مخالفة وقوف خاطئ ؟

ببساطة العسكري اعطاك مخالفة واخطاء في خيار المخالفة في جهاز باشر وللمعلومية يقدر يسجل عليك مخالفة وقوف خاطئ اذا حصل على رقم سجلك المدني طبعا الحل امامك هو مراجعة هيئة الفصل في المخالفات في مرور الناصرية

بقولك سدد عقبها اعترض يعني حوسة انت بغنى عنها ١٥٠ والله يعوضك 

لا مايحتاج يسدد علشان يعترض, واذا كل واحد سدد وسكت الموضوع راح يزيد اكثر واكثر

الله يعطيكم العافيه ماقول الا حسبي الله ونعم الوكيل 

عندك رخصه او لا؟
يمكن عندك مخالفة واعطاك مخففه بدلها والوقوف الخاطأ قيمته 100ريال

لاتسدد روح اعترض
انا اول صورني ساهر وماتجاوزت السرعة
وبعد يومين جات مخالفه م سددت ولا شي
رحت للمرور و اعترضت وشالو المخالفه بعد ٣ ايام
علما ان السيارة م كانت باسمي
واستمارتها منتهية . وتجاوبو معي عادي

نفس الموقف صار لي تقريباَ
طلعت من الحارة وفي الجهه الثانية تفتيش
المهم التفتيش ماهو بشارعي وطلعت على الرئيسي وفجأه وراي مرور سري
وقفت وأخذ إثباتي وقال أرجع للتفتيش اللي سحبت عليه
رجعت لهم وقال نأشر لك ولا توقف ؟
قلت ياخي أولا والله ما أنتبهت لأن التفتيش مو بشارعي والشيء الثاني ماعندي مخالفة
قال خلاص أنتظر في السيارة جلست أنتظر ربع ساعه وفي الأخير ينادي
وجلس يطقطق المهم أخذت هالموضوع بصدر رحب لأن رجل الأمن مهما فعل كلامه مصدق
أعطاني الإثبات ولا سجل علي مخالفة ولا قال لي شيء
وأخذت إثباتي ورحت على الدوام متأخر وشوي تجيني رسالة مخالفة وضع حواجز داخل السيارة
ولا فيه حواجز ولا هم يحزنون والله سددتها وقلت بيني وبين نفسي الله لا يسامحهم ويردها في وجهه اللي سجلها
هو أكيد واحد من اللي في النقطه لكن ويلٌ لقاضي الأرض من قاضي السماء وكلت أمري لله وسددتها

حسبي الله عليهم يبون يعطون مخالفه بأي شكل
والله اني مع النظام.   حارتي حتى السواقين يعكسون.    رصوهم مخالفات. هم واللي يعكس
سيارات تمشي بدون ليتات.  وتسرع في الحواري رصوهم مخالفات لين يتأدبون
سياره كتم في كتم يمنع الرؤيه كذلك     لكن. مخالفه لمن لايستحق مايصير
اظن مافيه فقره تقول. غرامة اللي يطنش التفتيش. او الظابط قال جيبوا ٥٠ مخالفه
مع اني لوكنت مسؤول كبير في المرور لأكثرت من المرور السري
والله عندي في الحاره مجمع مدارس
ومتعود على شارع كل او اغلب ما امر معه القا العالم عاكسه تختصر. مع انه لو راح ٥٠ متر نظامي
ديور  بس الكسل وتعود على عكس الشوارع.     لكن ينصقع مره ب ٥٠٠ عكس من مرور سري
ماعاد يتعودها.    لأنه من صالح الجميع. فلوس تروح للفقراء والارامل.    وتربية للي يخالفون مخالفه صريحه
لذلك. الله يهديهم.    المخالفات كثير.  عليهم بتكثير سيارات المرور السري في الحارات وعلى مدار٢٤ ساعه
وبيجمعون مليارات  وبيريحونا. من العاكسين والمطفين انوارهم والمتهورين وقريبا المتهورات

