أضف سؤال أو موضوع جديد          

التلاعب بعداد السيارات - أين الخوف من الله

up 10 down 1
الاحترافي 1108
قبل 11 شهر و 3 أسبوع



السلام عليكم ورحمة الله وبركاته

اسعد الله اوقاتكم بكل خير أعضاء وزوار موقع حراج الأفاضل

والله يمنّ عليكم جميع ايامكم بالخير والبركة والأهم من كل هذا ( الرزق الحلال )

اخواني لفت نظري بالآونة الأخيرة سيارات كثيرة يتم التلاعب بعداد المسافات الخاص بالسيارة , وصار الموضوع يصبح للوقاحة إنه يعرض مشكلة بسيارته ويقول اني لاعب بالعداد

إخواني
كلنا نخطئ ونصيب , كلنا نذنب ونستغفر ونتوب , وتوبة الله واسعة

لكن هل يعقل بأن تتلاعب بعداد المسافة من أجل مبلغ مالي ؟؟ تبيع ذمتك عشان فلوس ؟ وين مخافة الله وين الإيمان اللي بنفوسنا ؟

يعني وش عقلك وقلبك تغير العداد من 200 الف إلى 60 ألف عشان تبيع سيارتك لشخص مسكين تعب وشقى من المبلغ هذا عشان ينضحك عليه ؟

وش استفدت ؟ وانت عارف وبداخلك يقين ان هالمبلغ اللي انا اعتبره انك ( سرقته ) من هالشخص .. ربي راح يوفقك فيه ؟

والله ياجماعة شي يغبنك ويرفع ضغطك ,, وش استفدت بتغيير العداد ؟؟

وبكره وبكل وقاحة وقلة حيا ومروءة وقلة تربية
ويكتب لك ويزبرق لك الاعلان

سيارة مخززززززززززززززززنة للبيع عاجل موديل 2005

ويحط لك سعر لو تزود شوي تاخذ 2017

يالله ما أقسى قلوب البشر !!

المعذرة ياجماعة بس والله موضوع يغبن

والمصيبة انا بحد علمي لا أعرف ان فيه ورش او محلات فحص مختصة بتلاعب العداد او يبين معها

الا في حال ذكاء المشتري انه يشوف نسبة الماكينة مقارنة بممشى السيارة

الله يكفينا شر المتلاعبين وعيال الحرام والنصابين

اعتذر لكم مره ثانية







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قبل فتره شفت كرولا 2009 الدركسون جهة اللون الفضي يمين وشمال ممسوح والمنشى 17 الف ويقول وكاله . كتبت له خاف ربك الدركسون ممسوح من الاستخدام وتقول ماشي 17 الف وكاله ..

وحذف ردي .. الزبده . ان كان تشتري مستعمل . حاول تاخذ من شخص تعرف او تكلم ربعك وكل واحد يدور من معارفه ولو تنتظر شهر شهرين احسن من المعارض وموقع حراج . طبعا لا اعمم ولكن الاغلبية الذمه معهم وسيعه


up 2 down 0
مستريح البال 1 1789
قبل 11 شهر و 3 أسبوع



ذولي مساكين نسئل الله لهم الهدايه يبيع ذمته عشان كم ريال لكن وين بتروح يوووم الحسساب 


up 3 down 0
abduallh 5180
قبل 11 شهر و 3 أسبوع



مستريح البال

لا حول ولا قوة الا بالله

انا اطالب موقع حراج بخاصية عدم حذف الردود

لان بعض الردود فيها أشخاص أحيانا شاف السيارة وحب انه يبري ذمته ولا تطيح بواحد غشيم

وبعضها صحيح انه يبخس السلعة لكن بإمكان صاحب الإعلان الرد عليه او ابلاغ بخس السلعة ..

