اعرف حقوقك حين مواجهة مشكله مع وكالات و ورش صيانة السيارات

14 1

لايمكنك التصويت حتى الحصول على 20 نقطة على الأقل
إضغط هنا للإخفاء

almageed 48
قبل 7 سنه و 3 شهر

السلام عليكم ورحمه الله وبركاته
 احيانا يحصل انك تتفق مع ورشه على موضوع مثلاً و الله ابيك توضبلي الدوده ابيك توضبلي المكينه
يقول خلاص انا اجيب لك القطع بالفواتير كم تاخذ اخذ 7000 او 8000  
تكتشف انك بعد ما تتفق مع الرجال او بعد ما استلمت الموتر
ان الخلل لم يزل او ان الرجال مدبل عليك بما لايتفق مع سعر السوق
معطيك ضعفين او ثلاثه طيب وش الحل
الحل لا تمد يدك و لا لسانك ولاتروح الشرطه
 تروح لشيخ  الصناعيه و ترفع شكوى وهو يستدعيه و يحقق معه
بموجب انه شيخ الصناعيه ويطلب طلب حضور مثل الورقه الموضحه في موضوعي

رابط الصوره لان الموقع رفض تحميلها في الموضوع 
http://store1.up-00.com/2017-09/150469155486961.jpg

 ويسأله عن المشكله و كيف حلها طبعاً هو بيتناقش مع شيخ الصناعيه والله مايفر معه
فوش يصير ياطوال العمر انه يقوله والله انت اخذت 3000 زياده على السعر العادل للشغله الفلانيه
و الآن تدفعها للعميل و تجيب الموتر نفحصه ونشوف شغلك صح ولا غلط
ف الورقه هذه اللي انا وضحتها لكم لصديق ومازلت محتفظ فيها كل مانسيت رجعت اناظرها
كل مانسيت التفاصيل وكذا رجعت اقراها احياناً استفيد منها 

شيخ الصناعيه شيخ المعارض وغيره من شيوخ الحرف شيخ النجارين وهكذا
هو اللذي يضبط علاقتك بينك وبين صاحب الورشه وهو اللي يطلع حقك وهو المرجع
لاهو الشرطه ولا غيرها طبعاً احياناً قد تحتاج للشرطه اذا وصلت الامور إلى مبالغ ماليه كبيره
 او دفع مبالغ بدون سند قبض او ايصال
ف ابيكم تستفيدون من هالمعلومات هذه والصوره ففيها فائده عظيمه
لاتنسوني من صالح دعواتكم الله يحفظكم 

إبلاغ

الردود