أضف سؤال أو موضوع جديد          

لاتصدق اي سومة تشوفها حاليا

up 16 down 2
ابو عزوز8 430
قبل 3 سنه و 6 شهر



للاسف اشوف ويشوف غيري ان الموقع حالياً صار سوماته والبائعين فيه غير جديين اونصب في نصب وللاسف للاسف ان صاحب الاعلان يقفل مخة ويرفض يقتنع ان الي سام نصاب
احد الاعلانات احد الاشخاص قفز بالسوم من 120 الي 170 وطبعاً لاسالت صاحب الموتر قالك مثل ما انت شايف كم وصل السوم!! االمهم بعد فتره يحدها ب130 !! طيب وين ابو 170؟
الشي الثاني الي يسوم ويكذب وش وضعه احد الاعلانات شفت احد الي يسومون شطح بالسوم ورحت تواصلت معه بالواتس قلت انا راعي الموتر الي سمته بالمبلغ الفلاني قال ايوه قلت متى يناسبك نتبايع بسومتك جلس يضحك قال نمزح يرجال من وين لي 10 الاف كيف ب100 الف قلت له ليه تسوم طيب وانت تستهبل مايجوز ياخي قال يارجال شباب وانا اسف!! قلت طيب الله لايهينك ارجع واحذف سومتك وبين بالموقع انك تمزح وسحب علي وارسلت المحادثة لصاحب الاعلان
..اعلان ثاني موجود للحين وجديد طيرو السومات فوق يوم حد راعي الموتر بسعر اقل من سوماتهم للاسف كلهم اختفوا!!
الي متى هالاشكال الي كذا ولا قلت شي قالوا انت شريطي او حسود!! لنا كم شهر نبي نشتري موتر ومايخرب علينا الا هالاشكال الي تجدع السومه وتهج او البائع يقولك الموتر مسيوم ب100 ويجيك بالخاص يقول ب90 نخلص بكرا!! طيب ليه تخلي الناس تسوم وتتزاود وانت من الاساس تبي 90؟ ويحلف انه مسييوم ب110 من زبون شافه وفحصه؟ طيب وال90 الي بالخاص وش وضعها؟
حتى سومه بجوال لاتصدقها حط سومتك الي تناسب ان اعجبت راعي الموتر دق عليك ولا خله يتعلق بالنصابين لين يروح موديل موتره!! البعض يحسب سومه الي قبل سنه زين الي اليوم؟ يقولك عليه سومه ب100 وتسأله متى يقول قبل سنه!! الزبده شي يقهر والمشرفين مدري وينهم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما خرب الموقع إلا الملاقيف والمبزرة

ما أدري ما يخافون الله ولا وش وضعهم

الله يهدي الجميع


up 10 down 1
مفقود 956
قبل 3 سنه و 6 شهر



قبل يومين نزلت استفسار بموقع حراج عن يايات الكابرس

و حطيت صورة اللومينا فضي و الكابرس ابيض

عشان اوضح الفرق بالإرتفاع بين السيارتين

يجيك واحد يقول كم وصل السوم

و اللي بعده يقول ١٢ بعت

هذا دليل لا ركز بالصور ولا قرأ الاعلان


في ناس تدخل كذا بس ترمي سعر وتمشي او يجيك الشريطية خويياه السوم يرتفع ١٠٠٠٠ بظرف ساعة سبحانك يارب ! 

الرد ببساطة اصبر عليها تجيب اكثر ...


up 5 down 5
benz lover -77
قبل 3 سنه و 6 شهر



افضل نظام يسويه حراج يضع خانة سومات مايتحرك الرقم الا بسومة اعلى ويقفلو الردود لا استفسار الا عالخاص ولا تقدر تسوم الا بعد مايرسل الشخص هويته ويعتمدونها الموقع

تغيير بسيط بالموقع مايكلف شي بعدها تشوفون السومات الحقيقية للسيارات المعروضة


up 6 down 1
عربة للسيارات 1665
قبل 3 سنه و 6 شهر



تبي تشتري سياراه مستخدمه معروف بتتعب وكأنك تبحث عن زوجه صالحه.

اشتر جديد وريح راسك ولا اصبر شوي على تعب البحث حتى تحصل شيء نظيف.


up 4 down 10
ثقتكم -290
قبل 3 سنه و 6 شهر



بنز لوفر والله انك صادق الاعلان ماكمل ساعة والسومات كل واحد يزود 10 الاف فجاه بعد ثمان ساعات من 100 الي 160 واصل!!

بالمقابل نفس الموتر وانظف مسحوب عليه ولا احد سامه


up 6 down 0
ابو عزوز8 430
قبل 3 سنه و 6 شهر



كله كوم والي يقول سيارتك تسوا كذا واسوم بكذا بس ماني بشاري عطو السلعه حقها كوم ثاني


up 4 down 1
كارينو 573
قبل 3 سنه و 6 شهر



مو بس السيارات لو تنزل اعلان اي سلعه 
تلقى مثل هالعينات انا نزلت اعلان لصيانة الايفون
تركيب بطارية وشاشة ومدخل شاحن وسماعات
جاني اكثر من شخص يضيع وقتي عالفاضي
المشكله انا ماعندي محل صيانة متنقله 
جاني شخص يبي شاشة وبطارية وهوم عطيته سعر
مايحلم فيه سعرها جميع اقل من سعر الشاشة بالسوق 
وهي من نفس الموزع اللي بالسوق 
وضيع وقتي عالفاضي اخر شي عطيته بلوك وحذفت الاعلان طابت
نفسي من الشغله كلها


up 2 down 0
w.asa 2027
قبل 3 سنه و 6 شهر




يارب توفيقك 2014
اقتراحك ممتاز بس نفس المشكلة لو وصل السوم 50 ويجيك واحد يسوم ب60 ماهو جاد اجباري اللي بعده يسوم فوق 60 وكذا خرب على الناس


up 2 down 0
new2030 73
قبل 3 سنه و 6 شهر



بالحرام كلامك عين العقل

ياخي خربوا علينا

حتى باعلانات الجوال

مره لقيت سامسونج ايدج مكسورة شاشته وجيت سمته ب300 لاني عارف شاشته حول 800 ريال
زي اللي عندي غيرتها قبل شهر

