اصدار لوحات بدل تالف بدون تامين

كلم مرور الناصريه وهم يفيدونك اكثر

انا مره طلعت بدل فاقد لوحه خلفيه
وطبيت بعسكري الله لايسمحه طلب تامين جديد وفحص السياره جديد
وتمرمط وجبت الاوراق ولقيت عسكري ثاني قال ماله لزوم كل هذي سدد رسوم اللوحه وبعد اسبوعين تراجعنا
تاخذ بدل فاقد

فتاكد من الشغله قبل وفقك الله

شاكر مرورك وافادتك ابو احمد

رحت لمرور شمال الرياض (ابو بكر الصديق) ورفض الا بتامين وفحص

بشوف الناصريه

الدرعيه نصيحتي لك بدون تامين او فحص

اللوحات بدل فاقد وبدل تالف ماله اي علاقه بالتامين والتجديد


روح مرور السويدي قسم استلام رخص السير
قبل تروح سدد بالصرافه 100 فقط ويطلب لك اسبوع تجي تستلمها

واحد من الزملاء لوحته باهته من السافي
شافها عسكري اعطاه قسيمه و قالله يروح يطلع بدل تالف
بدون ما يسد مخالفات و لا تجديد تأمين بس يدفع رسومها

مستغرب يقول مهتمين باللوحات تكون واضحة عشان ساهر ههههه
لكن اللوحات مهمة من ناحية الأمن لو يخالف او يغلط على احد او يصدم و ينحاش
لازم تكون واضحه و الانارة عليها شغاله

قسيمة اللوحة الباهتة 3000

اصدار اللوحات يطول بكل الفروع او حسب فضاوتها؟ ما تطلع بيومين بدل اسبوع

سدد رسوم ١٠٠ ريال ورح مرور الغرب السويدي وتاخذ لوحات بدل تالف زي ماصار معي