استفسار عن سياره بدفعه اولى 20 الف وقسط ميسر

اللي اقدر افيدك فيه بقولك
بالنسبة للقسط خذ عبر نظام البنوك
نسبتهم اقل من شركات الايجار مثل اليسر وايجارة
لكن كم راتب علشان يصير نحكم اذا بيطلعون لك ولا لا
بالنسبة للسيارة تقدر تاخذه من معارض ارخص لك
واللي اقدر انصح سيارات بالميزانية اللي عندك مازدا 6
و النترا فل قماش او سيراتو فل -يفضل حجم المكينة 2000-
وعندك كوريلا استاندر وممكن ماليبو استاندر LS من معارض
هذا اللي يحضرني ذكره والله يرزقك ويعطيك خيرها ويكفيك شرها مقدماً

دفعتك الأولى طيبة

عندك خيارات كثيرة

كامري ,, كورولا ,, سوناتا ,, التيما ,,

لأن السيارات اللي ذكرتها فوق ناس تاخذها بدون دفعة أولى بيطلع قسطه 1200 وحولها

انت شوف اللي يناسبك وكل ما قل القسط كل ما ارتحت .. والله يكتب لك اللي فيه الخير

الراجحي والرياض.  اقل.    نسبه
للأنسان اللي بيحافظ عليها.  لان تأمينهم ورش.  
ف تبي سياره تسوقها وماتحتاج لتأمينهم.    هم ارخص

من مجرب
دفعة اولى اقل نسبة 5%
راحت السيارة تالف بعد سنة
رفضوا يرجعون لي الدفعة الأولى
هذا نظام بنك الأهلي و حسب تقرير التأمين و أشياء ثانية

فأقولك اذا مضطر للتقسيط بدون دفعة اولى او اقل نسبة مطلوبة
و بقية ال٢٠ الف خلها بالرصيد تسدد منها القسط لو يزيد عن الالف ٢٠٠ او ٣٠٠ ريال

خيار مازدا ٦ جيد
سعرها ٦٨ ألف تقريبا
لو بتدفع دفعة اولى ٢٠ واخيره ١٣ يطلع القسط ٩٧٠ على خمس سنوات
لو بتدفع دفعة اولى ٢٠ واخيره ١٣ يطلع القسط ١٣٥٠ على ثلاث سنوات
لو بدون دفعه اولى واخيره ١٣ يطلع القسط ١٣٥٠ على خمس سنوات

وانت تقدر تحدد الي يناسبك .

القسط يختلف من بنك لآخر هذا الحساب تقريبا نسبة ٨ %
ويوجد بعض البنوك أقل نسبة .

نصيحة اخ 20 الف تجيب لك صني موديل 2015 او يارس او النترا او كورلا موديل اقدك مثل الجديد ولا تتعب نفسيتك وترهق حالك بالدين