صيانة وإصلاحات بأقل التكاليف للكامري
10
1
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
السيارة كامري 2001 طبعاً مع الاستخدام اليومي باستمرار يستهلك كل شيء ولما دخل الصيف طلعت البلاوي فكل يوم أقول بكره بصلحها وأتركها وأنسى لحد ما وصلت المرحلة اللي ما أقدر أتركها ولقيت ميكانيكي ماهر وصفه واحد لي وتوكلت على الله أمس وسويت الصيانة ومن حسن حظي إن أغلب الأعطال ميكانيكية وأشتغل بالسيارة شخصين من الساعة 10 الصباح لحد الساعة 3 العصر:
العطل: تهريب علب الدركسون وانحراف الطارة
الاصلاح: تغيير إصلاح دودة الدركسون وربلة الذراع الأيسر وترهيم لي علبة الدركسون
العطل: صوت ضربة قوية بالمكينة
الاصلاح: تغيير كرسي المكينة العلوي
العطل: دعسة الفرامل ما تمسك على طول
الاصلاح: شد ووزن الجلنط
العطل: ضعف الفرامل
الاصلاح: تغيير وتركيب الفحمات الخلفية
العطل: تهريب موية الرديتر
الاصلاح: تنظيف الرديتر وتغيير وتركيب كوع رديتر أصلي
أسعار القطع:
أصلاح دودة أصلي 200، كرسي مكينة أصلي 115، فحمات خلفية ياباني 70، ربلة ذراع يسار 30، كوع رديت أصلي 45
تكلفة الصيانة:
شغل يد لعاملين أثنين 600 ريال، شغل الرديتر 40 ريال
التكلفة الإجمالية: 1100 ريال
إبلاغ
الردود
فيه ماركات سيارات ما تخدم الا 3 سنين كحد اقصى ومستحيل تشوف منها موديل اقل من 2014
مثل ( المازدا الفاسدا ) وغيرها
+1 لايك للجميع
1
1
لا أسوي أصلاحات بس ما عمري صلحت شغلات كثيرة مثل هذي المرة ومبلغ كبير
شكلك طفشان من المازدا وأنا كان معي قبل سكودا أوكتافيا وشفت منها الويل 5 سنين وراحت المكينة وبعتها تالف ب 5000 وأنا شاريها ب 42000
بس الفرق الكامري اللي معي ما فيها أي إلكترونيات كل شي عايدي حتى القير وأي فني يعرف يصلحها
تحياتي لك.
1
1
قبل 7 سنه و 3 شهر