هل يجوز التخفي من سااهر .؟؟

والله هنا عندنا مسرعين مسرعين حتى لو فيه مية ساهر عشان كذا اعلى حوادث بالعالم عندنا ولا فيه ناس تسرع بين الاحياء السكنيه طيب هذا مو غلط افرض لو نزلت اهلك وفي طفل عمره 3 سنوات طبعا اول ما ينزل يعبر الشارع طفل ما يدري لو جاء هذا مسرع بالله كيف يمسك فرامل الا شايل الطفل انا قدام عيني ناس تسرع من عند بيتنا يعني طريق ما ينمشي فيه 40 وهذا يسرع  مع اني ضد ساهر الا في بعض الاحيان معه لي الاشكال الي ذكرتها 

نظام ساهر تشكر عليه الدوله لكن ليتها حطت نظام حامي عشان تعدل في العقاب على الطرفين ..

انا ما ابي اسرع ولا ابي اتهور والحمدلله ما صورني ساهر الا مره وحده وكنت مستعجل لظروف العمل .. لكن من يحميني من الحفر والمطبات والحفريات اللي كسرت سياراتنا ودفعنا الاف للوكالت لتصليح الجنوط والمساعدات ..

اتمنى يكون في نظام اسمه حامي ولا قافط للشركات المنفذة لمشاريع البنية التحتيه ويحطون المخالفه مليون مو 300 ..