ماهي الفروقات في الشبح جفالي s320وs500وs600

الفروقات تفرق
عند الميكانيكي لاصار شامي
ثم طلع نخل واشنطن براسك
ثم علمك مراتب خلفيه كهرب
هذي الفروق والحديث يطول

تختلف بالمحركات وال 500 وال 600 تجي شاشه فيه وثلاجه 
وأفضل موديلات الشبح 95 

الـ s 600 تقدر تقول ( مايباخ ) يعني كل التقنيات المتوفرة في ذاك الزمن موجودة فيه . . . .

أفضل موديل للشبح هو الـ 98 شكلاً ورحابة وراحة وعزم . . . .

,,,, إختصاراً ,,,,,

ملكي بكل ماتعنيه الكلمة من معنى خاصة لو يجيك اللون أسود ياسلالالالام . . . . . . .

أعتقد إذا المراتب الخلفية متحركة فهي فل كامل
والشبح زين بكل موديلاته عندك ٩١ و٩٢ و٩٣ أقلها خرابات
والزين اللي يجي قير خمس غيارات وكهرب وهذا أعتقد من ٩٥ نزل

اهم شي لاتاخذ 300

مروح وميت عزمه

اللي ماساق شبح 500 ماساق مرسدس

اول شيء سيارات اكل عليها الزمن وشرب ، اما على عزها ولا خلاص ما عاد تصلح

ثاني شيء هذي سيارات غير مخصصه للعمل في بلادنا

افضل موديلات ٩٧ و ٩٨ مقاس ٥٠٠ ينفع للخطوط وداخل البلد
 
مقاس ٣٠٠ و و ٢٨٠ و٣٢٠ مكينتها ٦ سلندر تصلح داخل البلد
  
مقاس ٤٢٠ و ٥٠٠ مكينتها ٨ سلندر تصلح داخل البلد والخطوط
 
مقاس ٦٠٠ مكينتها ١٢ سلندر تصلح للخطوط
 
من ٩٢ الى ٩٥ الدفعه الاولى كانت كل المقاسات اسلاك بواجي وقير ٤ نمر
 
من ٩٥ الدفعه الثانيه الى ٩٨ كل المقاسات صارت كويلات وقير ٥ نمر 

المواصفات ما تهم بكثر ما تهمك النضافه
واسعار قطع الغيار ماهي غاليه ولا رخصيه تعتبر عاديه ومتوسطه 

ابوناصر 454

ظلمت الشبح

اقسم بالله ياجماعة الخير كان معي بي ام دبليو 2012
وجت فترة دخلتها الورشة والوالد الله يطول بعمره وعمر والديكم عنده شبح 97 جفالي ومحافظ عليها مع انها ماشيه تقريبا حدود 180 الف
اقسم لكم بجلال الله يوم اسوقها اني ارتاح فيها اكثر من البي ام دبليو
ياجماعة ماشاء الله قوة عضلات وعزم جبار
القرقعة ذي ما تسمعها أبدا
رحابة والمراتب جميلة
اكيد ينقصها الترفيه ومالترفيه وشاشه وخرابيط لكن بهالزمن منت محتاجها كل شي بالجوال
والله الألماني عز الله ان فخرها الشبح .. بلا بي ام دبليو بلا اودي بلا هم
واسف عالاطالة

مرسدس شبح  اي موديل  من  ٩٢ الي  ٩٨   افضل بكثير من اي  سياره جديده  

الشبح مرسيدس افضل سياره صنعها الانسان خاصة ال 500

تحياتي

شبح 600 ملكة بمعنى الكلمة واللي يقول للخطوط فقط غلطان داخل البلد تشتغل بالبداية 6 ثم 8

شبح 320 موديل 95 جفالي الدفعه الأولى 4نمر فخامه وقوة واقتصادي في البنزين وقطعه رخيصه.... موووتر تووب بسم الله ماشاء الله... من باب تجربه

باستفسر عن القير فيه نظامين S و M وش وضعهم....

مسكين من يمدح الشبح ومتأثر بكلام الناس وبعضهم شريطي وده يصرف اللي عنده وبعضهم ما هو شريطي ووده يبيع سيارته ولكن خذ العلم الأكيد عن الشبح ولا تاخذ غيره من الواقع ..الواقع ولا غير الواقع لا يجي واحد مسكين ويقول الشبح أفضل ما صنع الانسان ثم يشتريه وياكل تبن ويكره حياته ويكره الناس بعد: إذا أنت هاوي الشبح خذ شبح ..فقط هاوي ومعك فلوس تصارفه كل شهر أو شهرين بحسب استخدامك له ..ساهر ما عاد خلى الشبح يتميز بسرعته وآمانه في هذه الحالات حدك 140 ما تتعداها ..تشتري شبح بأي قيمة راح تدفع أضعافها وأضعافها لأنه سيارة قديمة بحاجة إلى إصلاحات دائما رح للصناعية القديمة في الرياض وتلقى الشبح: 600 و500 مركون على جمب جمب الزبالة أكرمكم الله لأن قيمة إصلاحة أغلى منه، ثم يأتي 320 كذلك ولكنه أقل ..يا أخوان اختصر عليكم الكلام إذا أنت تعتبر السيارة وسيلة نقل وعندكم أعمال وأشغال وديون خذ لك موتر ياباني تكييفه ممتاز وقطعه متوفره ولا تزور الورشة إلا في السنة مرة، وإذا أنت مهووس شبح وهاوي وعندك فلوس خذ شبح نظيف بس لازم يكون له بايكه أو قراج مخصص له ولا تطلع عليه إلا في المناسبات ووقت الشتاء وانتبه تدخل فيه زحمات يمكن يصدمك أحد أو ترتفع حرارته..يا أخوان هذه نصيحة من القلب لكم بعد خبرة عشرين سنة في استخدام السيارت وزبدة الكلام أكثر كل ما كانت السيارة فارهة كلما قل الطلب عليها وكثرت خراباتها ورموها الناس في التشاليح أو المزابل ..شف اللكزس 400 محدودة الانتشار في الطرق وفي البيع وفي الأسواق بينما الكامري حتى القديم أو الكورولا منتشرة ولها سوق حتى لو ما تبغاها فيه غيرك يبغاها ...نصيحة أخيرة انظر إلى حاجتك في السيارة وهدفك في ذلك فهو الذي سيحدد شرائك من عدمه