حسبي الله ونعم الوكيل على كل من ما يخاف الله .. وعسى كل من كتب مخالفه ظلم انه يشوفها بصحته ولو صرف ماله كله ما يحصلها ... انا سبق وصارت لي ان مرور سقط علي والله انه حمار كان حيقبعني وهو ماسك الجوال يقلب فيه وانا تفاديته ويدي ما شلتها عن البوري .. قام جنبني وبدل ما يعتذر طلب الاثباتات وعطيته وقام يلف حول السياره يبحث عن أي شي يخالف به ويقول بصوت عالي (لازم نشوف لك مخالفه تربيك)... ولما ما حصل شي مخالف بسيارتي قام كتب مخالفه ازعاج السلطات لأني ضغطت البوري ... فقلت له حسبي الله ونعم الوكيل فيك اذا انك ظالمني وانت خصمي يوم الحساب امام الله .. قام قال لي ان الحسبنه على رجل الامن ممنوعه!! فقلت له طلعت قدرتك على الخلق ونسيت الخالق وقدرته عليك والتربيه الحمد لله متربين أحسن تربيه.. والله يخلف على اللي ما حصل احد يربيه وينظر لغيره بعين طبعه ... بالاخير ناظر لي وموب عارف ويش يعمل فقل لي توكل على الله لا تبيت بالحجز وتشوف الظلم بعينه ... رحت ثاني يوم ورفعت شكوى لمدير المرور وما جاني عليها اي رد غير ان المخالفه نزلت وسددتها .. وكل يوم بشهر رمضان ما بين الاذان والافطار اني افتكره بدعوه ان الله لا يوفقه ويسلط عليه ويبتليه مثل ما ابتلى خلق الله

حسبي الله ونعم الوكيل   
 "البر لا يبلى، والذنب لا يُنسى، والديان لا يموت، ابن آدم اصنع ما شئت فكما تدين تدان" 

مع احترامي للعسكر.  مرور جوازات شرطه
انا اعمل في وظيفه حكوميه لاباس بعملي. اخدم الجميع وابتسم في وجيه الجميع. مع احترامي معي شهاده اكبر من شهادة ظباطهم
هندي سواق يجيني اتعامل معه بكل محبه  بما يمليه واجبي المهني
اروح الجوازات.   اسأل يالله يتكلم.  كأنه مخنوق ولايبي يجاوب
اروح المرور. يعطيك كلمه وينشغل.   اروح الشرطه حدث ولاحرج.  ومباني متهالكه
اعوذ بالله.     تأدبوا مع الناس ياناس.  خذوا دورات فن التعامل انت في خدمة الشعب ولست جلادا لهم
اعرف ان الظابط يدق خشمك وان خشم الظابط يدقه اللي اكبر منه وان الظابط الكبير حرمته تدق خشمه
بس وش ذنبنا حنا.     لفت نظري عسكري بجوازات مطار الدمام بحسن ادبه وتعاونه مع الجميع
بغيت احب راسه.    بيضة ديك.  والمفروض الجميع يسوي كذا
معنا في العمل استشاريين رواتبهم ٧٠٠٠٠. يحملون مليون شهاده // مبالغه//.  تعاملهم راقي وحتى الخادم يعتبرونه ابن لهم
صراحه. مهيب مره ولامرتين ولا١٠ ولا١٠٠ مره.  نافخ خشمك ليه.   عندك عقدة نقص وبتكملها بالبدله
كنت مع ظابط من جماعتنا. نقيب في الشرطه.  ومسكنا عسكري. قام ينفخ.   النقيب رفيقي. مايحب يزعط  ويطلع بطاقه يوم تمادو
العسكري طلع البطاقه. وتعامل معه بمعرفته قام يتنافض وغدا مثل الحصني قال لا فيه سياره زي سيارتكم عليها بلاغ.  قال ترى لو
بشيك واتأكد بتطلع كذاب.      لكن افلح.       اتمنى ان كل واحد يعرف واجبه
الشرطه لفرض الامن.    والمرور لرصد المخالفات الحقيقيه تنظيم السير.   ووو كل في عمله
زعاطه وخراط فاضي مهيب مهنتك.       تزيعط واخر شي بعد دعوة الناس عليك تقاعد و٢٥٠٠ ريال
وتشتغل سيكورتي في مجمع تتهزأ من المشرف
من تواضع لله رفعه.