أضف سؤال أو موضوع جديد          

خذ من الي صارلي. عضه وعبره.

up 27 down 5
سبحان الرازق سبحانه 2512
قبل 3 سنه و 6 شهر



السلام عليكم ورحمة الله وبركاته 
الموضوع {مهم يالغالين، وخذوني عبره}

يوم السبت. قدر الله عليه بحادث. والحمدلله على قضائه وقدره. وانا السبب بعد قدر الله بالحادث
سرعة الشارع تقريباً70 او80. 
وانا كنت مسرع بين 120و130 الشيطان اعوذ بالله منه. كنت مسرع. والسبب الي خلاني اسرع 
اكثر من سرعه الشارع. مع اني اعرف الشارع. 
فيه تقاطعات وزحمه. واشارات. السبب.الي خلاني اسرع. يشهد الله. بسبب المسجل. 
مشغل. بالمسجل. شيله. وتحمست معها. واسرعت  مع اني كنت ماشي سرعه الشارع حول80 والشارع شبه مزدحم. وقدامي تقاطع 
لاكن. الشيطان. اعوذ بالله منه. المهم. الي صار 
كان قدامي. تقاطع. وفيه سيارات بتديور. وانا ماني. بعيد عن التقاطع. وكبست بالنور. للي بالتقاطع. عشان. لايطلع بوجهي. وقبل التقاطع 
باامتار بسيطه ديور صاحب السياره بوجهي. طلع من التقاطع يوم قربت منه. وانا والله ماكنت متوقع انه بيطلع بوجهي. ابداًً. ومسكت. فرامل لاكن. والله العظيم. في اقل من 5 ثواني. صدمته 
ماشفت الا سيارته تزحف بالطريق على جنبها 
وسيارتي. تبرم بالشارع هذا الي شفت. وبعدها ماصحيت الا بالمستشفى. وخالي وعمي. عندي  

يوم صحصحت. سئلت عن الي صدمت قالو. سليم. الحمدلله ماجاه شي. 
سئلتهم. كيف عرفتم عن الحادث. قالو. الاسعاف   اخذ جوالك واتصل على اخر رقم. اتصلت عليه 
وعلمونا وجينا المستشفى. لان اخر رقم اتصلت عليه كان رقم عمي. والحمدلله. على كل حال. 
جاني اصابات خفيفه والحمدلله على كل حال. وطلعت من المستشفى. العصر نفس اليوم. 
وكان وقت الحادث. 8:30الصباح. 

تكفوووووووووووووووووووووون خذوني عبره.
السرعه. دمااااار. خصوصاًً  داخل المدن. الشارع. سرعته 70او80 وانا امشي 120او130. هذا تعتبر سرعه. بالنسبه لسرعة الشارع المحدده. وكلها بسبب شيله او اغنيه. 


