أضف سؤال أو موضوع جديد          

استفسار عن صلاحية الفحص الدوري و تجديد الاستمارة

up 1 down 1
1405-1985 993
قبل 2 أسبوع و يوم



السلام عليكم و رحمة الله و بركاته


استفسار شخصي اللي يعرف بالاجراءات يرد


سيارتي تنتهي استمارتها بالضبط

( ٢٩ محرم القادم ١٤٣٩ )

الفحص الدوري مكتوب فوق

( صالح لغاية ذو الحجة ١٤٣٨ )

ادري توه الوقت على التجديد
بس عشان ما اضطر افحص من جديد
مسك سرا و غثا و الا الموتر ان شاء الله يعدي


امس دخلت ابشر و ضغطت على تجديد الاستمارة
فتح معي لكن ما في رصيد يكفي للتجديد ٣٠٠ ريال

السؤال :
انتهت صلاحية الفحص الدوري من بداية ذو الحجة
او معي الى نهايته كم يوم يمدي اجدد بس ادفع حق التجديد

و كيف يدرون المرور بصلاحية الفحص الدوري ؟

في ربط الكتروني و الا اجيب ورقة الفحص اللي معي لازم ؟

و المعذرة ممكن استفسار مكرر شوي

موديل السيارة ٢٠١٠







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معك الى نهاية بالشهر يمديك تجدد
والربط الكتروني


up 0 down 0
الرفاعي33 13013
قبل 2 أسبوع و يوم



الربط الكتروني
وانصحك تسدد الرسوم وتجدد الاستماره عن طريق ابشر قبل نهاية شهر ذو الحجه
لان بعدها ما راح تقدر تجدد الاستماره الا بعد الفحص الدوري وعاد انت ما تحب تمسك سرا فالحق على عمرك وجدد بسرعه قبل نهاية الفحص

وفقك الله


up 1 down 0
smt-aljro7 126
قبل 2 أسبوع و يوم



اللي اعرفه سواء نقل او تجديد الاستماره الفحص لايقل مدته عن اسبوعيين 


up 0 down 0
كارنز2015 29
قبل 2 أسبوع و يوم



اللي اخبره ان التجديد ما يقبل الا اذا باقي اقل من 6 شهور على تاريخ انتهاء الاستمارة


up 0 down 1
ابن صقيه -2
قبل 2 أسبوع و يوم



اليوم دافع رسوم التجديد واستمارتي تنتهي 1439شهر رمضان
يعني الرمضان الجاي تقريبا باقي اقل من سنه وجددتها بالغلط
كنت احسبها منتهي بالرمضان الي فات والان ابسترد المبلغ منهم
يعني التسديد يقبل بس مدري لو بتروحلهم بيقولون باقي مايمديك
او يمشونك لكن الاغلب ماراح يمشونك وﻻ كان الناس كلها تسوي كذا
وتفتك من الفحص


up 1 down 0
d7ooom777 869
قبل 2 أسبوع و يوم



مدري احترت و الله لو اسدد ٣٠٠ و ما يقبل النظام
تروح علي ممكن احتاجها تونا على ٧ محرم

لكن ابمر اقرب مرور و اتاكد قبل و ارد عليكم باللي يصير على الموضوع
اشكر جميع من رد


up 0 down 0
1405-1985 993
قبل 2 أسبوع



الفحص الدوري حتى لو باقي فيه يوم واحد تقدر تجدد
عن طريق ابشر لأن الفحص الدوري والتأمين مربوطين
بالنظام


up 1 down 0
mutlag 511 28
قبل 2 أسبوع



اذا فيه تامين سدد الرسوم 300 وادخل ابشر وجدد الاستمارة
وماعليك الرسوم ما تضيح تبقى لك رصيد وتقدر تسترجعها
قبل ما تروح للمرور وحوسه جربت منت خسران شي



up 1 down 0
meshal alharbi 54
قبل 2 أسبوع



وابشرك الفحص الحين فضاوة جيت مع واحد بالاجازة ما جلسنا ربع ساعة الا وخالصين



up 1 down 0
meshal alharbi 54
قبل 2 أسبوع



نعم صار ربط الكتروني و منذ عام 2013

السيارة بمجرد نجاحها في الفحص و تاخذ الاستكر تدخل في السستم و يسهل عليك التجديد في ابشر.  و تراجع اي قسم مرور تسلم

الاستمارة القديمة و تاخذ الجديدة.  شرط التأمين ساري و عدم وجود مخالفات.


up 2 down 0



ايه التأمين ساري الى ٧ محرم ينتهي
ابجرب و ان شاء الله يتم التجديد ما يحتاج فحص


up 0 down 0
1405-1985 993
قبل 2 أسبوع



تم تجديد الاستمارة بنجاح من نظام ابشر

بعد سداد الرسوم ٣٠٠ ريال
لا يوجد مخالفات مسجلة
التأمين ساري تاريخه

و ابروح للمرور يطبعون لي الاستمارة المجددة
صلاحية الفحص الدوري الى آخر يوم
من الشهر اللي تم الفحص فيه حسب تاريخ الورقة

تقدر تجدد الاستمارة قبل ١٨٠ يوم من تاريخ انتهائها
و معك مهلة ٦٠ يوم من تاريخ الانتهاء قبل فرض رسوم تأخير
١٠٠ ريال عن كل سنة أو جزء منها


الشكر لمن رد و افادني



up 0 down 0
1405-1985 993
قبل أسبوع و 6 يوم



استغرب من التقييم السلبي مع ان المعلومة التي ذكرت صحيحة


up 0 down 1
ابن صقيه -2
قبل أسبوع و 5 يوم