كيف الغي اشتراكي في اعلان لي رد عليه بموقع حراج ؟

إشعارات تجي اذا كتبت رد وتروح اذا انحذف ردك

لايمكنك.   ذلك. الا اذا انحذف الاعلان.  ياخي وش يضرك.  اشعار.  وبيروح والاعلان بيصير قديم. 
والا بيحذف
معليش تذكرت. واحد. كفلته او صرت معرف له   في وكالة المجدوعي
المهم. قال ابتأخر ٣ اقساط.   واكيشهم الباقي. كاني باقي ٨ اقساط. 
كلموني.  فهمتهم. ان الرجال بيجيه مبلغ وبيعطيكم كل الاقساط دفعه وحده.  وانتم تعرفون جواله. 
اظن كنت معرف.  والمعرف.   ماله علاقه الا اذا اختفى. الشاري.  اطلعه لهم 
الزبده.    جاني خطاب منهم مشتكيني للعمل قطعت الورقه.       كل هذا وانا ما بلغت خويي.  عشان ماينحرج
بعد ٧ سنوات.  كان عندي جار.  واقطعوا عليه الكهرب. كلمني قال سدد.   واعطيك مع الراتب
ولأني كنت في البر. كلمت خويي. اللي كفلته او عرفته قلت سدد ولاجيت بعطيك كاش.  سدد
وبعد كم شهر يكلمني. يقول ياخي ازعجتني رسايل شركة الكهرب.  بعد ماسددت عن جارك. 
كنت مستلم ونايم.  قلت وش اسوي لك.       سود الله وجهك.  انا رافعين علي شكوى في العمل ومزعجيني
يهددوني واهددهم بسببك. ولا بلغتك.    وانت مصحيني من نومي.  عشان سبب تافه.  انا كل يوم رسايل
من موبايلي من البنوك من الاسواق من الصيدليات عادي. رساله وتروح
وانت يجيك في الشهر مره وحملتني وزرك.         طبعا لايزال يضحك ويستغرب من مكالمته لي
الشاهد من كل هالقصه الطويله.     ان الدعوى. رساله او اشعار.  لايضر
وحبيت بس اسليكم.  ببعض المواضيع العجيبه في هالدنيا.    

الله يعطيكم العافية الاشعارات تزعجني لأن أحياناً تكون عندي اعلانات مثلا وانتظر اي اشعار فلما يجيني اشعار اروح اشيك واتفاجأ انه مايخص الشيء اللي ابيه
طبعا مايفهمها الا اللي مجربها ههههههه

تقدر تقدر تحت مكان التعليقات مكتوب متابعة الاعلان
اضغط عليه تصير متابع ارجع اضغط عليه تزال المتابعه ومعد تجيك الاشعارات

ادخل على رابط اشعارات واضغط على حذف جميع الاشعارات وراح تنلغي جميع المتابعات 

فعلا قلق يخلي الواحد مايعلق ابد يراسل ع الخاص وخلاص