والنتيجه سيارتي. راحت تالف. انعدمت كامله 
الطرف الثاني سيارته. جاها اظرار. كثيره. 
وراح تكلف كثير وانا الي بيتحمل التكلفه على حسابي. لان تأمين سيارتي منتهي ولاعندي رخصه بسبب المخالفات. 
والحمدلله على كل حال هذا قضاء الله وقدره. 
لعلها تكون. درس لي. بالحياة. ماحييت.  
هذي السرعه ونتائجها.بثواني معدوده صار الي صار. ولا كان على بالي. ولاشي. كنت مثل غيري. افكر. اني اقدر اتصرف في مثل هالمواقف. امسك فرامل او اسوي اي شي. بالسياره. ألف الدركسون. بالجهه المعاكسه واتفادا الاصتدام او اهدي السرعه بالقير او بالجلنط. الى اخره من الافكار............،
لاكن. بالحقيقه غير الي. نفكر فيه. ونقول. نقدر نسوي كذا وكذا. 
لاصار الشي. واقعي. ومفاجئ. كل هالافكار. والاشياء تنساها ولا تخطر على بالك. ماغير. تمسك فرامل. لاكن. اذا مسرع ماتفيد الفرامل ابداًً. في ثواني. تصير لاقدر الله اصابات او وفيات. والسبب. لهذا الشي. بعد قدرة الله.
السرعه. على شان اغنيه تحمست معها اوشيله 
او تسابق. سيارة ثانيه. او اي سبب. تافه. لسرعه. 
الحين والله العظيم ياأخوان. اني ندمان وكلي ندم. على. الي صار. ندمان اني اسرعت. اكثر من سرعة الشارع. مع ان لي اكثر من 6 سنوات اعرف ان الشارع هذا. فيها اشارات وفيه اكثر من تقاطع. وكل الشارع من اوله الى اخره. على جانبه محلات. بقالات مطاعم محطات محلات سباكه. ومافي مواقف كافيه للزبائن عند المحلات 
دائماً الشارع مزدحم بسبب الي يوقفون عند المحلات  السيارات على الشارع. والناس يهدون بسبب الي طالع من المحلات او الي موقفين ومزدحمين. لين الشارع. لاكن. صار الي كاتبه ربي يصير والحمدلله على قضاء الله وقدره 
والحين ماعاد يفيدني الندم. 
خسرت سيارتي. كامله بمافيها المكينه والقير تكسرت. 
واتحمل الان. اصلاح سيارة الطرف الثاني  على 
حسابي. 
هذي السرعه المفروض. امشيها على طريق سفر 
عادي. لاكن داخل المدينه. وفي شارع. سرعته محدده 70مدري80. واجي امشي فيه 120الى130 وكل الي بالشارع. قدامي او وراي سرعتهم ماتتعدا90 بالكثير  مع اني دائماً ومن سنين ماعمري تعديت سرعه الشارع اكثر من 5 أو10كيلو زيادة على سرعة الشارع 
وقليل جداً جداًً اسرع داخل المدينه. حتى اخر الليل اذا كان عندي دوام. مااسرع اكثر من سرعه الطريق مع ان اخر الليل تكون غالبيه الطرق شبه فاضيه من السيارات. لاكن. هالمره   
كتب الله يصير الي صار لي. لعلها تكون درس لي بالحياة وعظه وعبره اذا الله رزقني ووفقني وشريت سياره. اكون اعقل من كذا واعطي الطريق حقه. ولا اتسبب في أذية الي ماشين بالطريق. واتسبب لهم بااصابات جسديه او تلفيات في سياراتهم. بسبب  طيشي وعدم. اهتمامي. لمجرد لحظات بسيطه. يصير كارثه لاقدر الله
. لاكن. الحمدلله على كل حال. وهذا درس لي ماراح انساهـ ماحييت 
والحمدلله. مافي وفيات ولا اصابات بشريه. اما السياره. تتعوض. بغيرها ان شاء الله. هذا. ماعندي لكم. واتمنى. تاخذوني. عبره. بماحصل لي. وكلفني اشياء كثيره. وخسرت سيارتي. بسبب عدم الأ مبالاه بالطريق. الواحد. يقول بينه وبين نفسه. سرعة الشارع 90 عادي امشي 110 او120 دام مافيه ساهر.وعلى هالسرعه. اقدر اسيطر على السياره. واتحكم فيها. 
لاكن والله اذا صار الشي مفاجئ ماعاد الواحد يدري وش يسوي. بالسياره. ماعاد نعرف الا فرامل. يمكن تهدي من سرعتك لاكن ماتمنع الاصتدام وكل شي بيدالله وقدرته. 
ماابي اطول عليكم زياده. حبيت اذكر لكم الي صار معي. بالتفصيل وقلتها بدون احراج وبدون خجل وبدون. كذب السبب. مثل ماقلت. الشيطان وتحمست مع شيله كنت مشغلها من الجوال على مسجل السياره. وهذي النتيجه. الواحد منا وكثيرمن الناس اذا عجبته اغنيه او شيله ياانه يطلع الصوت للاخير اويسرع من الحماس. 
خذو من الي صار لي درس وعبره. والحماس مع المسجل والسرعه داخل المدينه. اتركوه. والله ثواني صار الي صار لي. وكلفني الكثير. 
تحمس بس لاتسرع. اذا براسك حماس وسرعه. تذكر انك في لحظه ماتقدر تتحكم بالسياره. لاصار قدامك شي مفاجئ. انت ماشي 120
والي. قدامك ماشي70 او واحد توه طالع الشارع ماأمداه يمشي ويوصل40. كذا تصدمه على سرعتك لاقدرالله. 
واخيراًً. خذو مني النصيحه والعضه والعبره من ماحصل لي. واعذروني اذا طولت بالكتابه. واعذروني اذا فيه اخطاء املائية لإني اكتب من الجوال. والله يحفظ الجميع ويكفينا ويكفيكم شر الحديد وبلاويه. ودمتم في رعاية الله وحفظه. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمدلله على السلامه وانا اخوك


