أضف سؤال أو موضوع جديد          

شوروا علي بسيارة طيبة لنقل معلمات

up 5 down 0
اعلانات 51
قبل 7 سنه



السلام عليكم ورحمة الله وبركاته

مساكم الله بالخير جميعاً

ما خاب من استخار ولا ندم من استشار، ودي تتكرمون علي وتنصحوني بسيارة فان لنقل المعلمات.

احد القريبات توظفت بقرية تبعد عنا حوالي 80 كيلو متر، والخط مسفلت الحمد لله.

عندي سواق على كفالتي ما احتاجه حالياً وراتبه مرهق (2200 ريال) ، قلت اخذ سيارة عائلية مستعملة واخليه يوصلها مع 5 من زميلاتها وارتاح من راتبه مؤقتاً.

########################
لقيت سيارات يمكن تكون مناسبة منها:

- فورد فري ستار

- هونداي فان H1

- هوندا اوديسي

- كيا كرنفال

- جمس او يوكون (موديلات 2000 ـ 2004 )

########################

مهم ان السيارة تكون:

- مريحة للركاب وتكفي 6 اشخاص

- مكيفة ولا تعاني من ارتفاع الحرارة مع المشاوير اليومية

- سعرها ما يزيد عن 40 الف ريال بأقصى حد

- قليلة الاعطال وصرفيتها قليلة (بنزين, قطع غيار, ..)

########################

اتمنى اللي عنده خبرة او تجربة بهالموضوع يفيدني.


بانتظار نصائحكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اشتر لهن جيب لكزس 2013


up 2 down 8
سعود سعد 222 26
قبل 7 سنه



السلام عليكم ورحمة الله

كل المواصفات هذي تلقاها في الفان h1 <<هاذي في السعر اللي انت محددة وفي كل شي انت قلته
هذي طبعا الاولى في كل شي

ويجي بعدها الجمس <<< بس احتمال السعر اعلى شوي او ممكن تلقى

وبعدها الفورد

وان شاء الله اني اكون افدتك

والله يرزقك امين
ولك احلى لايك
والسلام عليكم



up 3 down 0
الساهر55 1319
قبل 7 سنه



- فورد فري ستار
###### يارجال وش لك بالفورد حراره وقطع غاليه وغيرها وشكله موب ذاك الزود #####

- هونداي فان H1
### صراحه ممتاز شكليا واستخدام وتحصل بسعرك مستعمل ####
- هوندا اوديسي
## هوندا قطع غاليه على الفاضي وحراره ####
- كيا كرنفال
## ماعرفه صراحه ##
- جمس او يوكون (موديلات 2000 ـ 2004 )
## الجمس مريح لكن صرفيه بنزين وحراره واذا خرب عليك شف الشاطر من 10 كذابين في الصناعيه يصلحه ##


up 5 down 2
وحش الرياض 2024
قبل 7 سنه



هوندا اوديسي قويه وتتحمل كرف


up 2 down 0
البطش 3585
قبل 7 سنه



فري ستار لا تاخذه غير مناسب
كيا ممتاز بكثرته لكن ما اعرف تحمله
هوندا ممتازة ومريح جدا ولكن قطع الغيار مثل ماقال اخوي وحش الرياض
الجمس خذ بس لا تاخذ دفرنسين وخذ نظيف وانصحك فيه لانه قيمته فيه وعملي ويفصل ويتحمل رجل السواويق واامن من
السيارات الي قلتها لا قدر للحوادث
الهوندياي ان اخذته مع احترامي الشديد لك كنك حاط راسك في التنكه كبييييير بالحيل على مكينه مدري اكسنت او اصغر
يالله يمشي ولا فيه اي راحه
استخير
من هذي كلها انا من رايي يالجمس يا الهوندا


up 1 down 0
سلطان سعد 1010
قبل 7 سنه



اخي العزيز بالنسبة للهونداي .. ترا مكينته اصغر من انها تتحمل جسمه .. الهونداي يصلح داخل المدينة فقط .. الفورد الفري ستار .. مشاكله كثيرة جدا بالقير وبالحرارة .. سواء الفري ستار ولا الوندستار .. الكيا زي الهونداي ما تصلح الا داخل المدينة .. لذلك ارشح لك الهوندا الاوديسي .. والا الجمس .. وللعلم الاوديسي اذا بتاخذ خذ الموديل من 2005 وطالع .. لان من موديل 2000 الى 2004 فيها مشاكل وعيوب مصنعية بالقير .. وترا قطعها مو غالية مررة .. للعلم استخدمت اوديسي 2002 وخبط علي القير مع ان الكل حذرني من القير من قبل ما اشتري .. لذلك ارشح لك الجمس ولا الاوديسي .. مع العلم مكينة الاوديسي 6 سلندر وعزمها قوي وتتحمل الخط .. ولك حرية الراي ....


up 1 down 0



بعطيك مثال عن قطع الهوندا اللي غيرتها ..
مسامير توازن الواحد ب 70 ريال ياباني .. جلد مقصات .. 45 الواحد .. بواجي ب 90 ريال عدد 6 بواجي .. مساعد امامي 180 ريال ياباني .. سير ماكينة 80 ريال اصلي ..


up 1 down 0



انصحك في هونداي فان H1 اهم شي ييكون نظيف



up 2 down 0
ســامــر 1055
قبل 7 سنه



لاتنسى تويوتا البريفيا تراها سياره  كريفه 


up 1 down 0
السموئل 1105
قبل 7 سنه



انا انصحك بالهوانداي h1 عند واحد من الاقارب ويوصل عليها يوميا حوالي 180 كيلو وفيها عقبة حوالي 45 كيلو رايح جاي
طبعاً بالجنوب وساهر وتريلات يومياً على هالحال
وعمره ما شكا منها طبعاً قير عادي


up 1 down 0
ابوخلوودي1 5064
قبل 7 سنه



الله يجزاكم خير جميعاً ما قصرتم.

ملاحظ شركات توصيل الطالبات في المدن اغلب سياراتها هونداي H1 واكثر من شخص مدحها بالردود وسعرها رخيص حتى الجديدة.

المشوار بطريق سريع ومزدوج ومتساوي ومافيه اي طلعات او نزلات الحمد لله.

اللي عنده تجربة بموضوع التوصيل يفيدني عنه، يعني مصاريف السيارة الشهرية اذا المشوار يوميا 180 كيلو تقريباً، وبقية الاشهر اللي ما فيها دراسة كيف يشغل السيارة؟

الله يرزقني واياكم من فضله.


up 1 down 0
اعلانات 51
قبل 7 سنه



لاتنسي ان الاجنبي ممنوع من نقل المعلمات


up 1 down 1
الجوابر 749
قبل 7 سنه



أنصحك بالهايس التويوتا2006  بعد انتهاء الدراسة تقدر تأجره وشكل حلو بالستاير


up 0 down 0



الجمس يالذيب خلهم يكشخون قبل يجيهم حادث يغديبهم الجمس الجمس هو الافضل شكل ومتانه 


up 2 down 1
بــندر 83
قبل 6 سنه و 4 شهر



هدي شغلتي واناخوك
خدلك جمس 
انا انقل معلمات


up 0 down 0
abo wesam
قبل 4 سنه و 3 شهر