أضف سؤال أو موضوع جديد          

الحل مع الزبائن

up 11 down 2
hafizali 268
قبل سنه و 8 شهر



السلام عليكم ورحمة الله وبركاته
مساء الخير
مارأيكم في بعض الزبائن يطلبون توصيل غرض أو بضاعة ثم ترسل لهم المندوب بعدما يقلك متى تجي الف مرة
ثم ترسله المندوب حدود 30-15 كيلو متر لايرد منه الجوال ولا الواتساب؟
مالحل معهم؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خذ حقك مقدم .. صدقني راح يردون ويتصلةن عليك قبل ماتتصل ةنت


up 10 down 0
ابوخالد 4924 41
قبل سنه و 8 شهر



ممكن تأخرت عليه لكن خذها نصيحه مني حاول تبرد نفسك أنت في موقع تواجه أنواع العقول يجيك الصاحي والمجنون


up 9 down 0
aliexendr_8 103
قبل سنه و 8 شهر



قل 
حسبي الله ونعم الوكيل 


up 4 down 0
تواوت 534
قبل سنه و 8 شهر



اطلب دفع عموله للتوصيل وتكون مقدماً حتى لو كانت بمبلغ بسيط


up 0 down 0
احمد 170 308
قبل سنه و 8 شهر



للاسف هذه من صفات المنافق

والمفروض اللي يصير له ظرف ومايقدر يقابلك
يدق عليك ويعتذر

الحل
يدفع عموله وبعضهم يخاف منك انك تسحب عليهم
او تتصل عليهم قبل تطلع


up 2 down 0
كورولا111 156
قبل سنه و 8 شهر



اتصل عليه قبل لا يطلع المندوب وقول له المندوب مثلا نص ساعه ويكون عندك عشان مايطلع او ينشغل عنه


up 1 down 0
كنحبك بالزاف 145
قبل سنه و 8 شهر



صارت معي قبل كم يوم .. وآخرتها قال ما احد طلب منك 
طيب ومشواري من يعوضني فيه .
قلت له حسبي الله عليكم ونعم الوكيل .
وأخص صغار السن وصغار العقول وكثير من ((( النساء )))

تمغط لك مشوار وتجي بالموعد وتسأله / تسألها اذا المبلغ جاهز 
او محتاج صرف علشان ما تروح تدور وتبحث عن صرف 
ويقولون نعم المبلغ جاهز وانت كذلك جاهز .. وآخرتها تطلع 
بمشوار رايح جاي بلوشي للآسف .


up 2 down 0
nasser1430 862
قبل سنه و 8 شهر



احسن شيء قل حول الفلوس كاملة 
او قل للزبون تعال انت ( ما عندي توصيل ) 


up 3 down 0
nasser1430 862
قبل سنه و 8 شهر



خذ فلوس المشوار مقدم والبضاعة يدفعها عند التسليم


up 0 down 0
ابوسعيد الاحمري 1018
قبل سنه و 8 شهر



أتوقع والعلم عند الله هذا برنامج أسمه مرسول لايضمن حقكـ نهائياً
عندنا في الجنوب برنامج اسمه وصل لي خاص بجيزان المندوب مايروح الا عن طريق امر من ادارة البرنامج واذا سحب عليك الزبون او مايبي الطلب
ادارة البرنامج تحولك للحسابات يحاسبونكـ بالمبلغ حق المشوار واذا بغيت الطلب ( اذا كان وجبة ) خلاص يعوضونكـ بربع قيمتها او يقولون لك هي في ذمتكـ وزعها للمحتاجين

بعض البرامج استهلاك وبعض البرامج دخل اضافي


up 1 down 0
أبو يارآ 485
قبل سنه و 8 شهر



حسبي الله ونعم الوكيل
انا صرت اتصل على الزبون 3 مرات
مرة قبل لآ احرك
ومرة انا في نص الطريق
ومرة لما اصل اقله وصلت
وفي النهاية تدق وتدق وتدق الين إلين روحك تطلع ترجع يقلك اسف والله راحت عليا قيلولة


up 0 down 0
hafizali 268
قبل سنه و 8 شهر



ايش رايك لو اقولك شخص اتفقت معاه من الظهر على اني اقابله في 10 مساء
بحكم ظروف عمله ومع هذا وافقت وحددنا المكان
طبعاً هو من سكان الجبيل ويشتغل في الدمام او الخبر ناسي والله
المهم اتفقنا على مكان مناسب قريب لي وله
ووصلت في نفس الموعد وكلمته قالي ابشر ربع ساعة على ما اوصل وانا عندك
انتظرت حدود نص ساعة وكلمته واتس قالي خلاص قريب
جلست تقريباً انتظره حول ساعة وربع وبعدها صار مايرد علي
اخدت نفسي ومشيت وكلمته يوم ثاني اكتشفت انه حظرني من الواتساب !!!!
ما اقول الا حسبي الله ونعم الوكيل على الي سويته طبعاً هو عضو هنا في حراج


