أضف سؤال أو موضوع جديد          

بعت سيارتي بسبب

up 18 down 1



السلام عليكم ورحمه الله وبركاته ياخوان بقولكم قصتي وشوفو الاسباب انا قدر الله علي وشريت فورد 96 من حراج الشفا بـ 13700 ومع التجديد كل شي علي طلع 15 الف وكنت مستانس اول مره اشتري سيارة مايعرف الشعور غير الي جربه طلعت السيارة من المعرض وامشي مسكت الدايري االا الشنطه تنفتح علي قلت يمكن ماسكروها زين وقفت وسكرتها ومشيت وشوي اناظر المرايه لقيتها مفتوحه ونزلت ووجهي احمر من كثر الاحراج وسكرتها باقوى حيلي وركبت ونا مرتفع ضغطي واعصابي جدا جدا سيئه وصلت البيت والشنطه مفتوحه طبعا وربطتها بسيم ومشى الحال يالله لك الحمد اليوم الثاني فتحت الكبوت بشوف الزيت والمويه كل شي عادي عدى الاسبوع الاول الحمدلله الاسبوع الثاني بدت اصوات السيارة من تحت (العضلات) رحت الميزان قال جلد مقصات ومساعدات ومسامير توازن وجلب بدي رحت محل القطع وسالت قالي ابو هنود 300 ريال قلت تمام القطع سعرها جيد وشغل اليد 200 كلها= 500 قلت انتظر ع الراتب طبعا المكيف خربان الي يقول كبس لي والي يقول كمبرسور والفلتر جنوني صراحه نصب عيني عينك والمسجل خرب <<حظ ابو كلب ^_^ عدى الشهر الاول ونا متندم كثر شعر راسي وجايتني البكيه من زود القهرررررر الله لايوريكم القير بدى يصير بطي التعشيقه الاولى تحن السيارة لازم ارفع رجلي (الله يكرمكم) وادعس علشان تعشق ونا خلاص طق مخي الي يقول فلتر او حساسات او توضيب قلت ياولد مالك الا الفحص يطلع وش فيه رحت للشايب وهو يتكلم الخرده وانضحك عليك وانت وانت الله يعين اخذت منه 250 ريال وثاني يوم الصباح رحت كارتر بشارع المعارض بنسيم ودخلت السيارة طبعا انا شفت السياارت هناك قلت شكلي دخلت غلط او مكان شحن سيارات بنتلي ولكزس بنورااما سيارات كشخه الله يرزقني ويرزقكم دخلت الفحص وانتظر النتيجه ورحت الميزان وطلع المهندس يجربها طلعت النتيجه وليتها ماطلعت مصيبه 1:الشاص فيه صدمه خفيفه 2:المكينه بدايه تنقص زيت 3:بدايه اصوات جنازير من المكينه 4:الفرامل تحتاج تشييك 5:الحراره تحتاج تشييك 6:خرطوم الرديتر يحتاج تغير فورا مكتوب بالورقه كذا 7:العضلات جدا جدا تعبانه بطن السيارة منتهي 8:الدفرنس بدايه صوت 9:القير بطيييييي ويحتاج تغير لن باي لحظه يوقف وكثير من القطع نسيتها الله لايعيدها المهم اخذت النتيجه ونا منقهرررر شوي وولع بحالي طلعت من الفحص طبالين مافي شارع ماخمست فيه لعنت خير خيرها وبنفس اليوم ادور ارقام تشاليح بس ابخسو ام امها الي يقول 6 و7 الف رحت معارض النسيم عندي حقين الحراج الزيود النصابين ويلي يقول 7 اعلى سومه وصلت 7700 صافي انا كنت ببيع سالت واحد قلت ابي معرض يشتري على طول قالي معرض فلان اخر الشارع يشتري ع طول رحت وقال 7500 قلت مسيومه 7700 صافي قال هذا سعري انا ركبت السيارة ويمسكني صلي على محمد كم تبي قلت 8500 قال 8000 والنقل وكل شي علي قلت توكلت على الله اخذ الاسمتاره والاوراق كلها نزلت المعرض اخذت عربون والسند وقالي يوم الاحدتاخذ فلوسك قلت خير ومشيت ورجعت البيت بتكسي ونا زعلان جدا جدا وحالتي قسم بالله تبكي طبعا يااخوان انا اعترف ان انضحك علي بس قلت ابيعها احسن اني اتخسر عليها الدبل وبالختام انا نزلت الموضوع مدري القسم الصحيح ولالا بس اعذروني انا لازم افضفض ولا بنفجر تحياتي للجميع والله يحفظكم ويرعاكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يعوضك بخيرها أخوي السيارات لازم وفحصها قبل تشتريها سواء حراج ولا و معارض 
وهذي قاعدة معروفة 
اذكر أني نزلت الحراج أدور سيارة و حصلت بليزر ٢٠٠٨ فل كامل بدبل  وجيه تاهو معروض ب ٣٤ ألف قلت هذي الساعه المباركة 
سألت راعيه وش جاه قال لي بس باب السواق و كان واضح أن فيه مشكله ما يتكسر زين المهم وديته الفحص  كمبيوتر و بدي 
و كانت المفاجئة السيارة مرشوشة بالكامل و الجنب الأيمن كله معجون و المكينة مفكوكة  و الايرباقات طالعه و الشاسية فيه طعجه بس للأمانة المكينة و القير و الدبل ممتازة 
راعيها نزلها ل ٢٧ ألف استخرنا و استشرنا و ما كتبها الله لنا 
و الحمد لله 



up 1 down 0
m-baz 336
قبل 5 سنه و 7 شهر



الله يعوضك خير اخوي ويرزقك من حيث لاتحتسب خلك قريب من ربك صلاة ودعاء واستغفار كثير وصدقه وبتلاقي الخير الكثير والرزق الوفير والتوفيق من رب العالمين


up 2 down 1
trokky1 38
قبل 4 سنه و 8 شهر