up 2 down 0
عبدالرحمن النوفل 108
قبل 3 سنه و 6 شهر



الحمد الله على السلامه هذي حركة تغبن الي يجيك تقرب ويلف عليك صارلي حادث بنفس الطريقة قبل 7 سنين والى يومك وانا اتعالج منه والحمد الله على كل حال


up 3 down 0
المتوكل 777 462
قبل 3 سنه و 6 شهر



الحمد لله على السلامة في الحديد ولا في العبيد.  اهم شي انكم بألف خير و السيارات تتعوض.

والله يعينك على مصاريف الطرف الثاني.  شي جميل التوعية.  السيارة وزنها عشرات الاطنان من الحديد.  الله يهدي الطايشين

وللأسف لو الشباب المفحطين يشوفوا كلامك هذا لأنه السرعة و التفحيط اثنينهم يضيعون حياة البني آدم و سيارات كثير تنعدم بدي

و محركات و تكون موديلات جديدة تلقى السيارة الواحدة بعد ما تمت اول زيت و فلتر لها.

الله يجيرنا من ساعة الغفلة و يكفينا الحوادث و نكدها و غبنتها.


up 1 down 1
بدر الباثفايندري 1116
قبل 3 سنه و 6 شهر



الحمد لله على السلامة 
مقدر و مكتوب لكن لعلها درس لك وعبره لنا 
كفاره و طهور ... والله يعوضك انت والطرف الثاني بخير من عنده 


up 1 down 0
nasser1430 873
قبل 3 سنه و 6 شهر



الحمد لله على سلامتك يالغالي وربي يعوضك خير. بس اسمح لي من كلامك الغلط ليه عليك حتى لو مسرع الطرف الثاني دخل على مسارك وعليه نسبه خطا. فقط التبس علي الامر لانك قلت الخطا عليك كامل . الله يعوض عليك بالخير


up 4 down 0
midnight_963 653
قبل 3 سنه و 6 شهر



الحمدلله على سلامتك والله يعوضك خير


up 1 down 0
كارينو 572
قبل 3 سنه و 6 شهر



الله يسلمكم جميعاً. ويحفظكم  
والحمدلله على كل حال الحديد يتعوض. والله يكتب. 
الي لنا فيه الخير 


باالنسبه لرد العضوmidnight_963
 
اولاً الله يسلمك ياغالي. ويحفظك 

الغلط عليه. كامل. لإن. انا مسرع. اكثر من سرعة الشارع 
بكثير. وفيه مطبات تهدئه ولوحات. قبل التقاطع. الي صار فيه الحادث

والصدمه جات من الخلف. وعلى سرعه عاليه. مع ان 
فيه مطبات تهدئه الي مثل عيون القطط مصففه جمب بعض. 
عشان الناس يهدون. 
عشان كذا المرور حط النسبه عليه. والحمدلله على كل حال. 

راضي. بما كتبه الله لي. والف حمد وشكر لله.  السياره 
تتعوض. اهم شي الصحه والسلامه. 



up 0 down 1
سبحان الرازق سبحانه 2512
قبل 3 سنه و 6 شهر



الحمد لله على السلامة
"كل ابن ادم خطاء وخير الخطائين التوابين"
احمد ربك انك سلمت من الحديد وان الرجل
سلم .. وعسى الله يعينك على تجاوز هذه
الأزمة بيسر وسهولة


up 1 down 0
mrabadi8 9
قبل 3 سنه و 6 شهر



الحمدلله على كل حال ودام مافي اضرار في الاوادم كلها يعوضها ربي سبحانه
وخير الخطائين التوابين
ودامك تبت ونصحة غيرك احتسبها عند الله وربي يعوضك خير من الي حصل


up 1 down 0
ابو محمد 1 126
قبل 3 سنه و 6 شهر



الحمدلله على كل حال  
والله يعطيكم العافيه جميعاً 


up 0 down 1
سبحان الرازق سبحانه 2512
قبل 3 سنه و 6 شهر



الحمد لله على سلامتك تدفع ماكان اعظم


up 1 down 0
ابوليان1431 399
قبل 3 سنه و 6 شهر



شكرا على التوضيح والتنبيه وماجور ان شاء الله


up 1 down 0
midnight_963 653
قبل 3 سنه و 6 شهر



الحمدلله على السلامه

والله يعوضك بخير منها

وان شاء الله اخر المصائب




up 1 down 0
aboahmed2014 1160
قبل 3 سنه و 6 شهر



بخصوص السرعه انا واحد صادمني كان ماشي ١٢٠ والخط سرعته ٨٠ وحطوا الغلط علي قلت لهم الرجال ماشي مسرع قالو اذا كان مسرع ياخذ مخالفه اما تكون في نسبة الحادث لا


up 1 down 0
fahad0401 203
قبل 3 سنه و 6 شهر



حمدلله على سلامتك والاعتراف بالخطأ فضيلة.

