مثل يند القبض...خله يبصم...

هذا شرع الله

يَا أَيُّهَا الَّذِينَ آمَنُوا إِذَا تَدَايَنتُم بِدَيْنٍ إِلَىٰ أَجَلٍ مُّسَمًّى فَاكْتُبُوهُ ۚ وَلْيَكْتُب بَّيْنَكُمْ كَاتِبٌ بِالْعَدْلِ

الله خلقنا واعلم بحالنا...والله لو اخوك...خله يبصم

تقولي تراك زودتها....ياكثر القضايا بالمحاكم

الاخ يقول لخوه ..والله اني ذلحيين نااااااسي

والله يالربع حصلت معي...عطيت اخوي 500

بعد سنتين توظف...وقلت هاتها...والحمد لله هو بخير

وفعلا قال والله ما اذكر ...خخخخخخخ

اخذت الصرافه وسحبتها.


موفقين..ياعيااااااااال
قوووووي قللللبك

يابن الحلال الصداقه مثل الاخوه 
الرجال محتاج وانت ودك تفزع معه
ولاتحمل نفسك فوق طاقتها
انت لو تقدر تسلفه مبلغ بسيط ويشتري سياره
ولا افزع معه عطه مبلغ من عندك وخله يدبر نفسه من معارفه
اخسر ٥٠٠٠ ولا تخسر ٨٠٠٠٠٠
وتخسر خويك 
انت كلمه وقل بدال ما اكفلك بعطيك من عندي عطيه
ودبر الباقي من نفسك ولا سلفه مبلغ وخله يشتري سياره

انا كلمته قلتله انت ما معك الا ضمان عيالك ي دوب يكفيك يقول خذ بطاقه الضمان
سدد والباقي جبه قلت كله اللي بالبطاقه 2500 وقسط اللي انت تبي 1500 منت قادر وزعل
يقول انت يوم محتاج ما قصرت معك
صح ما انكر جميله بس ما طلبت منه شي فوق استطاعته كثر مبلغ ما تهدا 3 الالف
وانا الحين منحرج منه ان هطيته مشكله وان ما عطيته مشكله

نصيحة للجميع .. بغض النظر عن موضوع الرجال
اذا جاكم احد يبي كفاله ، قولوا له انا باخذ المبلغ او السيارة بإسمي
وانت اكفلني ، وخله ياخذ المبلغ او السيارة له ، ولا تسدد ولا قسط عشان هو ينجبر يسدد
المبلغ اللي اخذه وانت في السليم
طريقة مجربه ومرضية للطرفين وتبعد عنك اللي ناوين يسحبون عليك بعد ماتكفلهم
وبالتوفيق للجميع :)

ابعد عن الشر وغني له
كل شي واضح وعقلك في راسك
انا منك اعطيه كاش في الوجه واقوله سررررررررررررررررري
اطلب الله وان زعل دله على طريق البحر خله يشرب لين يطفح
هذي الحقيقة والزمن تغير معاد مثل اول
اللهم نفسي نفسي

نصيحتي لك اذا انت مقتدر اشتري له سيارة أبو 15000 مثلا وخليها بأسمك وقسطها عليه مثلا كل شهر 1000 ريال وسوي له تفويض الى ان يسدد لك قيمتها

بعض البشر يعطيك بيده لقمه وبعد ما يلقمك يلحس الصحن كله ويمن عليك اللقمه
تقول فزعلك ب 3000 ولا قصر قله ابشر لك مني مثلها او ضعفها عطه 6 الاف
اما اني اقعد اسدد عنك 5 سنوات ودفعه اخيره ولا انسجن واتغرم بسبتك لا والله
ودامه تغير وزعل بمجرد ما وضحت له ان دخله ضعيف ولا بيقدر يسدد فتأكد انك بعد ما تشريله السياره بيتغير عليك

الردين الاخيره انا معها

حتى الكفاله لاتكفل غير أبوك وامك 

ياعزيزي اعتذر منه بيزعل يومين اسبوع وبعدها بيرضى

لكن ان طلعت له بتقعد تحت رحمته الى ان تخلص اقساط السيارة
وممكن تخرب بينكم وتقعدون الى ان تشيبو وانتم متخاصمين

فأنا من رأيي اذا تبي تحافظ على صديق 
لاتسلفه ولا تآخذ منه وكذا تبقون طول العمر احباب

اذا له في بطنك معروف مو معناته انك تكفله وتورط عمرك وانت تدري ظروفه عدام وأحواله رايحه فيها 
رد له المعروف بالمثل يعني اذا سلفك او ساعدك بثلاثة الآف ساعده بمثلها او اذا تقدر زود شوي 

لكن تحمل نفسك فوق طاقتها لا وألف لا ... شور الرجال قبلي وهذا أنا أقول شوري عليك ترا بكره مثل ما سحب على 
على اللي كفله في بنك التسليف راح يسحب عليك .. ويقول لك سدد ويذلك بانه راعي معروف عليك

لعنبو هالثلاثة الآف اللي ساعدك او سلفك اياها .. بالنهاية انت استشرتنا وحنا ردينا لك الشور .. وسلامتك 

انا مع الاخوان اللي فوق
منت ملزوم تكفله وتبلش نفسك بامور في غناء عنها
صدقني هذا من الحين ماهو مسدد بين عليه
دام قد سحب على الكفيل قبل وخله يسدد
ولا عنده الا الضمان مصدر دخل له
فما ضنتي انه بيسدد لك
والرجل يعذر رفيقه اذا ما قدر على حاجته
ودام زعل فهذا ماهو رجل هذا لعاب يبي يمص دمك وسحب عليك

ولا انت ملزوم باحد تكفله ابدا
الا ابوك او اخوك كانك تثق فيه
اما غيرها لا تكفل احدا ابد

بعدين دام حاله مستور وراتب 2500 ليه ياخذ سياره قسطها ب1500 ريال ولا يصفي له الا 1000 رال فالحساب المفروض ياخذ له سياره تمشي اموره قسطها لا يتجاوز 1000 ريال ابدا

الكفالة أولها جماله وآخرها ندامة
رأيي إنك تعتذر له
الدنيا فيها حياة وموت إذا أخذ الله أمانته من بيسددك
وفقكم الله جميعا

الله يفرجها على كل معسر