سيارات البيجو

والله من افضل السيارات اللى جربتها بعد السوبارو طبعا وتكرف بشكل مو طبيعي 

صح القطع غالية نسبيا لكن ركب وانسى مو مثل السيارات الاخرى سنة وارجع غير 

تنساها ثلاث سنين اقل شي

عام 2002 يوم ( بالبيد ) كان وكيل بيجو


اشترى واحد من الجماعه بيجو 2002 فل كامل ب65 تقريبا وكان حجمه 406 اللي يشبه للكامري


السياره انا مجربها من كل شي


من ناحية الرساوه العزل الانظمه الفخامه التحمل المكده خذ سياره


لكن الوكيل لاعب فامها لعب القطع غير متوفره الصيانه محد يعرفلها كونها سياره اوروبيه فترى مو اي واحد يفتح كبوتها


اخرتها عرضها للبيع ومحد عطاه وجهه !!! حاول يبيعها يمين ويسار ماقدر


عرضها تحت المكرفونات العالم يطالعون فيها وحد جاب خبرها


اخر شي جى واحد تركي وشراها ب5700 وهي ماشيه 370 الف كيلو ومافيها الا صدمه من ورى خفيفه


لكن وقتها خلاص تعب من قطع غيارها وصيانتها وعافها


بعدها بفتره الوكيل فشل وانتقلت الوكاله مدري وين راحت وقتها وماجلت فتره وفشل الوكيل مع البيجو


الحين الوكاله انتقلت للحاج حسين !!!!


الحاج حسين معروف بصيانته واسعاره فقطع الغيار وخدماته واتوقع انها تنجح معاه


ولعلمك ترى السيارات الاوروبيه ماتهتم فالقوه


اهم شي عندهم الفخامه والامان والعزل والتقنيه لذلك تلقى اغلب السيارات الاوروبيه ماكينها 4 سلندر


ولعلمك تراه مايشر ببنزين اقتصادي بكشل مجنون


لكن نصيحه ابعد عنه نهائيا والله انك لتبلش فيه

والفئة اللى جربتها 307 و407 

وانت على حسب ذوقك

انا معي بيجو 307 2007 اخذتها مستعمله
نصيحه مبدئيه لاتأخذه اي سياره مستعمله
لانك لاتعرف ماضيها
سيارات بيجو تتحمل وزينه وحقت مدن وخاصه 307 +206
اقتصاديه ,307 وسيعه من الداخل مقارنه بكوريلا 2006 ونازل ,جميله جداً داخل المدينه+ قطعها ارخص من النيسان والقطعه
اللي تحطها فيها تنساها والسياره يبي لها اهتمام صيانه بالشركه اول بأول تجمل معاها تتجمل معاك
مثل اللي معي يوم اخذتها اضطريت انفضها من إلى والحين جدا رائعه
والله العظيم تكيف راااائئئئئئئع جدا وعزل صوت يمين بالله ولا ف الخيال مقارنه بمثيلاتها+ رساوه ماتتخيلها
والله امشي بها ع 130 ما احس 170 ع خفيف لانه حجمها جداا صغيير
وانا الحين عارضها للبيع افكر ف 308 الجديده او ماركيز
ومحتار بين الثنين
و307 ماعاد صارو يصدرونه انقطع من عام 2007 اظن
هم دمجو بين 407 و 307 وانتجوا خط جديد للسيارات اسمه 308 يجمع بين مواصفات الاثنين
وفيها مواصفات ماتلقاها لا في الكامري ولا ف تيدا هاتش باك اللي معي فيها 6 ايرباقات ان ماكنت مخطي وشاصيات البيجو 
من الاقوى ف العالم 
وحازت على اقل سياره تتعرض للخرابات على مستوى العالم< الخبر من النت
ااسف على الاطاله
ارجو اني اكون افدتك وافدت الاخوه الكرام

البيجو سياره من الطراز الاول للمستخدم بس مظلومه

مظلومه ؟! وبس !!

داهي ملطوشه على قفاتها !!

خخخ باللهجه المصريه

بصراحة السيارة من ناحية الامان والرساوة والعزل ...فخذ موتر ... لكن بالنسبة للقطع ما اقدر افيدك خصوصا بعد انتقال الوكالة الى الحاج حسين ..
بصراحة انا متردد بينها وبين الفولفو اس 60 .. ابغى اخذ موتر وكالة بعد تقريبا 8 او 9 اشهر من الان .. يكفي الحاج حسين يعطيك ضمان مليون كيلو متر ..

