السيارة تعطلت علي

ودي ذكرت نوع السياره
بعض السيارات القديمه السير يجي واحد الدينمو مع المروحه واذا انقطع ترتفع الحراره وتولع لمبة البطاريه عشان الدينمو ماعاد يعبي

السيارة ريو 2015

الشغلتين اللي طلعن لك لمبة البطارية وارتفاع حرارة المكينة المفاجىء يدل ان السير انقطع والله اعلم 

مو شرط السير يكون انقطع ممكن ضعف شحن الدينمو
والمراوح تحتاج جهد عالي عشان تشتغل
فا لمن ولعت لمبة البطارية معناتو شحن الدينمو ضعف
وفي نفس الوقت دوران المراوح بيضعف
طبعا ممكن السير يكون انقطع برضه

صارت معي نفس المشكلتين والسبب كان الدينمو
اذا ضعف الدينمو تستهلك السيارة طاقة البطارية
واذا خلصت البطارية تبداء تضعف الكهرباء بمافيها المراوح وبالتالي ترتفع الحرارة

شيك على السير + طرمبة ماء + تهريب رديتر + فحمات دينمو او المولدات الي خلف الدينمو

عزيزي لا تنسى ان المراوح كهرب والدينمو تعطل يعني بيضعف اداء المراوح اذا ماكانت شبه توقفت ولذلك ارتفعت الحرارة طبيعي


ترى كثير من الناس يستهون بالدينمو وهو زبدة الموتر السيارة ما تحرك شبر به ويركب تجاري ولو يقطعه في طريق مقطعه ولا بر بلش وقام يدعي على الكهربائي وعلى الموتر وحاس الدنيا والبلا فيه هو


من النوادر ادخل محل قطع غيار واسمع احد يقول عطني اصلي اغلبهم يقول وش ارخص شي يقاله بيوفر


وهذا التوجه في نظري غير صحيح


خلاصة الكلام ياصاحب الموضوع موترك دينمو صلحه وبتزين حرارته وكل شي مهب خرابين قصدك خراب واحد يسبب اكثر من عطل في السيارة لأنه مهم

موفق

مثل ماذكروا الأخوان هي أحد مشكلتين
إما السير انقطع و صار الدينمو مايشحن و الطرمبة و قفت
أو الدينمو نفسه تعطل و أصبح مايعطي كهرب كافي للمراوح