شاركنا تجربتك كم اقصى سرعه وصلت لها سيارتك ؟

دائما السرعة مالها فائدة مع اني قد وصلت لسرعات جدا خيالية
ولو انعاد فيني الزمن ماكنت بعيدها ابداً

ياحبيبي اقصى سرعة يحجرلك فيها ساهر
بالخرج ودوامي بالرياض (كل يوم اروح للرياض) وحدي 130 واذا اسرعت مشيت 140
الحمدلله ان ساهر ماجاء الا وعمري تجاوز 38 بعد ماركدنا عن السرعة

السيارة: كامري امريكي 2000 V6
اقصى سرعة: 180 في جسر البحرين قبل تركيب الكاميرات
وفيه مرة بسرعة 170 في طريق راس تنورة شارع طويل بدون كاميرات

وتوبة اكررها السرعة ماوراها الا الدمار تخيل لا قدر الله انفجر الكفر على هذي السرعة
شفت مواقف بعيوني وانا امشي وخلاااص توبة اكررها حدي بالكثير 120 130 بس

اقصى سرعة ٢٥٥ على الفصلة الرياض الدمام والموتر بي ام لمدة دقيقة وتخوفت مرة كان من باب التجربة لا اكثر 

الله يكفينا وياكم شر السرعة

في سيارتي الباثفايندر وصلت ل 140 لثواني ومن ثم خففت الى 110.

السرعة شينة وانا اخوك ما منها خير.

والله هذي اليومين افكر اجرب كم تصل سرعة موتري بس اني متخوف انا حدي 120 واذا زادت 140 ومن الخوف ارجع على طول لسرعتي المعتاده
الله يكفينا شر السرعه و اياكم

سوف اذكر لك تجربة اخر سرعه اسرعها ولد خالتي رحمه الله
كان ماشي ٢٠٠. وانحرفت السياره وانقلبت وانتقل الي رحمة الله
وسوف اذكر لك سرعة البناخي اللي اشترى فوردي.   وراح تالف
فوردي ياطويل العمر.  زي الوكاله.    ولحاجة البناخي.    بعته اقساط. براس ماله في المعارض
ما اخذت فايده.   وظبطت له خليته زي الجديد. داخلي وخارجي وانا اصلا مطلعه زمان ب فوق ال٦٠ الف
يعني ماكنت بفرط فيه.   والبدي عمره ما تعرض لحادث
جاك الولد طاير. يمشي مليووون.   وضرب سيارة جمس وزحفت وضربت رصيف وطارت على عمود
وطلع منها سالم. ولله الحمد.  هذي اخر تجارب السرعه. حبيت اذكرها
ياتتوفى.   او تنشل او تخسر ماليا وهذه اسهل الامور تنتعوض.    
الركاااااده زينه.      

اعلى سرعة لو اقولها ما تصدقون ... لكن الاكيد ما عاد الا نقلع 
طبعاً هذا من زمان .. اما هالحين ١٢٠ الى ١٤٠ ولا اتعداها 
السرعة صرعة 

مكسيما 99 اظن الشوكة وصلت 250 نازل من الهدا وف نزلة الكر قبل مكة معروف المكان هذاك كان لازم تجرب السيارة

فورد 99 مشيت 180 مره وحده
وصابونه 95 مشيت 170 مره وحده
واكسنت 2015 مكينة1.6 اقصى سرعه وصلتها 190 على طريق الرياض مكه وبغت تهج فيني بسبب الهواء لكن ربك لطف
ومن بعدها 150 ما اتعداها بسفر والمدينه 110

اكورد2013 مشيت الفصله 215 لمده دقيقتين خط الرياض_جدة
التيما 2009 180 واحس السياره خفيفه وماتساعد
لي فتره الحمدلله هادي ومااتعدى 120
السرعه شينه مامنها خير انتبه وانا خوك وراك اهل ينتظرونك

ي شباب انتبهو السرعة م فيها خير
وانا السيارات الي اسرعت فيها للتجربة فقط
ولا انا ماني راعي سرعه

ي شباب انتبهو السرعة م فيها خير
وانا السيارات الي اسرعت فيها للتجربة فقط
ولا انا ماني راعي سرعه

والله إني اتعجب جدا من هل السرعة 
عندي مازدا ٢٠١٧ جديدة دقيت بها ١٦٠ وخفت حسيت ان السيارة بطير 
وافتح اليوتيوب اشوف ناس دافين ٢٥٠ مدري ٢٦٠ سادحين الطبلون ماهي معقولة ذيك السرعة 
الله يكفينا وإياكم شر الحوادث والسيارات 

انتبهو ي شباب قبل ٢٦ ساعة فقط
والله صاحبي سوا حادث بسبب السرعة بسيارة نيسان Z معدلة
وللحين فاقد الذاكرة هو و خويه
الحمدلله طلعو منها احياء السيارة انعجنت عجن

انتبهو ماله داعي تمشي 200
اللي مو مصدق يشوف

بالضبط لها 26 ساعة


http://www.m5zn.com/newuploads/2017/10/14/jpg//496b45d0e9326f0.jpg


http://www.m5zn.com/newuploads/2017/10/14/png//7209bd207a33eb3.png

٢٤٠ 
كابرس ٢٠١٤ 
تجربه لا اكثر

اوريون 2017مشيت للفصله 218 وعلى طول مسكت فرامل لأنه كان تجربه ولأول مره امشيها ودايما داخل المدينه من 80 إلى 110 فقط اما خط سريع 130 كحد أعلى

والسرعة ياخوان والله مامنها خير لاتسرع لاتسرع وش بتخسر لو تأخرت ربع ساعه ولا 10 دقايق ولا حتى نص ساعه ترا مامنها خير صحتك أهم شي الباقي مايهم دام صحتك موجوده ورضا الوالدين وطاعه الله

أعلى سرعة مشيت فيها قبل 6 سنوات تقريباً على خط جدة / مكة هي 260 السيارة بي إم 740

أعلى سرعة مشيت فيها قبل 6 سنوات تقريباً على خط جدة / مكة هي 260 السيارة بي إم 740
وتوبة بعدها من السرعة حالياً امشي بسرعة الخط أو أقل شوية لي مدة طويلة ما تعديت ال 120 أبد ولله الحمد