السياره تعطلت بالجامعة نصايحكم احبتي

لا والله أنصحك خلها بمواقف الجامعة لين تنتهي اختباراتك وخلال هالوقت طقها كعابي ياذيبان للجامعة . . . . .

وإذا خلصت إختباراتك أبد أعرضها للبيع على أحد الطلبة أو الأساتذة الأجانب ويريحك منها . . . . .

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سير المكينه سليم ؟ ؟ ؟
مروحه لة متوقفة ليها أكثر من سبب
كتاوت او فيوز أو دينمو الروح

عندك الرديتر شكله مافيه موية والسيارة فيها امان ماتشتغل اذا مافيها موية وشيك على معيار زيت الماكينة

طيب دام انها تشتغل وتمشي سوقها لاقرب ورشة يكشف عليها
مو شرط مكيف 24ساعة افتح الدريشة ورح بها لاقرب ورشة

يا اخوان السياره تشتغل لكن الطاره ما تلف الا بقوة عظمى

ما قدرت اطلعها من الموقف اصلا لان الطاره ما بتلف معي الا بالقوه

فك الكبوت طال عمرك وتاكد من السير تلقاه مقطوع !!!

لان السير يتحكم بتحريك بكرة الكبمروسر لتشغيل المكيف وكمان بكرة الدركسون وبكرة الدينمو وطرمية الموية لذلك لاتجازف بتشغيل السيارة

شلها على سطحه احتياط وقفها عند اقرب كهربائي او ورشة
يعرف لتركيب السير
اشتري سير اصلي و يضبطها و ان شاء الله ترجع احسن من اول

السير مقطوع ميه بالميه
انتبه ترها تحتر بسرعه
بس ماعليك امرك سهل باذن الله

شلها بسطحة على أقرب صناعية الأمير متعب قريبة من جامعة الملك عبدالعزيز

اول شي قول الحمدلله 
ثاني شي السياره قطعها الحمدلله مسهله عليك ودها عند واحد مظبوووووط يسويلك ياه تقريباً بالكثير 300 ريال تمشيك فتره معينه تخلص فيها امورك وبيعها او بدلها بسياره تقتنع فيها 
ونشاءلله تلقا اللي يعجبك ويرضيك

بالنسبه للرد الاول.  الله يهديك الرجال  متوهق بالسياره 
وجاي يستفسر ويبي مننا الافاده وانت قاعد تطقطق 
عليه وتتتريق على الموضوع. الله يهديك بس .

بالنسبه لصاحب الموضوع. 
دام السياره مايلف الدركسون الا بصعوبه 
فااحتمال سير الدركسون انقطع احتمال فقط
واما المكيف. والله مقدر افتيك عنه يمكن سير او غيره 

لاكن. بكره بعد الدوام. دور لك سطحه وخذها بسطحه 
للصناعيه وهم يكشفون عليها واذا كان المشكله كن سير
منقطع راح تشوفه انت بنفسك اذا فتحت الكبوت 
لاكن الحين شيلها بسطحه افضل لك وحفاظاً على سلامتك
وسلامة الاخرين بالطريق. لان اذا مشيت عليها والدركسون
ثقيل ومايلف الا بقوه. اخاف يقفل مره وحده بالطريق وماعاد
يلف او يصير ثقيل زياده. وماتقدر تلف وتتحكم فيه. ويصير
حادث لاقدر الله. 
لاكن خذها بسطحه افضل وان شاء الله شغلتها بسيطه 
دام انها شغاله فالمشكله احتمال من السيور سير المكيف 
والدركسون او مروحه او غيرها ان شاء الله حاجه بسيطه 

اذا الدركسون ثقيل لا تشد عليه كثير لانه يخرب لك الدودة تبع علبة الدركسون وتخسر زيادة

افتح كبوتها وناظرالمكينة والسير والاسلاك شف حداهن لايصير انقطع وبإذن الله مشكلتها بسيطة

( اخذها بسطحه واوديها لاقرب ورشه ؟ )

بالله هذا سؤال واحد براسه عقل ياللي معطيني ديسلايك خخخخخخخخخخخخخ

يعني قاعد يطقطق بجواله ويستفسر وينتظر الناس تدخل هنا وترد عليه وهو منلطع بالشمس وإلا قاعد بكافتريا الكلية ؟؟؟؟؟؟؟

كتابة الموضوع تأخذ لها 10 دقائق من وقته خلال هالعشر دقائق يمديه اتصل على راعي سطحة وجاه وشال سيارته . . .

يعني أنت الحين بلشان مين يوصلك للبيت وسيارتك ماتمشي خلاص . . . . .

اتصل على سطحة وشلها واتصل على واحد من اخوياك ويرجعك للبيت . . . . .

قضي الأمر . . . . . هي ماهي صناعة صاروخ . . . .

وإلا تنتظر كل ساعة يرد عليك واحد وتقعد تسوي اللي يقوله لك ؟؟؟؟؟؟؟؟؟؟

آخيراً ,,,, عساك وصلت بيتكم . . . . . .

^^ لا لسا متكي مع السكيروتي ! يارجال شاب صغير بالجامعة مايعرف يتصرف كنا اول نبنشر نحس ان الماكينة خبطت 

خارج الوسط الرياضي

يا عزيزي اولا الله يهديك
ثانيا في تطبيقات حاليا لورش متنقله تأتيك الى مكانك الموجود فيه ويصلحون لك السياره بمكانها مهما كانت المشكله او الخراب
وثاني شئ اهل جدة بيعرفون ان الجامعة قريب منها ورش بني مالك .. مابينها وبين الجامعة الا 5 دقايق او اقل
فطبيعي اني اسأل اناذااخذها بسطحه ممكن ياخذ مني 50 او 70 ريال مقابل مشوار ما ياخذ منه 5 دقايق او هناك طريقه اخرى توفر عليا المبلغ
وثالث شئ
انا كنت احسب المشكله من المروحه واغلب الاعضاء الان اكدوا لي ان المشكله من سير المكينه
لاني من يوم ما شفت المروحه ما تشتغل كنت ناوي اروح اشتري مروحه جديدة واخذ السياره لاقرب ورشه ويركبها ليا
لكن الاستفسار وان كنت تشوفه استفسار " جاهل " لكنه افادني

عموما بالنهاية
انا من يوم ما كان عمري 17 وانا معتمد على نفسي اعتماد كامل " في عدا مسألة المال " ومحد علمني اي شئ بالسيارات
كل خبرتي الي عندي حاليا اما من مشاكل بالسياره حصلت لي وصلحتها وتعملت ايش المشكله
او مشاكل صارت لسيارات اخوياي وتعلمت منهم ايش المشكله وكيف طريقه اصلاحها وحلها

شيك على منظم المروحة صارتلي قبل أسبوعين نفس المشكلة

الغالب انه السير ولازم تاخذ السيارة بسطحة 

لان الحراره بترتفع وبتخرب عليك اشياء مكلفه . 

هذا سير مافيها كلام صارلي مثل موضوعك
حملها بسطحه 100 ريال وورشه بني مالك تشتري سير يمكن 30 واجره تركيب 70 ريال وصلى الله وبارك