هل الراجحي يقسط الدفعة الأخيرة للسيارة ؟

نعم يقسطها بس لازم تروح قبل ينتهي الاقساط بثلاث شهور عشان يكون عندهم خبر انك بتقسط فيه ناس سحبوا عليه راتب كامل
بسبب انه ماعطهم خبر بتقسيط الدفعة الاخيرة

و يكون راتبك يتحمل مبلغ التقسيط
يعني اذا المبلغ كبير فرضا" ٥٠ الف
÷ ١٢ = ٤١٦٦ ريال لازم يكون مبلغ القسط ثلث الى نص راتبك
اكثرهم يطلع قرض و يسدد كاش او يبيع السيارة قبل
و من قيمة البيع يسدد و ينقلها باسم المشتري

يعني التقسيط بس لمدة سنة كاملة ؟

ممكن سنتين عند عبداللطيف جميل حسب ما شفت من ردود بعض الاخوان
و ممكن شركات التقسيط اما البنوك ما اظن

البنوك كل يوم له سياسة وكل القرارت ضد العميل مستحيل يسوون شي لمصلحه العميل همهم شفط الجيوب 
ويفيدونك اهل الخبره والله يسهل امرك وكل مسلم 

حالياً اتوقع انهم سمحوا بتقسيط الدفعه الاخيره لمدة سنتين لكن ما ادري هل يشمل كل البنوك او لا
لكن انت روح لفرع البنك وبيعطونك العلم الاكيد

وعليكم السلام

خويي سحبوا راتبه كله انه ماراجعهم بخصوص الدفعة الاخيرة زي ماتفضل الاستاد عبدالله 1020 يعني لازم تجيهم .

اما بخصوص عبداللطيف قبيح انا كنت ماخذ منهم برادو2011 اقساط يوم حلت الدفعه الاخيره قالوا راح تكون بعقد جديد وفوائد
جديدة وهذا ربا والله اعلم لانه لو كانت بدون فوائد مافيها شي والله اعلم
المهم اضطريت اخذ قرض تكميلي عشان اكيشهم واسدد فيه ليوم الدين يعني انتبه وانا اخوك والله يوفقك

سمعت ان الاخير تقسط 18 شهر
اتصل تاكد وخبرنا نعرف

صحيح تقسط على 18 شهر بدون فوائد بس الاهم تراجعهم قبلها بشهرين

كيف يسحبو الراتب كله اشتكيهم بموسسة النقد

يمديك

بس عطهم خبر بانك راح تقسط قبل ماتجي الدفعه الاخيرة بشهرين على الاقل

عمي كان عليه دفعه اخيره 24 الف وطلبهم والحين يقسطهم وطبعاً راح تزيد القيمه
لان فيها تامين وعقد جديد

وفقك الله

الله يعطيكم العافية