أضف سؤال أو موضوع جديد          

موديلها 15 و 16 ويقولون سيارات مخزنه

up 9 down 5
اهاا 673
قبل 2 شهر و 3 أسبوع



السلام عليكم
يا شباب بالله هذي في اي كوكب تسمى سياره مخزنه ؟
سيارات موديل 2015 و 2016 يعني لسى جديده عمرها ما يتعدى سنتين
والبعض كاتب سياره مخزنه !
لا وبعضها ماشي 50 الف وزياده !
مخزنه على ايش !!












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


نعم ولاكن بالفعل بعض السيارات 2016 وخارطه 170 الف جالدها خطوط
وبعضها 2016 وماشيه 20 الف ولها عنده سنتين
ونادر ماتحرك و شبه وكاله

يعني يعتبر مممشى ممممتاز



up 8 down 16
امير الاصيل 1628
قبل 2 شهر و 3 أسبوع



نزل الرد قبل الاكمال اسف
ايضا ليس من الازم نعتبر مخزن مديل 2005 ماشيه 30 الف



up 1 down 7
امير الاصيل 1628
قبل 2 شهر و 3 أسبوع



يا اخي الواحد يقعد يلمع في سيارته وانها وانها

هي وحدة من الثنتين يا جديد 000

يا مستعمل

لا تكثر بربرة وانه ما في افضل منها


لو فيها خير ما عافها الطير ولو انك منحد وعارف نظافه الموتر ما بيبعد يا ولد عمك او ولد خالك ياخذه


لا تصدقون احد

الوررش سيارات اصفار مصدمة وقاعدين يسمكرون فيها ما بالك بالمستعمل اقلها حكة ولا بزر بالحارة شاخط الموتر من الرفرف للرفرف بمسمار ويقلك نظيف



حسبي الله على الكذابين


up 8 down 11
yamani_2002 25
قبل 2 شهر و 3 أسبوع



والله بعض الناس مثلك قليل ادب ياخي وش دخلك فيه

عبد اللطيف جميل يجيب الهايلوكس ب50 الف ويبيعها ب 90 الف

ولا حد قال شيء

الناغي والمجدوعي وسيارات الأمريكيه كل واحد يكسب من وراء سياراه من 15 الى 25 الف ريال

ولا احد قال لهم شيء

قطع الغيار اسعارها هنا دبل في الخارج ولا احد قال شيء

الأدويه والعلاجات اسعارها دبل دبل دبل الي في الخارج  ولا احد قال شيء

ومن ثم يلحقون شخص جاي يعرض سيارته ويبخسون بقيمتها يقول يكذب ويغش وهو المسكين يبي يترزق الله ب مبلغ بسيط !!!


ياخي وش عليك من الناس عاجبك سعر ولا اسكت


up 14 down 36
ثقتكم -94
قبل 2 شهر و 3 أسبوع



يهون عند الي منزل جيب 2015، مرشوش كامل
وكاتب رش تجميلي.........وسيعين وجه


up 10 down 3
salih-m 367
قبل 2 شهر و 3 أسبوع



لا بعضهم يقولك مرشوشه كامل لتوحيد اللون والسياره موديل جديد ولا يقلك سمكره في طرف الكبوت بمقدار كف اليد ويطلع معجون واصل التنده الي مايخافون الله كثير وماياكلونها الى الناس الضعوف الي مايعرف كوعه من بوعه وسلامتكم


up 3 down 0
المتوكل 777 328
قبل 2 شهر و 3 أسبوع



طيب هذ نوع من التسويق وبعدين ممكن فعلا ما تتحرك يعني في البايكة وقالك مخزنة وين المشكلة

مثل الي يقول فل كامل بس بدون فتحة   هيا في الاصل مو فل بس الي ناقصها عن الفل aba وفتحة وجنوط كروم  مثلا 

هو يبغى يسوق للسعلة يعني بيحاول يجيب زباين فلذالك لازم يستخدم كلمات تساعد 

افرض العكس قال كامري ماشي 50 وحطه رقمه وصورتين هذا اعلان !!!!

لازم يبدع في الاعلان علشان يجذب زباين    
بختصار مثل المحلات بعضهم تحصل اسلوبه حلو ويغريك حتى لو يربح شي بسيط وبعضهم في راسه سعر اي تعطيه يا تتوكل على الله


up 3 down 6
mercy_sa 208
قبل 2 شهر و 3 أسبوع



المتعارف عليه بين الناس أن السيارة المخزنه تكون سيارة مديل قديم وممشاها قليل

لا ترقعون للغلط !

اصحاب الاعلانات هذي يا انهم يغشون الناس عشان يجذبونهم لاعلاناتهم يا أنهم دلوخ ما يفهمون معنى المخزن


up 7 down 2
saadsmb 63
قبل 2 شهر و 3 أسبوع



على طاري اسعار العلاجات والادوية عندنا دبل دبل دبل 
باعطيكم مثال بسيط المضاد الحيوي المعروف ( اوقمنتين ) 
عيار 1g .. تباع العلبة عندنا بـ ٩٩ ريال صناعة سعودية .

