أضف سؤال أو موضوع جديد          

اخيرا تم حل مشكلة رجة او رجفة مكينة اليارس العنيده

up 28 down 1
sjfki2 97
قبل سنه



السلام عليكم لكل من يواجه رجة او نفضه في مكينة اليارس
الرجه تحصل سواء مع تشغيل المكيف او بدونه 
تم حل المشكله للأمانه الحل لقيته من النت بعد تعب بالبحث 
طبعا المشكلة صارت لي على يارس 2013
شرح للمشكله::
المشكله تصير لما تخلص كم مشوار واذا وقفت عند الاشاره مثلا 
المكينه تنفض كأنها بتطفي وللمعلومية المشكلة ماتصير دايم يعني مرات تصير ومرات لا
رحت لورش وكل ورشه عطاني كلمه الي يقول تنضيف ثروتل وبخاخات والي يقول بواجي والي يقول كراسي والي يقول كويلات 
والي يقول طرمبة او صفاية 
وكلن يبي يسرق منك بأي طريقه 

مثل ماقلتلكم الحل لقيته من النت 
والحل هو تنضيف حساس او سلك ماادري وش وضيفته للأمانه وبحط صورته 

طبعا تفك الحساس 
وتنضفه من الجهتين ببخاخ crc يباع بساكو بحط صورته 

وتركبة وتشغل السياره طبعا بتشتغل لمبة المكينه وهذا الشي عادي
الي عليك عشان تبرمجه تمسك خط على سرعه 120 لمدة 5 دقايق ومن بكره تروح اللمبة 
ولله الحمد المشكلة راحة نهائيا وبتلاحض اشياء كثير بتفرق مثلا عند التعشيق الرجه تخف 

سبب طرحي للموضوع لان كثير يعانون من هالمشكلة ويكرهون السيارة بسببها 
ويروحون لمصاصين الفلوس الورش لابارك الله فيهم الي ماعندهم سالفه 
والمشكلة تافهه













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير ويجعلها في موازين حسناتك ولا يحرمك الاجر 
فعلاً بعض المشاكل تحسبها صعب حلها لكن بالخير يطلع الامر بسيط 
احترمك واحترم كل انسان فعال في المجتمع لخدمة المسلمين 


up 1 down 0
nasser1430 858
قبل سنه



احسنت مامنك قصور على النقل فكيت ازمة عندنا كرولا الظاهر نفس مشكلتك و من بكرة بسوي مثلك

جزاك الله خير


up 1 down 0
bindakheel 935
قبل سنه



هذا سلك حساس المرواح


جزاك الله خير^_^


up 0 down 0
maystro1403 33
قبل سنه



انا عندي اكسنت 2016 بعض الاحيان تجيها نفضه والوكاله ماعرفت وش المشكله 
تجي وتروح اللي يعرف يفيدني 


up 0 down 0
mm.2015 150
قبل سنه



احسنت وجزاك الله خير كنت انتضر موضوعك علا جمر وانت تدري ليه ^_^

موفق


ابيض وجه ياخوي 
ما تقصر


up 0 down 0
مححمد 07 126
قبل سنه



ماشاء الله

الله يوفقك ويبارك لك باليارس العنيده.


up 0 down 0
بوحمد4445 76
قبل سنه



ماشاء الله

ربي يسعدك

ويوفقــكك


up 0 down 0
aboahmed2014 710
قبل سنه



هذا حساس الشكمان ولا ؟


up 0 down 0
temo2016 -10
قبل سنه



اخوي جربت وماضبطت المشكله انصحك تحذف الموضوع لاتخسر الناس


up 0 down 1
hussein250 -1
قبل 7 شهر



الي يحصل معه رجع اذا شغل المكيف هاذا بواجي غيره  بس تاكد سيارتك البواجي ليزر ولا عادي رح قطاع غير مضمون وعطه استمارت السياره وقل له البواجي ليزر ولا عادي لسياره وبس


up 0 down 0
dahoomy4
قبل 4 شهر و أسبوع



بنسبه لضعف العزم وسيارتك تكتم وتفك وحيانن مايستجيب الدعسه عندك حساس الاكسجين ولا تنظيف الدعسه انشاءالله


up 0 down 0
dahoomy4
قبل 4 شهر و أسبوع