أضف سؤال أو موضوع جديد          

سالفتي مع تعليق مثبت السرعه

up 15 down 8
عاشق الشفرر 925
قبل 9 سنه و 3 شهر



السلام عليكم ورحمة الله وبركاته 


مدري كيف ابداء بالموضوع 
انا كانت عندي فورد المهم قلت بنفسي انا جربت الجمس والكابرس والصابونه والبيوك والومينا قلت بنفسي 
خلني اغير وافكر وافكر وافكر لحد ما شفت كدلك كنكورد موديل 97 ويخش مزاجي ودخلت موقع الحراج
والقى كدلك شبه مخزن ما شاءالله باين عليه موقف له فتره وادق على راعيه واقابله بالرياض ونتفق واخذ 
السياره ومعي اخوي اللي اكبر مني وامسك الخط راجع لديرتي  ديرتي تبعد عن الرياض حوالي 200 كيلو
وبعدين كنت امشي يمكن 120 وقلت بجرب مثبت السرعه واضغطه وتوصل السرعه 140 واضغطه مره ثانيه 
ويوصل 160 واضغطه كم مره ووصلت 220 وامسك اليسار ومافيه الا اقوى تكبيس واسحب فرامل ويسحب 
واحط القير فاضي واخفف لحد 120 واطفي السياره لان المكينه كانت تحنننن واخلي السياره تمشي وهي طافيه
لحد ماوقفت وارجع اشغل وامشي على نفس الدعوه العداد يطلع بسرعه وارجع اوقف وافتح الكبوت واجلس ادور
لحد ما لقيت سلك المثبت واسحبه بيدي واشغل والحمدلله المكينه ما عاد تحن  ومن بعدها حرمت استعمله



اعتذر لصاحب الصوره 

ونصيحه اخ  لاخوانه لحد يقرب من الكدلك حتى لو كان نظيف لانه موتر حساس وقطع غياره ناااااار

اسف على الاطاله ولكم  التعليق  








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بآرك الله فيك على النصيحة الطيبة ..


up 1 down 0
oo أبو عبد الرحمن oo 1772
قبل 9 سنه و 3 شهر



واجبنا وانا اخوك


up 2 down 1
عاشق الشفرر 925
قبل 9 سنه و 3 شهر



الله يعطيك العافيه و شكراً


up 2 down 1
عبدالمجيد ال محسن 3341
قبل 9 سنه و 3 شهر



قد صار موضوع عن الكدلك هنا وجى كم واحد مدحه   ..

حاولت اقنعهم انه الكدلك ابو الخرابات لكن محد رضي يقتنع  

واللي يبغى يعرف او يستفسر عن اي سياره يروح يسئل اصحاب الورش هم اعرف بالسيارات 


الحمدلله على السلامه 

ومثبت السرعه صارت سالفته تخوف والحمدلله سيارتي مابها مثبت سرعه ولو فيها ماشغله أبد


up 3 down 0
ابــو ســنــد 10639
قبل 9 سنه و 3 شهر



الكدلك الموديل القديم مثل 84 هاذي صبوره وقطع غيارها معقول 

بس اللي كان معي جيت اغير  المساعد الخلفي قالي ب 500


up 1 down 0
عاشق الشفرر 925
قبل 9 سنه و 3 شهر



اقول خلك على الشفر اصرف حتى لوافيو


up 1 down 0
فهد4950 2543
قبل 9 سنه و 3 شهر



مشكور اخوي ع النصيحه الطيبه 

وبالنسبه للكدلك كفخامه وشكل واكسسوارات ممتاز جدا ولا احد يختلف عليه

لكن مشكلته قطع غياره غالي وغير متوفر نوعا ما وحساس جدا يعني الموتر معك مثلا كويس وتروح عليه وتجي وتجي تطفيه الموتر كويس لكن ممكن ترجع تشغله يطلع فيه شيء هههههه مجنون هالموتر 

ع العموم بالتوفيق لي ولكم بالدنيا والاخره والله يجيرنا من الحوادث وانتبهو من السرعه ترا ما وراه الا المصايب 


up 3 down 0
camry grandi 99 7274
قبل 9 سنه و 3 شهر



كان معي برقهام موديل 92 من قراش الامير فيصل بن فهد رحمهما الله
قوة في قوة في قوة بس رحت اشتري زيق لقيته ب400 لكن القطع الداخليه قطع كابرس صابونه بوكس
لكن من 93 محد يمدحه والدليل اسعاره كيف تنزل نزول غريب بس المكينه جبارة والقير مصيبه
لكن الراحه جربت 97 قسم بالله كانك في طيارة ماشاء الله تبارك الله من قمت الراحه
لكن صدقت اسعار القطع غاليه


up 1 down 0
سلطان سعد 1014
قبل 9 سنه و 3 شهر



والحمد لله على سلامتك


up 0 down 0
سلطان سعد 1014
قبل 9 سنه و 3 شهر



الحمد لله ع السلامه

رد خارج الموضوع شوفوا الاعلان هذا انا كنت اسمع عن النصب ف المنتدى والشرطيه وماصدقت الين شفت بعيني شوفو الاعلان هذا وردي فيه.   1458226   




up 0 down 0
عيسى علي 675
قبل 9 سنه و 3 شهر



ياشباب الحل كل واحد يحط مسدس ويضرب القزاز الخلفي ههههههههههههههه
حل سهل


up 0 down 1
sowaan 36
قبل 9 سنه و 3 شهر



انت غلطان , مفروض ما تشغل مثبت الا لما تفحص موتر كامل , يمكن فيه عطل ,لانك تقول موتر واقف له فتره اكيد مع الاجواء خورافيه تعطل فيه شي ولا تنسى وقوفه فتره ياثر على مووتر , عندي اس اس 2001 فيه مثبت لكن ما ارتاح له , مع انه ثبت سرعه على 160 من منفذ البطحاء لحد الرياض تقريبا 500 كيلو , وما صار شي لكن اخاف منه :(


up 0 down 1
x500 777
قبل 9 سنه و شهر



الله يجزاك خير على التنبيه والكدلك من تشوف سعره طايح وماهو مرغوب تعرف انه معقد


up 0 down 1
ابو راكان تبوك 956
قبل 8 سنه و 10 شهر