صاحب السمو الحاج حسين انا اضمنه لك انه ممتاز جدا لك هل راح يقدر يسوق للبيجو ويجيب ناس تفهم فيه !!! اذا وفر هذي الشغلات خذه وتوكل والبيجو الحين صار رقمه 508 ومواصفاتها خياليه وجباره

جزاكم الله خير ماقصرتو اشوف ان الاكثرية مؤيدين بالرغم التخوف من عدم توفر القطع وانا واحد منهم  لهذا انزل واستفسر محلات القطع 

والله من قبل اكثر من اسبوع معاي فورد جالس يومين ادور على حساس منظم الهواء ماحصلت الا عند التوكيلات فوق 500 ريال وطرمبة البنزين وبدئت الناس تشتكي من قلة الاقطع والحمدالله بعت الفورد برغم قالولي قطع الفورد تتباع بالبقالة ههههههههههههه

للاسف عندنا سوق كل واحد يتلاعب بالقطع وبالعميل والوزارة نائمة ماحسيت بهذا الشي الا لما جالس افرفر ابحث عن قطع الفورد  من الموزعيين التقوى ومقيبل  وغيرهم برغم اشوف ارخص القطع قطع الفورد برغم اشوفه من فترة لفترة يزيد وانا ابي سيارة اوصل فيها ولدي المدرسة واخرج فيها مشاوير داخل البلد لا لي بالاستعراض او اي شي المهم عندي لا تفشلني وكل شوي الحرارة واصلح شي يطلع شي ثاني

لاني معظم الورش وبرغم من كثرتهم 80% طباخين

وياليت احد يعطيني افضل فئة وموديل   

اخوي ابراهيم التركي بيض الله وجهك ووجه الي شاركوني بالموضوع يقول اخوي عبدالرحمن 307 انه اخر موديل 2007 وخايف اتوهق بالقطع 

اخوي شاقح .. قبل ما اشتري البي ام اللي معاي الحين شفت ستروين سي 5 .. وكنت خلاص ناوي اخذها .. بصراحة السيارة فيها فخامة مو طبيعية .. شكلها حلو وشبابي .. مواصفاااات عد وغلط ... لكن اللي خلاني ما اخذتها هو اني ما عرفت وين وكيلها اساسا .. كل واحد يفتي من راسه .. وبعدها بكم يوم لقيت بيجو اتوقع 507 موديل 2006 بصراحة اعجبتني .. وخصوصا لما عرفت انه وكيلها الحاج حسين ,, السيارة قمة في كل شي .. الشكل ولا المواصفات ولا الامان ولا الراحة ولا متعة السواقة .. وبعد ما اتفقت مع الرجال على كل شي وبعد المكاتبة ... حصلت مشكلة بين الرجال والشركة اللي يشتغل فيها لانها كانت باسمهم مع انها ملكه .. ورفضوا يعطوه خطاب تنازل .. وتكنسلت البيعة .. لذلك اذا نويت ان شاء الله بسوي زيارة للحاج حسين واذا ناسبني الوضع بتوكل على الله ..

خير الكلام ما قل ودل 

انحش عن هذا النوع من السيارات اذا تبغى الراحه

والشوارع خير دليل

يا رجال انا ساكن في مكه ولا عمري سياره بيجو من اي فئه اعتقد من سنه او اكثر

والناس تمدح بس على الفاضي لكن لو تقوله اشتريها والله ما يشتريها 

ترى اذا خربت والله ما بيتوهق فيها الا حضرتك

اللهم بلغت اللهم فأشهد

حكيم كلامك على راسي بس السيارة ما يختلف اثنيين انها افضل من تايوتا بالنسبة للعالم العربي والله يا مضحوك علينا بتايوتا هذه من ناحية من ناحية ثانية عندك وكلاء ابو كلب عندنا والصيانة بالله في صيانة عندنا يا نصابين نصب الا من رحم ربي وترا في سيارات افضل من تايوتا بس مظلومة عندنا 

يقول المثل اشتر تبيع 

روح الأردن , سوريا , مصر و لبنان يا كثر البيجو عندهم سيارة رائعة جداً و مواصفات روووووعة يا أخي 307 يجي فيها ثلاجة بالطبلون و ين تحصلها بالياباني.

محد ظالمها غير وكيلها ولا السيارة ما يحتاج ماعليها كلام 

مدري عن الحاج كان معي ميركوري دخلتها صيانه دورية بالحجز وتاخذ لها 3 ايام وحرمت بعدها اول واخر زيارة
من خلال تجربتي معه في قراند ماركيز ومازدا سيئ