وان شاء الله يكون درس لك وماتتكرر اولا حفاظا على سلامتك لان النفس والعمر غالي ولايتعوض.

اتمنى من المتهورين ياخذون جولة على مستشفيات ومدينة الامير سلطان ويشوفوا نهاية السرعة والتهور بعينهم.

الله يهدي شبابنا ويحفظهم.


up 1 down 0
بوحمد4445 91
قبل 3 سنه و 6 شهر



جزاكم الله خير جميعاًً 
والله يحفظ الجميع. 


up 0 down 0
سبحان الرازق سبحانه 2512
قبل 3 سنه و 6 شهر



الحقيقه انت من اسمك او نكك ومن ردودك ومن مواضيعك ومن اسلوبك. اقول انك من الاعضاء الذين
اكن لهم احترام وتقدير وموده. لكني زعلت عليك.  ونفسي اعطيك دس لايك لكن ماطاوعني قلبي
كيف لشخص بهذه العقليه. ان يسرع بسبب شيله و١٣٠ في مدينه.  مزدحمه يارجل حتى من الدمام
للخبر مع انه هاي وي ١٠٠ كفايه.     لعله درسا لك.  ولعله فائدة لمن يقرأ الموضوع
هاليومين ومع خروج طلاب المدارس صرت يقظا اكثر.  الشباب يدخلون الطرق الرئيسيه من غير
توقف.  ومتهورين.  ويلصقون فيك. كفانا الله شرهم.  رعب في انصرافهم 
والله كان عندي فورد. شبه وكاله راح تالف بسبب سرعه دخول خاطئ.  واخيرا. صك في عمود
لم اكن انا السائق.  الفورد باسمي وكان ملكي. بايعه اقساط. جاني منها القليل.  والباقي يعوضنا الله فيه
ماينفع الصوت لافات الفوت.        كم واحد قال اخ ليتني ماطلعت اخ ليتني مارحت لهالشارع
اخ ليتني انتبهت اخ ليتني ما اسرعت اخ اخ اخ ماتنفع الأخ بعد الطخ. // مثل من عندي //
القضاء والقدر يفرق. عن شبه العمد.      احيانا كأنك متعمد
حمدلله على سلامتك ولعلها عظه وعبره ودرسا لك.  واترك عنك الشيلات.    زلزله. شكلها الشيله



up 2 down 0
عبدالله الشفيعي 1440
قبل 3 سنه و 6 شهر



عبد الله الشفيعي 
الله يسلمك من كل شر ويجزاك خير 
معك حق في كل حرف كتبته والحمدلله على ماكتب الله لي
والي صار لي درس ماراح انساهـ وعلمني الي كنت اجهله
او ماكنت مهتم له. والحمدلله غلطه علمتني الكثير. 
       بالنسبه للشيله الي تقول ماهي هيه. شيله 
قديمه ماني متذكرها لاكن. الحمدلله على كل حال. واهم شي
السلامه اما السياره تتعوض ان شاء الله. 

والله يعطيك العافيه على مشاركتك والله يعطيكم العافيه 
جميعاً والله يحفظ الجميع بحفظه 


up 1 down 0
سبحان الرازق سبحانه 2512
قبل 3 سنه و 6 شهر



شكراً على التجربة ـ صحيح الأغاني تعطيك أكشن وقت السواقة، وودك تطير بالسيارة، تصيـــر معاي وأعتقد نسبة كبيرة من السواقين بعد.

حمد لله على السلامة يارجل إنت والشخص الآخر .. 3>


up 1 down 0
محمد عبدالله عمر 617
قبل 3 سنه و 6 شهر



الحمدلله على السلامة


up 1 down 0
the son of the kingdom 927
قبل 3 سنه و 6 شهر