أضف سؤال أو موضوع جديد          

مبرد القير

up 13 down 1
bindakheel 944
قبل سنه و 5 شهر



السلام عليكم و رحمة الله و بركاته

قبل لا ادخل بالموضوع عندي ملاحظه

بعض المواتر تجي بدون مبرد قير خارجي ممايسبب تلف او احتراق كلتشات القير و لا حل له الا التوظيب

الملاحظه و هي انت لما تدخل موترك الورشة و انا ودي اشهر فيهم <<< معصب

يقولك على طول ب 3000 او 3500 مع ان طقم الكلتشات خصوصا الجمس و الشفر

يجي سعره بالوكالة 550 ريال فقط و قلنا مع الزيت و الطقم و الصوف مايتعدى 700 ريال و شغل يد نفترض

ب 1000 ريال طيب ليش التوظيب ب 3500 ؟؟؟؟؟؟ و اكثر الورش تركب ترايستار و ترانز ستار ابو 300

ريال ؟


مع ان اكثر الورش ماتبدل الكلتشات كاملة بس حده على الكلتش المحروق يبدله

و يركب لك القير يعني ام النصب


هدي ادا بغيت ترتاح منهم الك الحل البسيط

تركيب مبرد القير

يساعد على برودة زيت القير و يطول عمره فالحرارة هي العدو اللدود للقير

تعشيق خفيف مع عزم افضل فكل ماكان القير بارد صار اخف و اقوى

الزيت بدل ماتمشي 40 الف على اجوائنا و تغيره بتمدد الى 80 الف او 100

و انسب حرارة للقير هي من 70 الى 90

100 تبدأ تضر القير شوي شوي


يعني حتى لو كان على موترك مبرد و تحس حرارته توصل الى 100 و طالع

حاول تبدل المبرد بأكبر

طبعا الشركات كثيرة و منها عندي افضل شيء هايدن و عندك BاندM و فيه ديرالي

و حتى تقدر تروح لترايستار بس حدك تركب مبرد لا توظب خخخ


طريقة التركيب

تقدر تركبه قدام رديتر المكيف بالواجهة او اي مكان اهم شيء يجيه دفع هواء من برا


و بعض الشباب حتى يركب له مروحة تبريد خاصة و هدي شغلة اهل التطعيس و المقاوم لتحمل اكبر


افضل طريقة للتركيب توصيل زيت القير الى مبرد الرديتر و بعدها يطلع الى المبرد الخارجي و يرجع للقير



فيه ناس تفصله و تخليه من القير الى المبرد الخارجي و هدا خطأ

تحتاج بس زيادة نص علبة زيت اصلي على حسب نوع سيارتك او الزيت اللي فيها من قبل

كدا تريح نفسك من وجع راس التوظيب و الخساير و النصب في الورش كفانا وياكم شرهم


تركيب المبرد تقريبا اسعاره من 250 الى 300 و المبردات حتى بالتشليح تلقى على 100 الى 300

على حسب الحجم و النوع و الهايدن بعضهم تلقاه على 550 و طالع لين 800



اتمنى انكم استفدتم من موضوعي المتواضع البسيط

نلتقي بموضوع اخر بعد 3 ايام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موضوع مفيد وتستاهل التقيمم معروف عدو القير الحراره انا عندي في البي ام
حدود 90 طبيعي لكن اشوفه مرتفع ويقلص عمر القير بدل مايعيش 10سنين
عيش 5 انا من اول الفكره ذي في بالي ابغى اركب مبرد اضافي هواء
لان فيه مبرد على الماء وفيه هواء 


up 2 down 0
فخامة عنزي -208
قبل سنه و 5 شهر



موضوعك حلوو وممتاز و من الناس الي حذرتهم الوالد
وقلت له ترى الحرارة مرتفعه حقت القير

الزبدة كان يطقطق علي ويقول الخواجة حاسب حساب الشي ذا

الين ما خبط وغي جاربوكس
ونفس الحكاية ما غير المبرد

بس حاب اضيف نقطة

انت تقول لا تفصل مبرد القير وتخليه لحال وتقول هذا خطاء

ليش خطأ

بالعكس انا اشوفه افضل
حتى حرارة السيارة تكون افضل

بدل ما الرديتر يكون حرارة قير ومكينة
يكون مكينة لحالها افضل

ولا وش رايك انت؟


up 1 down 0
ms3al 1620
قبل سنه و 5 شهر



فخامة عنزي تسلم و احلى تقييم

اخوي مشعل خروج الزيت من القير الى الرديتر و بعدين للمبرد يكون افضل ادا عندك رديتر صح نظيف و بارد احسن شيء

دي الحركة و لو تلاحظ ان حتى مصانع السيارات و بالاخص الرياضية تكون نفس دي الحركة ابرد للقير

اولا يدخل للرديتر طبعا على خزان خاص على جنب لمواصير القير بيبرد و بعدها للمبرد الخارجي يعني انسى الحرارة

لاهنت على المرور ولك تقييم


up 1 down 1
bindakheel 944
قبل سنه و 5 شهر



تقدر تركب لكرتير القير ريش لطرد حرارة القير يعني تلحم ريش أرتفاع 2 سم بشكل طولي على كرتير القير


up 1 down 0
aliexendr_8 103
قبل سنه و 5 شهر



تشكر موظوع مهم جدا
فعلا الحاره عندنا والسياره ايضا حرارتها اكثر
و المبرد مهم
ابحاول اركب للاكسنت 2010 مبرد لاني اغليها
وسبق غيرت قيرها


up 0 down 0
امير الاصيل 1669
قبل سنه و 5 شهر



الحمد لله ركبت للبنز مبرد و حتى العزم يكون احسن مع براد الزيت

تشكر


up 1 down 0
mustafa77 6103 334
قبل سنه و 5 شهر