تنظيف بوابة الهوا بجده

بتعاني من مشكلة والا بس كدا تنظيف

وعليكم السلام
بسيطه الشغلة ولو عندك بخاخ التنظيف
بامكانك تسويها بنفسك
عموما اي ميكانيكي يفكها وينظفها ماتاخذ نص ساعه
والسعر 50 ريال
ولا تنسى تنظف حساس الهواء ببخاخ اليكترونيات

لا مافي مشكلة يا ريان بس أسمع ان تنظيفها ضروري بيحسن العزم واستهلاك البنزين

تسلم يالرفاعي الله يجزاك خير

شغلتها بسيطه وماتكلفك كثير أهم شي لاأحد يلعب عليك وينظفها ببخاخ ( إيه سي ديلكو )
لأنه بخاخ زيتي ويمسك الغبار
حساس بوابة الهواء له بخاخ خاص بتنظيف الحساسات تلاقيه في محلات قطع غيار السيارات أو ساكو

لو تسويها إنت بنفسك أحسن ماتحتاج معلم
ادخل اليوتيوب مليان شروحات
واذا بتسويها في ورشة من 30 إلى 50 ريال لاتدفع اكثر

اهم ترا فيه حساسين لهواء المكينة :-
١- حساس ( الثروتل بودي ) او ما يسمى حساس بوابة ثلاجة المكينة وهذا له بخاخ تنظيف معروف مثل اي سي ديلكو .
٢- حساس منظم الهواء اللي يجي مكانه قبل حساس الثروتل بودي وهذا لازم تنتبه له لانه حساس جداً ويبيله بخاخ 
خاص للالكترونيات وتنظيف انك تبخ وتنزل الاوساخ وتتركها تنشف فقط بدون استخدام قطعة قماش او منديل لانه
 قطعة الكترونية من السهل انه تتلف بسهولة .

واذا موترك جديد او ممشاه قليل ولا فيه اي مشاكل او ضعف عزم او تقطيع او صرف بنزين فشوري علبك اتركه 
اخاف تحرك تبلش .

** معليش تو انتبه ان موديل موترك  ٢٠١١ 
اجل الله يعينك على تنظيفه بالطريقة اللي قلنا لك عليها انا والاخوان 

50 ريال حطها بجيبك تنظيف البوابة يمديك تنظفها انت بنفسك سهلة جدا

افتح اليوتيوب و شوف طريقة تنظيف الثروتل و حساس الهواء

احسن منها تتعلم الشغله البسيطه و منها توفر على نفسك

مجرد راي اذا مافي مشاكل خليها على وضعها واذا تبي تنظفها بنفسك وتجرب لازم يكون معاك العدة من مفك عادي ومربع ومفتاح حبة عشرة اوتوماتيك واهم شي تكون فاااااااااضي ومروق لو انك بتشتغل على السيارة اول مرة

اذا كان ولابد من انك تنظفها بنفسك فاول شيء افصل اصابع البطارية قبل تبدأ بالشغل حتى لا تختلف البرمجة .

اذا ماتقدر تنظفها بنفسك. 
روح الصناعيه وشف لك كهربائي. ينظفها بس قبل كل شي 
يفصل البطاريه.  وماتكلف بالكثير50ريال. 

طيب ميكانيكي وللا كهربائي

كهربائي
بس تراء اذا سيارتك ما فيها تفتفة ما بتحس بالفرق
اذا فيها تفتفة نظف بوابة
اذا ما فيها تفتفة لا تنظف بوابة خساير على فاضي