بخصوص زيت القير كادينزا 2012

بالنسبة لتغير زيت القير ماعندك مشكلة الكادينزا زيت قيرها الجيل الرابع عمره طويل والقير مو حساس من ناحية تغيير زيت القير زي قيور بعض السيارات
الزيت هو زيت الجيل الرابع SP IV سواء علبة هيونداي الازرق او علبة كيا الاحمر كلها نفس بعض
الكمية ماتقل عن 4 علب وماتزيد عن خمس يعني حدود 4 ونص مناسب

فتحة البانوراما خذ لك بخاخ Q20 وبخ مسار البانوراما ونظفها من الاتربة ثم بخ المسار مرة ثانية

زيت القير اعرف واحد غيره على 240 الف ونزل احمررر .. بشرط يكون زيت الوكاله اللي مايغير الا كل 100 الف كيلو حسب كلام الكتلوج (( لأنه طويل الاجل )) وبسببه حصلت هونداي على برائه اختراع

المهم الزيت هو الجيل الرابع وعلبته زرقاء واسمه ATF SP-IV وانتبه لاتخلط بينه وبين الجيل الثالث ATF SP-III .. للعلم تحتاج 4 علب لا اكثر ولا اقل وهذا اللي ينزل من الصره لان اجمالي الزيت اللي بالقير هو 8 لتر

انت ماينزل لك الا نص الزيت فقططط واول ماتشغل الموتر يختلط القديم بالجديد ف اذا ودك تغيره بعد كم يوم مرة ثانيه علشان تضمن ان الزيت نزل بالكامل ماعندك مشكله صح ماتحتاج بكن زيادة حرص وانت براحتك تسويها او لا

اساسا علبه الزيت من 40 الى 50 ريال الوحده .. شغل اليد عند بناشر ون ستوب ب 30 الى 50 ريال بالكثير يعني التكلفه 250 ريال (( كحد اقصى )) وماتحتاج لا تغير فلتر ولا تجيب معجون ولا وجه كارتير ابدد .. بما انك مستخدم جديد للكادينزا اضغط على اسمي تحصل موضوع (( خبرة 5 سنوات باستخدام الازيرا والكادينزا )) شوفه وان شاء الله يفيدك

يعطيكم العافيه يا اخوان ماشاء الله تبارك الله مانستغني عن خبراتكم وتجاربكم

م قصرو اخواني سلطان ٤٠٤٠ و ابوهيثم
والله يعطيك خيرها ويكفيك شرها ي goood boy

وبخصوص الفتحه مثل م قالك الاخ سلطان
وبعدها سوي برمجه للفتحه
وموجودة طريقه البرمجه في الكتيب او في اليوتيوب
اكتب برمجه فتحة الازيرا
او عن طريق الرابط

https://youtu.be/3-Umd5GXvT4

ابوهيثم تذكر كلمتك ع الخاص وقلت لي روح فرع ون ستوب
فريت اكثر من ٤ فروع في الرياض
وكلهم خايفين من تغير زيت الازيرا يقولون حساسه

والحمدلله غيرته في ورشه معاملهم ولد عمي في الصناعيه القديمه
وشريت العلبه جمله ب٣٧،٥ ريال
العلبه الزرقاء ATF SP-IV
وخذت ٤ الا ربع بالتمام

^^^

غريبه ي رجل !! انا مغيره بفرع ون ستوب بالدمام والفاتورة مازالت معي

لاتلومهم فيه سيارات 6 سلندر (( من شركه منافسه )) تغير لها زيت القير وتخبط مباشره لانها تعدت 80 الف .. لازم قبل الثمانين والا ودع قير موترك حتى لو تروح تغيره بوكالتهم يبرونك على توقيع ورقه اخلاء مسؤولية بحال تخبيط القير ؟؟؟

واساسا قيور الهونداي والكيا ماتحتاج فلسفه كلها صره من فوق مقاس 24 تطلع بعد مايفك مسامير القربة .. وصرة من تحت مقاس 27 والفاهم هو اللي يقدر يفك صرة التفريغ بدون مايفك مسامير الصاجه اللي حوله

وبس هذا هو تغيير الزيت اللي تدفع الناس عليه 700 ريال او اكثر سواء بالوكاله او بترومين وهو حتى 30 ريال كثيره عليه كشغل يد

يبرونك = يجبرونك

عادي مو لازم عيار عشان يعيره نزله عند اي حفره وفك السره من تحت اول ماينزل خل البنشري يقولك او شفه انت اذا مضبوط او محترق ورايح فيها

كلامك صحيح اخوي ابوهيثم لاهنت حبيبي

ومعليش بغيت اعطيك لايك انضغط بالغلط ديسلايك
وابشر بالعوض

حتى انا رحت لون ستوب ورفضو يغيرون زيت سيارتي الصني ٢٠١٦
وش الحل مشيت ٩٠ الف على الزيت ومتخوف

السلام عليكم استفسار يا اخوان عندي كادنزا موديل ٢٠١١ والقير خربانهل قير ٢٠١٤ يركب عليها؟