رأيكم يهمني GMS سييرا او Toyota Fj

كلهم ممتازين . بالنسبة لي . الاول الاف جي . والثاني السييرا . مع ان المقارنه بين جيب وحوض غلط .

الاف جي ممتاز وهو اقل اعطال وقوي فالبر جيب مطنوخ

ماجربت ولا وحده
بس مع واحد من الربع سييرا
ودائما اطلع معه فيه
سياره تحطها على يمناك ماشاءالله
وشكلها هيبه لكن حجمها شيء ثاني
كان معك باص حوض
وضيقه لانها غماره ونص
والغمارتين احسن بس الظاهر حجمه اطول
ماني متاكد
السياره قاسيه على كلامه ممكن عشان الجنط كبير
او لانها حوض وعموما الجمس الموديلات الجديده
كلها قاسيه مدري ليه عكس الشكل القديم اريح

الاف جي وقف استيراده مدري انتاجه
وشكله تقليدي وشبعنا منه اذا بتاخذه
خذه مستعمل وفر كم الف بجيبك
لان شكله ماتغير تاخذ واحد 2016
كانك ماخذ 2007 نفس الشكل

طريقة فك الباب الخلفي غبي جدا
لازم تفتح الي قدام اول
الرؤيه صعبه فيه على كلام راعي السييرا
مدري على اي اساس قال صعبه

اشوف الفورتشنر افضل من الاف جي
شكل جديد ويشيل ركاب اكثر وسعره
مثل الاف جي

الاف جي اشوفه مناسب لشخص
يبي ربع هنا نقوله خذ اف جي احسن من الربع

المهم استاجر كل من السيارتين وجرربهم

انا ارى السييرا 

جربت الاثنين الافجي اريح واقوى فالبر واوسع

والله الاف جي كافئه هو جيد
جيب شبابي خفيف سعره يعني مرتفع شوي لكن مقدور عليه وعشانه جيب تقدر تقول يستاهل
لكن تصميمه لا داخليا ولا خارجيا ماهو زين

مع العلم اني كم مره يطري علي الاف جي
لكن اذا شفت شكله خارجيا وداخليا اهون
ولا من ناحية الفئه فهي ممتازه لكن لم تستغل

واذا مصمم على حدا هالسيارتين فانصحك بالاف جي
يكفي انه سياره غمارتين واريح من السييرا

ما تسوى بكره اذا بغيت تركب معك احد يصير ضيق او ما يكفي الموتر

اذا تبي شي عملي خذ الافجي اذا تبي شي عملي بس تحافظ عليه خذ السييرا .. السييرا حساس شوي 

من عيوب الافجي قزازته الاماميه جايه بشكل عمودي يعني تقدر تقول واقفه وقوف شبه تام ؟؟؟ بالمقابل باقي السيارات تكون راجعه للخلف او بالمعنى العامي منسدحه

طبعا اذا مسكت الخط الهواء يضرب بالقزاز وتحس انه يدف الموتر بالغصب ويالله يجيب 140 اما اذا كان الهواء يدفك الموتر يجيب طبلونه

اما سالفه الضيق والمساحه الخلفيه ماظنتي انك بتواجه مشكله دامك مختار سييرا غمارة وحده .. الشكل نعم طول وجلس 10 سنوات

مدري الفورتنشر يناسبك او لا ؟ لان البرادو احسه حق شيبان ههههههههه بعكس الافجي وانت شكلك عزابي .. برايي تضيف جيب ربع النيسان بمكينه الفتك الى القائمه

كثر منها يا ابو هيثم يالله يجيب 140؟ يا شيخ لو مافيه فصله يصك ال200 الي ما يعرفه لا يقعد يتفلسف
اما الشكل كل واحد وذوقه مثلي ما بلعت الربع

انا معجب بالسيارتين ولكن لو خيروني السييرا بدون نقاش
(شكل هيبه وقوة وتعديل مكينته بيطربك نغمة شكمانه لحالها طرب)
النقاط اللي انت ذكرتها تنقسم بين السيارتين 
من ناحية البر كل واحد وشطارته لكن الافجي افضل شوي(السييرا فيه حقه لكن يبغاله سواق)
من ناحية الراحه السييرا بدون مقارنه
من ناحية العملية كلها عملية السييرا من موديلات الثمانين والسبعين ينضرب فيه المثل والافجي تيوتا ما يحتاج
استخير قبل كل شي وشف ايش احتياجك من السيارة ولخصها بورقه وشف وش يطلع معك كل واحد بيعطيك رايه من ناحية حبه لشركه معينه او احتياجه من السيارة او تجارب سابقه للسيارة

يزيد الشمالي اجل اللي مايعرفه لا يتفلسف ! لاياشيخ هههههههههههههههه

انت لو قريت الجمله اللي يعد 140 كان فهمت كل شي ؟ هذي مشكله اللي يسوي نفسه قافط وهو ماقرى الا ربع الكلام