أستشارة لو سمحتم

انا جربت السوناتا الشكل الجديد 15
ممتازه في الخط وراسيه ومريحه ماشيه الآن 125 والحمد لله ماواجت مشاكل
اشوف أفضل خيار الالتيما والمازدا 6
الالتيما جربها اجار واذا عجبتك توكل ع الله
الفيوجن ماادري عنه

الفيوجن ما ادري عنها
لكن اشوف افضل خيار
نيسان التيما وهوندا اكورد

الفيوجن حسب تجربتي لها روعة كنك تسوق كراون فكتوريا مصغرة من ناحية الراحة

فيها عزم كافي ل4 سلندر وانسيابية بالخط بختصار ممتازة وصرفية بنزين لا يوجد

عيوبها قطع الغيار غالي شوي وسعرها يطيح بسرعة

يعني ب20 الف تجيب لك وحدة وردة موديلات 13 و14

وين كأنك تسوق فكتوريا. مراتب الفيوجن غير مريحه والا هي كسياره خيار جيد جدا
المازدا خيار ممتاز

فيوجن حلوة وممتاز وعملية
وكذلك المازدا
اذا ميزانية تسمح لك تاخذ مازدا توكل على الله وخذ
اذا ميزانية اقل خذ فيوجن والله يوفقك
ابعد عن سوناتا وكامري واكورد علتها عله

الالتيما فيها نعووووومه ياساتر وراسيه

1500 كم يبي لها فورد تورس او مازدا 6 فل اوبشن او سوناتا او افالون جرب اللي يناسبك واللي يعجبك خط اكثر من 300 كم يبي لها 6 سلندر

هلابك يالخالدي
اذا تبي شوري وانت راعي خطوط ابعد عن فورد فيوجن
بعطيك ثلاث مواتر معروفين بالكرف والتحمل واقتصادية البنزين
هوندا اكورد _ تويوتا كامري _ مازدا 6
اذا انت منت مستعجل انتظر الكامري ٢٠١٨
اقوى مكينة بفئة ال ٤ سلندر بقوة ٢٠٣ حصان
والقير ٨ نمر وتصميم جديد بالكامل
وحسنو صرفية البنزين احسن من الي قبلها
علما بأن القديمة ماخذة بتصنيف البنزين ممتاز
الاكورد بتتغير ب ٢٠١٨
المازدا يابانية وقوية وسعرها معقول جدا

كامري مع مثبت سرعه

كامري اول خيار لك فيها مثبت وتكرف . االالتيما بعدها . السوناتا رقم 3 . هذا التسلسل من ناحية الكرف والتحمل . وانا شخصيا افضل الكامري بشدة . الفيوجن اسال عن قطعها وتعرف .

تكملة لتعليقي اعلاه ....


او االاكورد 2017 او 2018 لانه الان تجميع امريكي اما الموديل اللي من 2014 الى 2016 تجميع صيني ولا اثبت جدارته

خذ كامري حمار مكده اشهد لها ماشاءالله ومكيف ثلج 
من واقع تجربه  واقتصاديه 

هههههه الله يعينك على بعض الردور اهم شيء يعلق
حتى لو ماهو فاخم او مجرب اهم شيء يعلق

اجل كامري الشكل الجديد الي بعده مانزل

صرفيته ممتازه للبنزين كيف صرفيته ممتازه وهو
بعده مانزل بتقول مكتوب بالنت ومدري وشو

ماهو مقياس الهايلوكس اول مانزل الشكل الجديد

الشعب نصه قال موفر للبنزين يوم تسالهم ليه موفر
يقولك فيه نظام الايكوا

ونص العالم شرته وقاموا يصيحون من صرفيته

والكل قال الشكل القديم افضل صرفيه

بالمختصر ﻻتعتمد على كلام النت من طقة المربع نت

وحسن كتبي ومواقع الاخبار شف المجربين فقط

والي يقول اكورد تبي تجيب الدسك وانزﻻق الغضروف
للرجال انت شايف مراتب الاكورد كانها صبه عمليه ماقلنا شيء

لكن مراتبها قاسيه والرجال يبيها1500كليو يعني فوق
12ساعه خط ماقال من الرياض للشرقيه عشان تقول اكورد

المهم الفيوجن ماجربتها لكن لو اني مكانك ماني ماخذها
مواصفات وامان وراحه ماقلنا شيء لكن هل بتصبر
وتمشيني400الف بالراحه وبدون مشاكل؟؟
وغير كذا مكينتها4سلندر بتزيد الصرفيه بقوه
اذا تمشي بخط فوق ال120
لكن اكتب استفسارك بموقع حراج قسم الفيوجن
وتاكد من مجربينها افضل

انت تقول 1500كيلو في الاسبوع؟ خذ لك شقه حول مكان عملك افضل لك بدل لاتحطه في سياره انت ابخص

إذا تبي موتر خطوط الأفضل 6 سلندر عشان الراحه والتحمل وشوف لك افالون من موديل 2014 نظيف ولو عندك سعرها جديد خذها لأنها عمليه صراحه شفت انا 2013 ماشية 300 الف وبالراحه ومعروف تويوتا بالعملية وطبعا فيه سيارات تشهد لها بالعملية

لكن الأفضل تشوف لك نظرة على افالون مريحه وراسيه وعزلها ممتاز بالنسبه لفئتها

***طبعاااا*** كلامي ذا كله مجرد اقتراح وانا ماني مجربها وتقدر تشوف بالحراج تحصلها ماشية كثير ونظيفه

ولو صامل تبي 4 سلندر بالخطوط بتصرف لو تمشي فوق 140 أو 130. فأفضل خيار باربعه سلندر
اكورد 2017. التيما 2017. كامري 2017 أو انتظر 2018 تغيرت كليا

وذا كله مجرد رأيي واقتراح والله يكتب الي فيه الخير

. واستخيير قبل كل شي

شف الله يسلمك انا رحت لوكالة فورد وشفت الفيوجن سعرها تقريباً 72 نص فل ويمدحون عزلها كثير وراحتها ورساوتها
رغم صغر حجمها لكن المميز فيها الايرباقات والامان موجود فيها ستاره كامله من الوسايد الهوائيه وحديدها تحسه قوي شوي
لكن عيبها النور سيئ وانت عارف ان الفورد بالاضاءه ضايعين لكن تقدر تحل هالمشكله انك تركب زنون ونصيحه اي سياره تشتريها ودامك راعي خطوط احرص على النور ثم النور ثم النور
شف كل السيارات توديك وتجيبك لو انها اكسنت دامها وكاله صدقني 3 سنوات ما راح تغير شي ف انت شوف الي بخاطرك وتوكل على واشتره
لان هنا كل واحد يعطيك شور تناسبه هو لكن هو ما يدري وش ظروفك او الي يناسبك
وبتوفيق مقدماً

شوووف التورس مكينه 6 سرندل وفورد
لاكن يسبون ضيقة المراتب
اسأل عنها

هذي مشكله التورس للشخص المليان تحس بالديكور الاوسط مضيق عليك اما ناحية الصرفيه والعزل والراحة كانك في بيتكم ماتحس بالطريق ولا هو قصور بالافالون نصيحة اخو جرب مايناسبك مايناسب غيرك

شكراً للجميع وبارك الله فيكم