أضف سؤال أو موضوع جديد          

خدمه بخصوص متسوبيشي ماقنا

up 4 down 1
hli 2002 23
قبل 3 شهر و 3 أسبوع



سلام عليكم ورحمة الله وبركاته

بدون مقدمات كانت معي سياره ماقنا 2002 ذهبيه
شريت سياره بعدها ولله الحمد وتجملت بواحد واعطيته سيارتي من باب الاخوه قبل تقريبا سنه وشوي
وارجع اكلمه ابغى اخلص امور السياره وانقلها له ولاابي منه شي واتفاجى انه مايرد علي ورد علي بعد الف اتصال يقولي السياره انسرقت وقالي رح دور حول بلدية السلي اوصناعية حول النسيم اوالخليج وبتلقاها مرميه فاتكفون اللي يلقى السياره تكفون يعطيني خبر وله 3000 الف ريال مني انا لانها بااسمي ومتوهق فيها
مواصفاتها
ماقنا ذهبيه 2002 قير عادي اللوحه الحروف ا م و والارقام مااذكرها على مااروح المرور اطلع برنت اجي بالارقام
ومعليش على الاطاله لاكن والله اني مبتلش
وذي صور شبيهه بلضبط للموتر

مع العذر من صاحب الصوره لضروره








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يهديك كان نقلت ملكيتها له ولا تاخذ قيمتها من باب الاخوة عشان توفر قيمة تامين وتقل ورطت نفسك تجلس تطارد وراه


up 2 down 2
benz lover 88
قبل 3 شهر و 3 أسبوع



بلغ انها مسروقة و الاستمارة فيها
طلع برنت من المرور و رح للشرطة بلغ عنها او كان عليها بلاغ
اما بتدور عنها و انت على اعصابك ما تنفع هالطريقة يبغالها وقت و ممكن ما تحصلها


up 4 down 1
1405-1985 1286
قبل 3 شهر و 3 أسبوع



بلغ طال عمرك و ارتح تخلي مسؤوليتك


up 1 down 1
أبو راشد 33 864
قبل 3 شهر و 3 أسبوع



اول شئ بلغ الشرطه انها مسروقه من يوم وبعدين يمكن صديقك رمي السياره في الاماكن اللي قالك عليها بعد ما تعطلت منه - روح ابحث هناك
بس اهم شئ التبلغ علشان مخالفات ساهر واسعارها


up 2 down 0
عمده33 1361
قبل 3 شهر و 3 أسبوع



غريبة مارد عليك إلا بعد طلعة الروح الله أعلم انه مسوي فيها مصيبة وشلحها وباعها قطع عشان ماينكشف
ترى بعض الناس ماتستاهل المخوة
وممكن يكون صادق ان السيارة انسرقت منه وخصوصاً انها جت له من غير تعب فما اهتم فيها وتركها شغالة ومفتوحة
وخصوصاً سيارات ميتسوبيشي صعب جدًّا فتحها بغير مفتاحها حتى في الموديلات القديمة

كان عندنا ميتسوبيشي جالانت موديل 86 كم مرة حاولوا يسرقونها بدون فائدة لكن خربوا الأقفال لكن ماانفتحت السيارة

وهذي غلطة منك انك عطيته السيارة بدون نقل ملكية
مااقول غير الله يعينك وإن شاء الله تلقاها أهم شي تبلغ عن سرقتها مثل ماقالوا لك الشباب


up 3 down 0
nader2002 1500
قبل 3 شهر و 3 أسبوع



بس بلاغ من الشرطه يكفي و تخلي المسؤوليه


up 0 down 0
زاهد الاحمدي 239
قبل 3 شهر و 3 أسبوع



من زمان الغابرين وهم ينصحون عن صحبة و خوة الانذال وقليلين الاصل 
فما بالك بزماننا هذا .. الله يهديك كيف تعطيه سيارة وباسمك ؟!؟!؟!؟!

طيب لو عمل عليها جريمة او دهس او تفحيط او على اقل تقدير مثل ما قال لك 
انها انسرقت وش بيتسوي او وش ردك اذا سألوك الحكومة ؟!؟!؟!؟!

لكن ما فيه شيء بالهدنيا ببلاش .. قبل لا تقدم او ترفع بلاغ سرقة للشرطة 
حاول انك تبحث عنها او ترجع لخويك النذل وتهدده انه اذا ما علمك عن مكان 
السيارة انك راح تقدم شكوى فيه على الشرطة والمحكمة وطزززززز في صداقته وخوته 

ترا شرعاً ونظاماً انت غلطان ١٠٠٠٠٠٠٪ .. السيارة والسلاح وغيرها من الاملاك اللي 
فيها خطوره ومسجله في نظام الدولة باسمك وتحت ملكيتك ما عندهم يُمه ارحميني 
لانه لو صار شيء ( لا سمح الله ) ما يعرفون الا انت ... لا تزعل من كلامي بس هي 
تجربة و درس والحياة كلها دروس فالسعيد من تعلم من أخطائه وتعلم منها .



up 3 down 0
nasser1430 775
قبل 3 شهر و 3 أسبوع



زين انه ما صلخك من ساهر


up 2 down 0
mfh2009 136
قبل 3 شهر و 3 أسبوع