up 1 down 0
dark evil 426
قبل سنه و 8 شهر



ليتهم يرون هذا الموضوع ويعرفون المعاناة


up 1 down 0
hafizali 268
قبل سنه و 8 شهر



ليتهم يرون هذا الموضوع ويعرفون المعاناة


up 1 down 0
hafizali 268
قبل سنه و 8 شهر



بعضهم يطقطق اولا بالاصح حسووود يبي يمرمط ويخسر الي يبي يترزق الله بالحلال


up 0 down 0
كارينو 556
قبل سنه و 8 شهر



والله اخوي بعطيك الموضوع من الاخر
انا اشتغلت بالتوصيل وكانو نفس الشيء البعض تقولك بعد كم ساعه
والبعض منهم تقولك انا مشغوله والي تقفل جوالها
لابد تكلمها واتس وبعدين تتصل عليك مسويه تحويل يعني
 احنا كمناديب نوصل لتاجرات طيب الزبونه سحبت او قفلت جوالها
تكلم التاجره خلال 5دقايق تدق عليك الزبونه ليش
لان التاجره حلقة وصل بيننا وبينهم اما لو مثل حالتك انت تبيع وانت
توصل صدقني حتاكلها وتتمرمط مزبوط 
فانصحك اي زبون يبغى بضاعتك قوله مرني لو قالك بعطيك50
حق المشوار قوله انا مشغول ماقدر مضغوط ماعندي وقت
عندي طلبيات ثانيه المهم طلع نفسك من طلبه خله يجي لعندك 
صدقني كذا تنكسر عينه هو اما لو رحتله بيشوف نفسه عليك
ردي طويل وانصحك لاتوصل ولو اصر خليه هو يدبر مندوب 
يحاسبك انت اول ولمن يوصله ياخذ فلوس الطلب مع التوصيل 
هذا افضل حل لك


up 0 down 0
احمد شريف 3206
قبل سنه و 8 شهر



وعليكم السلام ورحمة الله وبركاته


أمس الليل الساعة 2 جاني اتصال على الجوال زبون

ما رديت عليه
كان ودي أرد عليه و أقول له .. بالله هذا وقت تتصل فيه؟

بعض الزباين فيهم همجية ولا عنده إحساس

مثل حالتك يا غالي كثير و الحل الأسلم يعطيك عربون أو قيمة المنتج أو السلعة ، وقيمة التوصيل عند التوصيل. أو قل له أنا ما أوصل لكن بأعطيه للمندوب وهو يوصله لك وتحاسب المندوب و حسابي تحوله لي مقدم

وبكذا ترتاح


لكن بصراحة اللي يشتغل في التجارة يواجه كل أصناف البشر

ذاك اليوم واحد طلب مني تقرير لسيارة استخدام أمريكي و قال عطني حسابك فعطيته حساب الراجحي قال ما عندي راجحي بس أهلي
قلت و أنا ما عندي إلا الراجحي و البلاد
ممكن تحول بالآيبان أو تشوف أحد عنده الأهلي و تحول
قال طيب
بعد ساعة اتصل علي وقال مالقيت أحد عنده راجحي انت دبرلي، فاعتذرت منه.

فقال لي وهو يصارخ حتى صاحبي جمبي سمع صوته: نحنا بكيفيك تتحكم فينا تبغاني أدبر لك حساب في الراجحي


بصراحة انصدمت من أسلوبه لكن مثل ذا تتعامل معه بهدوء لأنه ممكن هو أخلاقه كذا سيئة فلا تنزل معه للقاع أو يكون مضطر ومحتاج فانفعل فتعذره على تصرفه


بعض الزباين والله عسل عسل وده تعطيه بلاش

جاني عميل للمحل، وكنت برا و اتصل بي وقلت له الساعة كذا بأجيك

وصلت وقال جايك من المكان الفلاني وكذا يعني بعيد

وكان زبون سمح وعسل وأخلاقه عسل

سويت له خصم زيادة وعطيته منتجات إضافية هدية و أخذ مني تظليل و وصلته له مجانا

مثل ذي العينات ودك تحطه فوق راسك

و بعض العينات ودك تقول له وريني عرض اكتافك

لكن على قولت واحد من التجار: اللي ودك تشوف عرض أكتافه اليوم ممكن بكره ودك تشوف وجهه، فلازم تصبر


الحمدلله


تحياتي لك عزيزي



up 0 down 0
الفارس المميز 2643
قبل سنه و 8 شهر



امس كلمني واحد سوري يبي يشتري سيارتي وقال نتقابل بالمعارض بعد المغرب افحصها ونتم البيعه قلت ابشر
سبت كل اشغالي وحركت بعد المغرب وصلت اكلمه ما يرد واكلمه واتس اب ما يرد
زعلت وانقهرت ومشيت واحتسبت امري لله
اليوم الصباح يكلمني واتس يقول سامحني راحت علي نومه ؟؟
وين اصرفها هذي والله لو مهو عيد وايام مفترجه كان دعيت عليه بالسرطان بس والله عيب


up 1 down 2
فـــ9ـــد 394
قبل سنه و 8 شهر