الله المستعان


up 3 down 0
الاحترافي 1108
قبل 11 شهر و 3 أسبوع



السلام عليكم
واي لعب اخوي حتى سيارات الاجار يشترونهن ويغير العداد
ولم يسلم الاستعمال الامريكي بطاقه جمركيه واغلب الي يعرضوها
اذا سالته عن تقرير الكارفس ما يرد
الحل بسيط شركات التامين تسجل ممشا السيارهب بما انه صار التامين
الزامي ويصلحوا موقع موحد تقدر تستفسر عن اي سياره من حيث
المشي او الحوادث ولو بملغ معين على سبيل الفرض خمسون ريال


up 3 down 0
ra3d777 365
قبل 11 شهر و 3 أسبوع



هذا حل جميل بالنسبة للممشى الحقيقي للسيارة
يعطيك العافية اخوي ra3d777


up 1 down 0
الاحترافي 1108
قبل 11 شهر و 3 أسبوع



ماعندهم ذمه دول و لا يخافون الله يجيك المسكين على باب الله

مطلع قروض و اخرتها سيارة ملعوب فيها لاجل يقضي لنفسه و اهله فيها


up 2 down 0
زاهد الاحمدي 398
قبل 11 شهر و 3 أسبوع



صار الواحد يخاف يشتري سيارة من تلاعب الناس

الله يكون بالعون


up 1 down 0
mustafa77 6103 330
قبل 11 شهر و 3 أسبوع



انا احب الجموس في 93 الى 99 لقيت واحد قبل فترة هنا و شفت له صور و يقول مخزن ماشي 71 الف اللي لفت انتباهي العداد

ملعوب فيه يبين من الارقام واحد فوق والسبعه تحت يعني قريب بوصل 80 الف و هو توه داخل ال 71

المشكلة الجميع رد عليه و بعد كم ساعة حذف الردود ههههه

الله يفكنا شرهم


up 2 down 0
bindakheel 935
قبل 11 شهر و 3 أسبوع



قبل سنتين حصلت لكزس es 2008 ماشي فقط 138 الف حسب العداد

لكن الازارير على الطارة مشققة وومسوحة من كثرة الاستخدام وجربت السيارة مفككة ومربودة كأنها موديل 2000 ويقول هذا شايب تزوج وحدة صغيرة واشترى هالسيارة وقليل مشاويره عليها هههههههههههه

والسيارة من يوم تشوف داخليتها وتسوقها تقول انها ماشية 400 الف ع الاقل!!!

احيانا السيارة واضح ان عدادها مرجع لكن بعض الناس اذا شاف صاحب المعرض يحلف ويقسم بنظافة السيارة يصدقه ويكذب عيونه

وبصراحة صاحب المعرض كان رجل في أواخر الاربعينات من العمر وباينه رجال محترم ومتقي الله والله أعلم مدري هل عنده علم أو صاحب السيارة وقفها وهو نقل كلامه





up 3 down 0
دكتوراه في الحب 169
قبل 11 شهر و 3 أسبوع



واللله من غش المسلمين ليبتليه الله
في ماله او نفسه .... (.ولا تحسن الله غافلا عن ما يعمل الظالمون )


up 1 down 0
لا للغلاء 566
قبل 11 شهر و 3 أسبوع



من يعرف واحد من اللي ينزلون عداد السيارة عندي كامري وصلت للمليون وعلق العداد على 999999 ورحت للوكالة ماعندنا غير تغيير عداد ب2600 ريال ونزلت موضوع عن السيارة


up 1 down 1
الجوابر1 386
قبل 11 شهر و 3 أسبوع



والله ثم والله ثم والله ان صالة مزايا للسيارات منزله من تاهو ١٠٧٠٠٠ ميل ركزوا ميل
طلعت تقرير كارفكس.   يقولون ماشية ٨٢٠٠٠ ويوم علمتهم عن التقرير.  تفرقعوا
قصه طويله.  ماعندك احد.  بلغت تجاره وشرطه.  ليس في الحمض احدا ابدا ابدا


up 1 down 0
عبدالله الشفيعي 1433
قبل 11 شهر و 3 أسبوع