أضف سؤال أو موضوع جديد          

رأيكم ب Audi A6 2016 مستعملة

up 4 down 1
المحارب النبيل 17
قبل 2 سنه و 11 شهر



السلام عليكم ورحمة الله وبركاته

اخواني الكرام وش رأيكم بسيارة Audi A6 مستعملة

السيارة عليها ضمان وصيانة مجانية لكن الخوف بعد ما ينتهي الضمان أنسلخ بأسعار الصيانة والقطع, أو ما ألقى أحد يصلحها زي الناس

أنا رغبت فيها لأن سعرها مستعملة ممشى 40 ألف موديل 2016 ما يتعدى 100 ألف ريال! ودي فيها لكن خايف تكون السيارة حساسة ومكلفة

بحثت عنها ووجدت الكثير يذم الوكالة وغلاءها. فهل فيه ورش في الرياض مختصة للأودي ومعروفة وشغلها قريب من شغل الوكالة؟
وش رأيكم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا أخوي ترى الغلاء جاي قدام و هالسيارات ما تنفع .. بتغربلك بخراباتها الغريبة و بتخسر فيها بالنهاية
أنت كاش و مقرش خذ اللي تبي .. أنت راتبك اقل من 15 ألف و ما عندك بيت ملك خلك على الكوري و الياباني


up 7 down 0
الحمد لله .. 123 -101
قبل 2 سنه و 11 شهر



ماشاء الله اول شي مبروك السياره قيادتها ممتازه وراسية إذا رغبت بتفاصيل عن الصيانه وقطع الغيار تعال خاص أفيدك أن شاء الله بكل شي


up 3 down 0
ابوعمرومريم
قبل 2 سنه و 11 شهر



انت بتشتري سياره المانيه من الفئه الفاخره معك مقدره على صيانتها الدوريه ولا اشتر لك سياره عمليه
فيها المواصفات اللي تحتاجها ولا تتورط في شي ولا تندم انك دافع 100 الف وفي الاخير م معك فلوس الصيانه


up 4 down 0
evil3000 71
قبل 2 سنه و 11 شهر



مانزيد على كلام الشباب كفو ووفو ^^^


up 0 down 0
mohammed shareef 1057
قبل 2 سنه و 11 شهر



يارجال سعرها رخيص والموتر جديد يعني بتروح وتجي فيه 5 سنوات مو طالب الا قطع استهلاكيه خايف من وش


up 3 down 1
جنوط حديد 164
قبل 2 سنه و 11 شهر



الاودي بطل لما يكون ممشاه قليل ولو تبي صيانات كلمني عندنا ورشة شمال الرياض بالملقا الماني فقط 


up 3 down 2
benz lover -78
قبل 2 سنه و 11 شهر



الاودي هذي ماهي من الفئة الفاخرة مثل مايقول البعض
سعرها جديد نفس سعر كامري او افالون 130 

وبالعكس اذا كانت 4 سلندر السيارة جدا ممتازة صرفيتها مثل اليارس

مكينتها 1.8 4 سلندر مع تيربو

وانا حتى عيني عليها او لكزس es 250 


up 2 down 4
atn17 2
قبل 2 سنه و 11 شهر



أشكركم على آراؤكم إخاوني الكرام

الاخوان اللي قالوا لي أتواصل معهم بإذن الله بكلمكم وآخذ رأيكم عن أسعار القطع وما إلى ذلك وشاكر لكم طيبكم

أخوي atn17 فيه ناس تشوفها من الفئة الفاخرة وناس لا الله يحفظك لكن في نهاية المطاف هي أودي ألماني والأودي مشاع عنه ان قطعه نار هنا. أتوقع أسعار قطعها نفس أسعار الفئات الأعلى من أودي.

شاكر لكم مروركم اخواني الكرام وبانتظار المزيد من الآراء


up 1 down 0
المحارب النبيل 17
قبل 2 سنه و 11 شهر



اخواني

ابوعمرومريم
و
benz lover

وش طريقة التواصل معاكم؟


up 1 down 1
المحارب النبيل 17
قبل 2 سنه و 11 شهر



راسلهم طريق موقع حراج


up 0 down 0
أبو راشد 33 978
قبل 2 سنه و 11 شهر



المشكله مو هينا المشكله لاصار العداد ملعوب فيه
نصيحه اشتر موتر جديد السوق مافيه امان 


up 1 down 0
sjfki2 105
قبل 2 سنه و 11 شهر



صدقت أخوي بس اذا كانت جديدة وتحت الضمان والصيانة يختلف الموضوع


up 0 down 0
المحارب النبيل 17
قبل 2 سنه و 11 شهر