التلاعب بعداد السيارات - أين الخوف من الله
10
1
إضغط هنا للإخفاء
السلام عليكم ورحمة الله وبركاته
اسعد الله اوقاتكم بكل خير أعضاء وزوار موقع حراج الأفاضل
والله يمنّ عليكم جميع ايامكم بالخير والبركة والأهم من كل هذا ( الرزق الحلال )
اخواني لفت نظري بالآونة الأخيرة سيارات كثيرة يتم التلاعب بعداد المسافات الخاص بالسيارة , وصار الموضوع يصبح للوقاحة إنه يعرض مشكلة بسيارته ويقول اني لاعب بالعداد
إخواني
كلنا نخطئ ونصيب , كلنا نذنب ونستغفر ونتوب , وتوبة الله واسعة
لكن هل يعقل بأن تتلاعب بعداد المسافة من أجل مبلغ مالي ؟؟ تبيع ذمتك عشان فلوس ؟ وين مخافة الله وين الإيمان اللي بنفوسنا ؟
يعني وش عقلك وقلبك تغير العداد من 200 الف إلى 60 ألف عشان تبيع سيارتك لشخص مسكين تعب وشقى من المبلغ هذا عشان ينضحك عليه ؟
وش استفدت ؟ وانت عارف وبداخلك يقين ان هالمبلغ اللي انا اعتبره انك ( سرقته ) من هالشخص .. ربي راح يوفقك فيه ؟
والله ياجماعة شي يغبنك ويرفع ضغطك ,, وش استفدت بتغيير العداد ؟؟
وبكره وبكل وقاحة وقلة حيا ومروءة وقلة تربية
ويكتب لك ويزبرق لك الاعلان
سيارة مخززززززززززززززززنة للبيع عاجل موديل 2005
ويحط لك سعر لو تزود شوي تاخذ 2017
يالله ما أقسى قلوب البشر !!
المعذرة ياجماعة بس والله موضوع يغبن
والمصيبة انا بحد علمي لا أعرف ان فيه ورش او محلات فحص مختصة بتلاعب العداد او يبين معها
الا في حال ذكاء المشتري انه يشوف نسبة الماكينة مقارنة بممشى السيارة
الله يكفينا شر المتلاعبين وعيال الحرام والنصابين
اعتذر لكم مره ثانية
إبلاغ
الردود
3
0
لا حول ولا قوة الا بالله
انا اطالب موقع حراج بخاصية عدم حذف الردود
لان بعض الردود فيها أشخاص أحيانا شاف السيارة وحب انه يبري ذمته ولا تطيح بواحد غشيم
وبعضها صحيح انه يبخس السلعة لكن بإمكان صاحب الإعلان الرد عليه او ابلاغ بخس السلعة ..
الله المستعان
3
0
واي لعب اخوي حتى سيارات الاجار يشترونهن ويغير العداد
ولم يسلم الاستعمال الامريكي بطاقه جمركيه واغلب الي يعرضوها
اذا سالته عن تقرير الكارفس ما يرد
الحل بسيط شركات التامين تسجل ممشا السيارهب بما انه صار التامين
الزامي ويصلحوا موقع موحد تقدر تستفسر عن اي سياره من حيث
المشي او الحوادث ولو بملغ معين على سبيل الفرض خمسون ريال
3
0
يعطيك العافية اخوي ra3d777
1
0
مطلع قروض و اخرتها سيارة ملعوب فيها لاجل يقضي لنفسه و اهله فيها
2
0
الله يكون بالعون
1
0
ملعوب فيه يبين من الارقام واحد فوق والسبعه تحت يعني قريب بوصل 80 الف و هو توه داخل ال 71
المشكلة الجميع رد عليه و بعد كم ساعة حذف الردود ههههه
الله يفكنا شرهم
2
0
لكن الازارير على الطارة مشققة وومسوحة من كثرة الاستخدام وجربت السيارة مفككة ومربودة كأنها موديل 2000 ويقول هذا شايب تزوج وحدة صغيرة واشترى هالسيارة وقليل مشاويره عليها هههههههههههه
والسيارة من يوم تشوف داخليتها وتسوقها تقول انها ماشية 400 الف ع الاقل!!!
احيانا السيارة واضح ان عدادها مرجع لكن بعض الناس اذا شاف صاحب المعرض يحلف ويقسم بنظافة السيارة يصدقه ويكذب عيونه
وبصراحة صاحب المعرض كان رجل في أواخر الاربعينات من العمر وباينه رجال محترم ومتقي الله والله أعلم مدري هل عنده علم أو صاحب السيارة وقفها وهو نقل كلامه
3
0
في ماله او نفسه .... (.ولا تحسن الله غافلا عن ما يعمل الظالمون )
1
0
1
1
طلعت تقرير كارفكس. يقولون ماشية ٨٢٠٠٠ ويوم علمتهم عن التقرير. تفرقعوا
قصه طويله. ماعندك احد. بلغت تجاره وشرطه. ليس في الحمض احدا ابدا ابدا
1
0
وحذف ردي .. الزبده . ان كان تشتري مستعمل . حاول تاخذ من شخص تعرف او تكلم ربعك وكل واحد يدور من معارفه ولو تنتظر شهر شهرين احسن من المعارض وموقع حراج . طبعا لا اعمم ولكن الاغلبية الذمه معهم وسيعه
قبل 7 سنه و 2 شهر