مشورتكم محل كافي شوب

يا اخوان اعذروني على السؤال بس احتاج المشورة من اهل الخير اولا واهل الخبرة
انا مستاجر محل مناسب ومكانه مناسب صحيح سعره غالي بس الموقع يسلعد

ابي الات تحضير القهوة بانواعها الايطالي والفرنسي والتركي والكابتشينو
الات تحضير الكريب والوافل ثلاجات عرض الحلا
الطاولات الشاشات بالجملة وهكذا.
اللي يعلمني وين القاها باقل الاسعار جزاه الله خير

لاني جاهل بالتجارة ومن عايلة مالها بالتجارة قرض على دين وجازفت والرزق بيد الله وشكرا

إبلاغ

الردود

عندك ملتقى بيبان بالرياض ابحث بقوقل عنهم
الملتقى يبدا اليوم اتوقع او الظاهر من امس
ولهم وقت محدد وينتهي الملتقى مفيد جدا جدا
يوجهونك للطريق الصحيح ويدعمون الشباب
واصحاب المشاريع الحق عليهم
يعلمونك من الصفر كيف تبدا بالمشروع
ومن وين تبدا

d7ooom777 391
قبل 6 سنه و 7 شهر

هالحين مستاجر محل بالسعر الفلاني وفي موقع مميز وغالي
ولاتدري وين تجيب عدة القهوة
ليش ماحسبت حسابها قبل ماتستاجر ودرستها جيدا وتكلفتها
بدايتك مع احترامي خطأ
فقبل أي مشروع تجاري المفروض تدرس كل التكاليف والتفاصيل قبل ان تستأجر وليس العكس

سند10 1161
قبل 6 سنه و 7 شهر

ليتك شاري عربة كوفي ومشتغلها بنفسك افضل من المحلات افضل واوفر وتتنقل عدة اماكن بالتوفيق يالغالي

بريق الرياض 257
قبل 6 سنه و 7 شهر

انصحك تضيف مشروبات الطاقه المخلوطه للمينو حقك
طايحين فيها الشباب طيحه قويه
وهي نكهه تنخلط مع مشروب طاقه ريدبول او بايسن او كود رد

سعر علبة النكهه افضل نوع جيفارد او مينون ٣٥-٤٠ ريال
بموقع حراج تحصلها واكثر نكهات تمشي
الفراوله و البطيخ و التوت بأنواعه
وفالك التوفيق

ابن موسئ 178
قبل 6 سنه و 7 شهر

لو انك ماخذ زي مبسط بالشارع زي المزاج المغربي وغيره افضل بكثبو الناس فيها كسل ماودها تنزل من الموتر كذا من الشباك وخلاص اجلس احتاس بموقف مشوار اذا تقدر تنسحب وتسوي زي ماعلمتك اقضل بكثير الشتا جاي فيها خيييير

benz lover -78
قبل 6 سنه و 7 شهر

الله يهديك

في شئ اسمه دراسة جدوى لاي مشروع تبي تدخل فيه

شوف اللي لك واللي عليك

وبعدها توكل الله بمشروعكك

ع العموم فالك التوفيق

aboahmed2014 1168
قبل 6 سنه و 7 شهر