أسعار السيارات بعد السماح بقيادة المرأة

عن نفسي امس كنت بوكاله الناغي bmw مافي موتر عليه سعر كله مقشوع وش الحكمة مدري يمكن في نية لرفع الاسعار !!

ياخي الحريم باقي لهم ١٠ شهور الشركات مهي فاضيه تخزن سياراتها. وتنتظر المجهول
هذا اولا.   ثانيا والله وتالله وبالله.  ياأغلبنا مايسمح لأخته زوجته الخ تسوق
ف. اراهن على انك بتشوف عدد قليل من ذوات الخمار. يسوقن   ممكن بعد ١٠ سنوات  يصير الموضوع
زايد لكن خلال ال ٣ سنوات الأول. لن ترى اعدادا كثيره تمتطي السياره

في 5% قبلهم هذي بترفع السعر

عبدالله الشفيعي اتحدى اذا م امتلت الشوارع من سيارات النساء خاصة في المناطق المتحضرة مثلا جدة والرياض والخبر

الله يعين على تدبيل الزحمات
مواطنين+مواطنات+عمالة+بقاء سواقين و نقل
و كل واحد على سيارة

راح ترتفع الاسعار وحتى البنزين راح يرتفع والله يعين ع الزحمه بس الشوارع خير شر زحمه كيف دحين بتصير والله الله يعين بس

المفروض يحددو لهم متى يخرجو 

محد يقرر رفع الأسعار من الحين اول يشوفون الأعداد اذا كانت كبيرة و الطلب زايد رح يرفعون الأسعار
ماندري بالظروف الله يكتب الخير

اي وحده بتصدمني ماراح اسامحها ابد خلها مترزعه ببيتها 

ماعاد فيه توقيف سجن بالمرور فيه شي ايقاف خدمات

انا اعتقد ان اسعار السيارات الجديدة بترتفع والمستعمل بينزل سعرة مرة وكل سنة راح ينزل في سعرة ..

بالنسبة لسواقة الحريم الحين هم فرحانين فيها مايدرون ان الواحد يبي يفتك منها والله لو اقدر كان وظفت لي سواق اتبطح في الكرسي وهو يسوق.

والله زحام خصوصا الصباح تكرهه حياتك عشان توصل دوامك

سواقة الحريم راح تاخذ وقت وبالتدريج مثلها مثل أي أمر حصل. وكذلك الأسعار. فاغلب الحريم رواتبهن خالصة لهن بدون أي أعباء ولهذا ما راح يكون عندهن مشاكل لو يخلون ثلثين الراتب قصد سيارة إن تطلب الأمر

للعلم .......................
المرأة اكثر من الرجل التزاماُ وتقيداً بالقوانين والانظمة .
المرأة اكثر انظابطاً بطريقها و اكثرحرصاً و مراعاة للاخرين .
المرأة اتقن واجود واخلص من الرجل بجميع الاعمال والمهن الدراسية والحرفية والمناصب .

هذا هو الحــــــــــــــــــــــــــــــــــــــــــــــــــال.

لكن المرأة أكثر غشامة من الرجل بالقيادة خاصة

أصلا أسعار السيارات بترتفع بنسبة 5% قبل قيادة المرأة للسيارة بسبب قانون الضريبة المضافة اللي بيطبقونها بعد شهرين

انا شكلي باخذلي خيل نظيف نص عمر

انا بشتري لي توك توك ابو 3 كفرات وامشي على الرصيف واقول يارب سترك وعافيتك ... الحريم سواقتهم بكل
العالم ماهو بس بالسعوديه راح تكون صعبه ، حنا حاليا ونوقف ساعتين بالزحمه ونجلس على اعصابنا نخاف
احد يحك السيارة ... لكن الله يستر علينا جميعا ... والاسعار بتكون نفس الشي كل سنه فيها زياده
وهالشي روتيني من زمان

والله ياسواقة الحريم بتصير اركد من سواقة هالمراهقين المغامرين. واحسن من سواقة السواقين الاجانب
المتعلمين.    يتعلمون عندنا.    وافضل من سواقة ربعنا العرب. اللي يشتري سياره في ال ٤٠ من عمره
ويرجع المراهقه.  كم واحد لقط كم سياره.    ما اعمم بس اشوف هالشاكليات 
لكن يوجد مراهقين ممتازين وقد المسؤوليه.  ويوجد سواقين هنود وغيرهم. يحسب حساب. ومنتبه
ويوجد عرب يسوق على مهله.  لكن النماذج ال٣.  لاحظت عينات.  سواقين خاصين يقبعون بالسيارات
مراهقينا. حدث ولاحرج.    عرب شيبان او كبار.  سواقته دمااار
تجون عند الحنونات الرقيقات.  وتشككون في مقدرتهن على السواقه
صحيح بتلقا السياره حديقة حيوانات.  معلقه دب وتمساح. وارنب.    وصحيح بتلقاها محولتها صاله
وصحيح. بتلقاها صابغة امها اصباغ واجد.  لكن بتسوق على مهلها لبا عيونها وعيون سيارتها
معليش اعيش مراهقه.