أسعار السيارات الجديدة مبالغة أم معقولة

20 9

لايمكنك التصويت حتى الحصول على 20 نقطة على الأقل
إضغط هنا للإخفاء

الاحترافي 1441
قبل 7 سنه و شهر

السلام عليكم
ياجماعة الخير قبل شوي افرفر بموقع حراج مجرد فرفرة عصرية زي ما يقولون

واشوف اسعار السيارات 2017

ومن رأيي الشخصي ( مو يجيني واحد مدرعم ويقول والله انت ما تفهم ووش عرفك لا أرنعه بهالطفاية )

رأيي الشخصي يا جماعة ان والله فيه مبالغة بالأسعار

وفيه تفاوت بالأسعار .. يعني فيه سيارات أسعارها 250 الف مثلا ولا فيه ذيك المواصفات اللي تقول والله السيارات جميلة كشكل ورفاعية وقوة وعزم وجمالية و و و و
وتقدر بالسعر هذا تلقى أفضل منها بكل شيء .. لكن ليش السعر هل عشانه ياباني او وكيله ابو جميل او او او او

قبل شوي شفت اعلان لاندكروز ب 270 الف .. ياخي وييين رايحين ؟
اللكزس 570 القديم 2003 سعره وكالة وجديد 220 ألف ايامه
الحين جديد ما تشمه ب 415 ؟ ياخي من مخرعهم ذولا ويحطون هالأسعار

آمنت بالله التقنية كثرت والمواصفات والرفاهية بس مو لهالدرجة !!
يعني نلتفت للألماني اللي ما زال صراحة له تحية وتقدير

من عرفت الألماني وهذي أسعاره الجديدة .. بالفترة الأخيرة رفعوا الأسعار بحجة قوة الماكينة واي ام جي وغيره

يعني الشبح أذكرها تفكها ب 300 الف وحولها تقريبا ان ما خاب ظني
الآن حول السعر
والبي ام نفسه


اما يجيني ياباني اقسم بالله صندقة والا كوري كان سعرها 34 الف والحين 70 لييييييييييييه ( مثل الالنترا *)

قسم بالله النترا فل كامل 2002 اتوقع فاكها وكالة واحد ب 34 فل الفل ولون حليبي بعد عشان يتميز هههههههههههههه

والله فيه مبالغة يا اخوان قسم بالله نروح دول ثانية نشوف أرخص بمراحل من مواترنا بغض النظر عن الضريبة حقت الدول
وفوق هذا اجمل منك مواصفات والوان كثيرة

والتاهو واليوكون بعد ما كان الفل 124 تاخذه

الحين ما تشمه فوق 200 الف عشان حطولك جلد بني وشاشة

والمازدا اللي جيبها تاخذه ب70 الحين ما تشمه ب 140

شلووووووووووووووووووووووووووووووون ( بصوت عبدالناصر درويش )

ماهو معقولة يا جماعة

عطني الرومي


وسلامتكم والموضوع فيه فضفضة على عصرية على مدري وشو

الزبدة الله يعيننا على عشاق الياباني .. والله اني قلت رأيي وبكيفكم

والطفاية بجنبي

فتكوو بعافية

إبلاغ

الردود