أضف سؤال أو موضوع جديد          

بخصوص زيت القير كادينزا 2012

up 2 down 0
goood boy 201
قبل 2 أسبوع و 2 يوم



السلام عليكم ورحمة الله وبركاته
كل عام وانتم بخير

يا اخوان قبل فتره اشترئ اخوي كادينزا 2012
ممشاها 162000 بس المشكله ماندري راعيها السابق
هل كان منتظم في تغير زيت القير
الحين وده يغير زيت القير للاحتياط بس ماندري هل الزيت محروق
او نظيف لانه مافي عيار لزيت القير
مع ان القير تغيراته صلاتي ع النبي ممتازه جدا وسلسه
وش تنصحون يا اخوان
وايش الزيت الموصئ والكميه كم لتر او كم علبه ل 2012 مع العلم ان المكينه والقير من
2011 الئ 2016 نفسه المكينه 3500ccوالقير 6 سرعات

ويوجد ايضا مشكله ان فتحة البانوراما تفتح للنص وترجع تسكر من نفسها ايش مشكلتها
ووين افضل مركز صيانه بانوراما في الرياض

ويعطيكم الف عافيه








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة لتغير زيت القير ماعندك مشكلة الكادينزا زيت قيرها الجيل الرابع عمره طويل والقير مو حساس من ناحية تغيير زيت القير زي قيور بعض السيارات
الزيت هو زيت الجيل الرابع SP IV سواء علبة هيونداي الازرق او علبة كيا الاحمر كلها نفس بعض
الكمية ماتقل عن 4 علب وماتزيد عن خمس يعني حدود 4 ونص مناسب

فتحة البانوراما خذ لك بخاخ Q20 وبخ مسار البانوراما ونظفها من الاتربة ثم بخ المسار مرة ثانية


up 3 down 0
سلطان4040 1202
قبل 2 أسبوع و 2 يوم



زيت القير اعرف واحد غيره على 240 الف ونزل احمررر .. بشرط يكون زيت الوكاله اللي مايغير الا كل 100 الف كيلو حسب كلام الكتلوج (( لأنه طويل الاجل )) وبسببه حصلت هونداي على برائه اختراع

المهم الزيت هو الجيل الرابع وعلبته زرقاء واسمه ATF SP-IV وانتبه لاتخلط بينه وبين الجيل الثالث ATF SP-III .. للعلم تحتاج 4 علب لا اكثر ولا اقل وهذا اللي ينزل من الصره لان اجمالي الزيت اللي بالقير هو 8 لتر

انت ماينزل لك الا نص الزيت فقططط واول ماتشغل الموتر يختلط القديم بالجديد ف اذا ودك تغيره بعد كم يوم مرة ثانيه علشان تضمن ان الزيت نزل بالكامل ماعندك مشكله صح ماتحتاج بكن زيادة حرص وانت براحتك تسويها او لا

اساسا علبه الزيت من 40 الى 50 ريال الوحده .. شغل اليد عند بناشر ون ستوب ب 30 الى 50 ريال بالكثير يعني التكلفه 250 ريال (( كحد اقصى )) وماتحتاج لا تغير فلتر ولا تجيب معجون ولا وجه كارتير ابدد .. بما انك مستخدم جديد للكادينزا اضغط على اسمي تحصل موضوع (( خبرة 5 سنوات باستخدام الازيرا والكادينزا )) شوفه وان شاء الله يفيدك


up 3 down 2
ابو هيثم 7 1836
قبل 2 أسبوع و 2 يوم



يعطيكم العافيه يا اخوان ماشاء الله تبارك الله مانستغني عن خبراتكم وتجاربكم


up 1 down 0
goood boy 201
قبل 2 أسبوع و 2 يوم



م قصرو اخواني سلطان ٤٠٤٠ و ابوهيثم
والله يعطيك خيرها ويكفيك شرها ي goood boy

وبخصوص الفتحه مثل م قالك الاخ سلطان
وبعدها سوي برمجه للفتحه
وموجودة طريقه البرمجه في الكتيب او في اليوتيوب
اكتب برمجه فتحة الازيرا
او عن طريق الرابط

https://youtu.be/3-Umd5GXvT4

ابوهيثم تذكر كلمتك ع الخاص وقلت لي روح فرع ون ستوب
فريت اكثر من ٤ فروع في الرياض
وكلهم خايفين من تغير زيت الازيرا يقولون حساسه

والحمدلله غيرته في ورشه معاملهم ولد عمي في الصناعيه القديمه
وشريت العلبه جمله ب٣٧،٥ ريال
العلبه الزرقاء ATF SP-IV
وخذت ٤ الا ربع بالتمام


up 1 down 0
خالد الامير 159
قبل 2 أسبوع و 2 يوم



^^^

غريبه ي رجل !! انا مغيره بفرع ون ستوب بالدمام والفاتورة مازالت معي

لاتلومهم فيه سيارات 6 سلندر (( من شركه منافسه )) تغير لها زيت القير وتخبط مباشره لانها تعدت 80 الف .. لازم قبل الثمانين والا ودع قير موترك حتى لو تروح تغيره بوكالتهم يبرونك على توقيع ورقه اخلاء مسؤولية بحال تخبيط القير ؟؟؟

واساسا قيور الهونداي والكيا ماتحتاج فلسفه كلها صره من فوق مقاس 24 تطلع بعد مايفك مسامير القربة .. وصرة من تحت مقاس 27 والفاهم هو اللي يقدر يفك صرة التفريغ بدون مايفك مسامير الصاجه اللي حوله

وبس هذا هو تغيير الزيت اللي تدفع الناس عليه 700 ريال او اكثر سواء بالوكاله او بترومين وهو حتى 30 ريال كثيره عليه كشغل يد


up 2 down 1
ابو هيثم 7 1836
قبل 2 أسبوع و 2 يوم



يبرونك = يجبرونك


up 0 down 0
ابو هيثم 7 1836
قبل 2 أسبوع و 2 يوم



عادي مو لازم عيار عشان يعيره نزله عند اي حفره وفك السره من تحت اول ماينزل خل البنشري يقولك او شفه انت اذا مضبوط او محترق ورايح فيها


up 1 down 0
فيصل طلال... 141
قبل 2 أسبوع و 2 يوم



كلامك صحيح اخوي ابوهيثم لاهنت حبيبي

ومعليش بغيت اعطيك لايك انضغط بالغلط ديسلايك
وابشر بالعوض


up 0 down 0
خالد الامير 159
قبل 2 أسبوع و 2 يوم



حتى انا رحت لون ستوب ورفضو يغيرون زيت سيارتي الصني ٢٠١٦
وش الحل مشيت ٩٠ الف على الزيت ومتخوف


up 0 down 0
مالك رجا 571
قبل 2 أسبوع و يوم