استفسار اين يوجد طباعه رخص القياده بالرياض ضروري

في عندك دله التخصصي وعندك مرور النسيم الي في زاويه المعارض

ياشباب هل فيه احد يقدر ينزل الموضوع الي بكتبه تحت لاني كتبت موضوع ومااقدر اكتب موضوع ثاني الا بعد ٣ ايام
والله اني جالس افكر ومحتاس من هالسالفة ، ياليت الي يقدر ينسخه ويكتبه في موضوع جديد علشان استفيد
==========
السلام عليكم
انا كتبت موضوع في منتدى السيارات التابع لموقع حراج وصار عندي بعض المستجدات
والقضية ومافيها
انه انا رجال حصل لي حادث مع واحد وجاء نجم وحط نسبة الخطأ علي بنسبة ١٠٠%
- انا تأميني منتهي.
- الطرف الثاني عنده تأمين شامل لكن الورقة الي معه قديمة ماجددها واستمارته منتهية. "السيارة تابعة للبنك وهو مستخدم"

الطرف الثاني تنازل وقال نبي نحلها بشكل ودي عن طريق الورش وقطع الغيار بدون مايكون عن طريق التأمين.
تم التنازل وموظف شركة نجم اعطاني ورقة اصلاح واعطى الطرف الثاني ورقة اصلاح ورحنا ختمناها من المرور وودينا سيارتنا الورشة وكل المبالغ انا دفعتها الي هي حقت توصيل السطحة.
الطرف الثاني مابلغ البنك حقه أنه حصل له حادث واليوم البنك اتصل عليه وقاله ليه مابلغتنا عن الحادث السيارة لنا وعليها تأمين شامل وانت رفعت بلاغ عن طريق نجم والطلب لازال معلق في النظام.
انا قبل ماتصير هالسالفة كلمت شركة نجم وقالوا لي انه واضح عندهم في النظام انه مكتوب تنازل والموضوع منتهي.

البنك يقول لمستخدم السيارة ان البلاغ معلق في النظام ولازم تطيح البلاغ.

انا ماادري هو يبي يطيح البلاغ علشان يرفع بلاغ جديد ويأخذ اجراءته الاساسية الي ٣ تقديرات ورش ويصير الاصلاح عن طريق الوكالة
او يبي البنك الطرف الثاني ينهي الموضوع ويقولون له دامك تنازلت ليه ترفع بلاغ.

والله انا محتار ومبلغ تصليح سيارته كلفني الى الان ٨٠٠٠ ريال غير سيارتي كلفتني مبلغ وقدره
ماادري يااخوان الي عنده معلومة او احد فالمرور او في نجم يقدر يخدمني علشان استند على شيء مايضحكون علي الرجال لان اول مرة يصير علي حادث.

السويدي فيه مرور
رخص قيادة ولوحات واستمارات .. ومافيه زحمة

السويدي فوق النفق في مركز مرور وغالبا فاضي ماعاد يوم الاحد والافضل تروح بدري 

اخر مرة رحت مرور الغرب قالوا لي طباعة الرخص في دلة السويدي مدري الدريهم اللي تشوفها من الدايري وانت جاي من طريق الملك فهد

الرخص الحين تستلمها من دله وانت بغرب الرياض فيه دله على الدائري مخرج 24 انا رحت لمرور الغرب وقالو لي رح دله الرخصه تطبع من عندهم ورحت ولاخذيت 10 دقايق تعطيه القديمه وتستلم الجديده وصل الله وبارك

نعم صدقت أنا أمس ذهبت للمرور الغرب وقالي ما فيه
الا دله فقط ونافذه أو شباك رقم ( 6ـ7 ) وسط المبنى دله
مخرج 24 على اليمين وأنت متجة حي السويدي والشروط والتعليمات للتجديد الرخصة :ـ
* فحص نظرمن مستوصف معتمد في المرور.
*وسداد المبلغ تجديد الرخصة .
وأدخل على نظام أبشر وتجديد آلي .
ولكم فائق الإحترام ..

يتبع ...ولاتنسى الرخصة القديمة لتسليمها .

اوقات عملهم متى!!