وجاك واحد وطمر وسامه بالف ههههههههههههه

قلت الله يشفيك خذه بالف وصلح شاشته ب800 يعني مجموع1800 جديد 1600 ريال يارمه

هذا اذا صدق بالشراء

كثير يخربوا على الجادين بالشراء لكن ماقول الا الله يهديهم او ياخذهم الملاقيف


up 1 down 0
aboahmed2014 1161
قبل 3 سنه و 6 شهر



البايع يعرف قيمة بضاعته ويعرف الصامل
احيانا بعضهم يعرف ان اللي يسوم كذاب وياخذ بكلامه



up 0 down 0
meshal alharbi 341
قبل 3 سنه و 6 شهر



واله انك صادق اخوي

فيه بعضهم بس ينزل اعلان ع شان يشوف اخر سومه للموتر

وتلاقيه منزل نفس هلاعلان بكل المواقع
ويشوف اعلى سومه ويكتب وصل السوم لسعر ؟؟؟
واليوم الثاني تلاقيه بالمعارض ويشوف اعلى سومه ويرجع يفتح موضوع جديد

ويقول السوم والله وصل لسعر ؟؟؟

وهو صادق يوم حلف لاكن هل الى سامه بهسعر جاد بالشراء ولالا


up 0 down 1
3abdulrahman 45
قبل 3 سنه و 6 شهر



ماتلاحظون انه ابراهيم التركي رجع هههههه شوفوا فوق


up 5 down 5
fowad 123
قبل 3 سنه و 6 شهر



هاذي من زمان موجوده وخربت الموقع والادارة نايمه

تحصل اعلان حاد سيارته ب15تحصل التعليقات يسوم ب17ويقول شرط الفحص وهاذا جوالي شغل تخريب الله لا يوفقهم

البايع يطمع والزبون يشوف السوم ويهج


up 2 down 0
296
قبل 3 سنه و 6 شهر



السلام عليكم --- ما قصرتو جميعا
يقولون موقع امازون بيفتح بالسعودية وتقدر تشتري البضاعه او سياره او دباب عن طريق الصرافه

بالتعاون مع مؤسسه النقد طرحو خدمه الشراء عن طريق الانترنت بستخدام بطاقه مدى الصرافه العاديه بدون الحاجه للفيزا

اتوقع موقع حراج بعد دخول امازون بيتأثر كثير

حسب ما سمعت ان ارباح حراج عالي في المقابل لا يوجد تطوير للموقع ابدا هو هو من عرفته




بخصوص السومات فيه واحد داق علي الساعه 2 في الليل يقول كم وصل السوم هههه وبعدها حذفت رقم الجوال

الله يوفقكم


up 0 down 0
فواز ١٤٣٦ 41
قبل 3 سنه و 6 شهر



ي رجال انا نزلت اعلان ببيع سيارتي
الاعلان ماله دقيقة على طول واحد سام سومة اعلى من حق السيارة
يعني يمكن حتى ماقرا الاعلان
ولما اتواصل معاه يطلع نصاب يرمي كذا بس
وحتى كثير يسومو ويطلعو مو صاملين

مدري ايش يستفيدو من ذي الحركة !


up 0 down 0
7ssom 421
قبل 3 سنه و 6 شهر



تلقى اغلبهم عنده نفس السياره ويبي يرفع سعرها ويبيع موتره عشان يوهم العالم
ان سعرها عالي


up 0 down 0
sjfki2 108
قبل 3 سنه و 6 شهر



والله فيه طريقه بس مدري توافقون عليها والا لا او بالاحرى ادارة الموقع توافق عليها الا وهي ارسال عربون مع السومه لحساب الاداره وبعدها ماحد يسوم الا الشخص اللي صامل وشراي والمبزره تنقلع....لي شهر ادور موتر قسم بالله العظيم اشوف اشياء ف الموقعع مايتسكت عليها...سومات غبيه وناس تزاود وهي ماقرأت الاعلان بعضهم يسوم ويزاود وبعدها تحصله يسأل عن مواصفان السياره !!طيب وسومتك اللي سمت وش نسوي به...علقت صاحب الموتر ولاخليت باع ولاخليت احد يشتري...والشي الثاني الغاء السومات ف الخاص...مو معقوله يجيني واحد ينزل اعلان بعدها يقول مسيوم ف الخاص بكذا ...سلامات...ادارة الموقع لازم تشوف حل يا انه يتم دفع عربون او تتكنسل السومه


up 1 down 0
برحرح 3
قبل 3 سنه و 6 شهر





مرحبا 
انا مروان تلودي



up 0 down 0
حرف الالف 1025
قبل 3 سنه و 6 شهر



المفروض يحطون نظام تسوم تدفع عربون او نسبة مقدما مثلا 1% او 2% عن طريق سداد مثلا اثبات مصداقية غير عمولة الموقع
هنا تشوف كيف يتربون المبزرة


up 0 down 0
معرض المئوية 200
قبل 3 سنه و 6 شهر