هل في تمويل سيارات متاح لموظفي الدوام الجزئي؟

ماعندي علم بس اكيد عبد اللطيف جميل يعطيك

بعض البنوك مثل الراجحي يقبلون تاخذ اجار منتهي بالتمليك عن طريقهم
( حتى لو راتبك ماهو عندهم )
يعني ان شاءالله بتلاقي :)

حاول تجمع او تتسلف واشتر سيارة لو ب 10الف وفك نفسك من التأجير والله مافية خير

يا حبيبي ما انصحك ..
السيارات المستعملة مليانة الحين واسعارها طايحه
لو تقدر تشتري سيارة مستعملة افضل لك
اخوك هنا متدبس بالاقساط ومو قادر يفك منها
حتى لو تتسلف وتشتري مستعمل افضلك

الراتب جدا" محدود لو تقسط ٨٠٠ الى ١٠٠٠ ريال
لمدة ٥ سنوات غير الدفعة الأخيرة و الأولى ان طلبوا

وش يبقى لك !
بالاضافة فكر انه ممكن يستغنون عن خدمات موظفين الرواتب هذي بسهولة
الله يوفقك و يوسع لك و يكتب لك الأفضل

والله مثل ما قالوا الاخوان تحصل اكسنت او اي سيارة عملية ب 10 الاف موديل شبه حديث

الايجار بتمليك غير مناسب ومتعب الا الي راتبه عالي ي خوك

ما انصحك بالتاجير لانك موضف بدوام جزئي. ولاقدر الله وتركت عملك. راح يسحبون السيارة منك ويحملوك الخسائر. يبيعونها بمزاد. وتتحمل باقي قيمتة السيارة. وحصلت مع واحد اخذ كامري من الراجحي. وفصل عند حلول الدفعة الاخيرة. 25الف ماقدر يدفعها واخذو السيارة. وباعوها مزاد ويطالبونة بباقي المبلغ

حياك
مثل ماتفضلو الشباب ماننصحك فيها حتا لو حصلت
دوامك جزئي وماتدري باي لحظة يفصلونك
وشركات التاجير مافيها امي ارحميني 
فحاول تاخذ قرض مايتجاوز 15الف وبتحصل فيها سيارة تخدمك
وباالتوفيق

سلامات ماتقدر للتقسيط بذا الراتب انا مستحيل افكر ب الاقساط مهما يكون اخذ لي سياره مستعمله نظيفه او اجمع واخذ جديده كاش