مشروع المغسله تنصحوني فيه ولا لا

ماهو مهم المشروع أهم شي العماله والموقع
فيه مغاسل ناجحه وفيه مغاسل فاشله
أهم شي يكون تعاملك مع العماله ممتاز لايغدرون فيك مثل غيرك

أنصحك اذا تقدر تسوي مغسلة مودرن ( حديثة) ويكون فيها اشبه بمكتب صغير او استقبال ويكون فيه الحساب وتداوم فيه بنفسك وتحاسب بنفسك حتى لو ماهو كل وقت لكن على اقل تقدير تعرف الدخل التقريبي للمغسلة حسب كل فترة

يعني تعرف المغسلة كم دخلها تقريبا فترة العصر وكم دخلها فترة الصباح 

لكن اذا راح تسلمها للعمالة مستحيل ومن سابع المستحيلتت تمنعها مايسرقك وراح يسرقك الا اذا كان يخاف الله ويتقيه

وعلى كل حال انصحك تقابل شغلك بنفسك وتداوم فيه بنفسك لأن مافيه احد احرص منك على شغلك 

واذا استمر شغلك تقدر تفتح اكثر من فرع وتعين لك مدير اعمال ويتحول شغلك مؤسسي بدل ماهو شخصي

وفقك الله

سويت دراسة جدوى ؟
فكرت وبحثت عن وضع العماله بداية ٢٠١٨ و ٢٠١٩ 
؟؟؟

الله يوفقك 

مهما طلبت نصايح ما بتطلع بنتيجه الا ان تجرب والتجارة اسرار

اهم شرط لأي مشروع تكون حاب الشغله وفاهمها ،،، والخدمات تكون مريحة مثلا توصيل للمنازل وتسوي عروض تجيب الزباين ،،،، والله يرزق الجميع

شوف اي شغله متعلقه بالسيارات وبالذات الزينه والغسيل راح
يزدهر سوقها