بينما تصدر لتركيا وتباع هناك بـ ١٩ ريال .. طيب ليه ؟!
مع انها تحتسب جمارك وضرائب ونقل جوي وتكاليف اخرى 
يعني تباع علينا نحن الشعب دبل دبل دبل دبل قيمتها الحقيقة .

لله درنا من شعباً صبور .. 


up 4 down 1
nasser1430 513
قبل 2 شهر و 3 أسبوع



المشكله ياخوي mercy_sa ان السياره ماشيه 75 الف في ثلاث سنوات يعني سنويا 25 الف يعني يوميا تقريبا 100 كيلو من دون جمعه وسبت هذي تسمى وافقه في البايكه !


up 2 down 0
اهاا 673
قبل 2 شهر و 3 أسبوع



الممشى الطبيعي فالسنه 20 الف كيلو
اكثر من كذا يعتبر ممشى كثير وزايد عن الطبيعي
مع ملاحظة 20 الف كيلو فالسنه طبيعي لا هو مخزن ولا شيء
فما بالك باللي يتعدى الممشى الطبيعي ويقول مخزن !؟


up 2 down 1
ابوناصر 454 652
قبل 2 شهر و 3 أسبوع



من وجهة نظري لا اعتبر اي سيارة مخزنه إلا اذا
عدى على موديلها اكثر من 10 سنوات
وممشاها ما تعدى 200 الف ك بالكثير
والبدي خالي تماما من الرش والسمكرة وحتى التبهيت
والداخلية خاليه من الكسور والشقوق وبحالة الوكالة
غير كذا تعتبر مستخدمة ومستهلك بالنسبة لي


up 3 down 0
ghost1 574
قبل 2 شهر و 3 أسبوع



المخزنة السيارات الي لها ٣٠ سنة واكثر وما مشت الا من المية ودون وبودي بلد بدون رش وداخلية بلد بدون تنجيد او تلميع كان معروض كاديلاك فليتوود امريكي ٩٠ او ٩١ مخزن تخزين احترافي ماشي ٥٠٠ كيلو فقط السيارة تقول دوبها طالعة من الوكالة


up 2 down 1
الشريف بدر 274
قبل 2 شهر و 3 أسبوع



انا كان كلامي عن الازير ماشية 20 وها 16 

استغرب من الديسلايكات بغض النظر يغش يكذب هذا بينه وبين الله ما بدخل في النوايا 
انا كان كلامي عن الاعلان نفسه 

على سبيل المثال في اعلانات في الحراج سيئة او تحس واحد لاحقه صورتين فالليل وممشها ومدحتين وخلاص  كلامي هنا هذا الي اقصده 

ثانيا في شي اسمه تسويق انا احس الي اعطوني ديسلايكات مايفهمون في التجارة 

مثلا تحصل الشركات والمحلات الكبيرة  يقولك سعر السلعة 999 طيب ليش ما يقول 1,000  هاذي فيها حكمة بس ما ابغى اقولها ابحثوا عنها
وغالبا تحصلها بالون الاحمر ليش في سبب 

طيب نجي للسيارات فعلا كلمة مخزنة للسيارات مضى عليها زمن
 اعلان 1  مخزنة ونظفية وعالشرط وافحص من الصدام للصدام واذا طلع فيها شي قيمة الفحص علي وافحص في اي مكان وذكر المواصفات ويجيب صور احترافية من كل زاوية.  

اعلان 2  فورد ماشي 200 رابع مستخدم للسيارة شغل وامش ما يبيلها غير كفرات  الحد 30,000  4 صور وما ظح الداخلية وتحصل ما غسل السيارة . 
  
 

 بشكل عام مين افضل اكيد 1 لانه وضح كل شي  هنا الي اقصده 

وكل شي بيوضح في الصور  واصلن ما يغرك من النظيف من وقفته تعرف اذا هو نظيف ولا لا 

في اشياء انا ما ذكرتها على سبيل المثال خامس مستخدم للسيارة راح يجي في بالي انها مكروفة ومهربدة حتى لو نظيفة عكس لو واحد على يده بيجي في راسك انها وكالة
فالافضل عدم ذكر هاذي النقطة لانها بتعطي نظرة سلبية عن السيارة 




up 2 down 0
mercy_sa 208
قبل 2 شهر و 3 أسبوع



الناس تقول مخزن بقصد ان الممشى قليل و هي عبارة تسويقية لا اكثر 
ما اشوفها مشكلة الصراحة هو معتقد انها مخزنة بكيفه خله غبي على قول الشباب 
مثله مثل اللي يقولك مرشوش تجميلي و السيارة 14 ولا 15 و اللي يقولك استخدام طبيب ولا شايب 
و امثله كثير للتسويق تشوفها كل يوم في حياتك اسوء من هاذي كلها كذب و انت تدري جات على السيارات 
اهم شي انت ما تكون غبي و مارح يضرك شي ان شاء الله 




up 2 down 0
shadowz33 1085
قبل 2 شهر و 3 أسبوع